ಉಡುಪಿ: ಪಾರ್ಟ್ ಟೈಮ್ ಕೆಲಸ ನೀಡುವುದಾಗಿ ನಂಬಿಸಿ ಭರತ್ ಎಂಬುವರಿಗೆ ₹ 1,01,670 ವಂಚನೆ ಎಸಗಲಾಗಿದೆ.
ವಂಚಕರು ಭರತ್ ಮೊಬೈಲ್‌ಗೆ ಲಿಂಕ್‌ ಕಳಿಸಿದ್ದು ಅದನ್ನು ಕ್ಲಿಕ್ ಮಾಡಿದಾಗ ವೆಬ್‌ಸೈಟ್‌ ಪುಟ ತೆರೆದುಕೊಂಡಿದೆ. ಲಾಗಿನ್ ಮಾಡಿದ ಬಳಿಕ ಆನ್‌ಲೈನ್ ಶಾಪಿಂಗ್ ವೆಬ್‌ಸೈಟ್‌ ಪುಟ ತೆರೆದುಕೊಂಡಿದ್ದು ಅದರಲ್ಲಿ ನೋಂದಣಿ ಮಾಡಿಕೊಂಡು ವ್ಯಾಲೆಟ್ ತೆರೆಯುವಂತೆ ಸೂಚನೆ ಬಂದಿದೆ.
ವಂಚಕರ ಸೂಚನೆಯಂತೆ ನೋಂದಣಿ ಮಾಡಿಸಿಕೊಂಡ ಭರತ್ ವ್ಯಾಲೆಟ್ ತೆರೆದು ₹ 964 ಹಣ ಹಾಕಿದ್ದಾರೆ. ಅದೇ ದಿನ ಅವರಿಗೆ ₹ 1,330 ಖಾತೆಗೆ ಜಮೆಯಾಗಿದೆ. ಇದನ್ನು ನಂಬಿ ಮತ್ತೆ ಗೂಗಲ್ ಪೇ ಮೂಲಕ ಹಂತಹಂತವಾಗಿ ₹ 84,630 ಹಾಗೂ ಸ್ನೇಹಿತ ಮನೋಜ್ ಎಂಬುವರಿಂದ ₹ 17,040 ಹಣವನ್ನು ವ್ಯಾಲೆಟ್‌ಗೆ ಹಾಕಿದ್ದಾರೆ.
ಬಳಿಕ ಮೋಸ ಹೋಗಿರುವುದು ಬಯಲಾಗಿದೆ. ಈ ಸಂಬಂಧ ಉಡುಪಿ ಸೆನ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
