ಮಂಗಳವಾರ, ಜೂಲೈ 7, 2020
28 °C

ಕಾರ್ಕಡ: ಭತ್ತ ನಾಟಿಕಾರ್ಯ ಚುರುಕು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಸಾಲಿಗ್ರಾಮ (ಬ್ರಹ್ಮಾವರ): ಮುಂಗಾರು ಮಳೆ ಪ್ರಾರಂಭದ ಸಂಕೇತ ನೀಡುತ್ತಿದ್ದಂತೆ ಕೋಟ ಹೋಬಳಿ ಪ್ರದೇಶವಾದ ಸಾಲಿಗ್ರಾಮದ ಕಾರ್ಕಡ ಭಾಗದಲ್ಲಿ ಭತ್ತದ ನಾಟಿ ಕಾರ್ಯ ಬಿರುಸಿನಿಂದ ಸಾಗುತ್ತಿದೆ.

ಮೇ ಮೊದಲ ವಾರದಲ್ಲಿ ಬಿತ್ತನೆ ಕಾರ್ಯ ನಡೆಸಿದವರಿಗೆ ಜೂನ್ ತಿಂಗಳ ಮುಂಗಾರು ಮಳೆ ವರವಾಗಿ ಪರಿಣಮಿಸಿದೆ. ಬಿತ್ತನೆ ನಡೆಸಿ 20ರಿಂದ 25ದಿನಗಳ ನಂತರ ನಾಟಿಗೆ ಸಿದ್ಧಗೊಳ್ಳುತ್ತದೆ. ಅದರಂತೆ ಕೆಲವೊಂದು ಭಾಗದಲ್ಲಿ ಬೇಗ ಬಿತ್ತನೆ ನಡೆಸಿದವರಿಗೆ ಅನುಕೂಲವಾಗಿದೆ. ಕಳೆದ ಬಾರಿಗೆ ಹೋಲಿಸಿದರೆ ಈ ಬಾರಿ ಚಂಡಮಾರುತದ ಪರಿಣಾಮ ಮಳೆ ಬೇಗನೆ ಆರಂಭವಾಗಿ ಕೃಷಿ ಕಾಯಕಕ್ಕೆ ಅನುಕೂಲ ಮಾಡಿಕೊಟ್ಟಿದೆ.

ಕೂಲಿಯಾಳುಗಳಿಂದ ನಾಟಿ: ಇತ್ತೀಚಿಗಿನ ವರ್ಷಗಳಲ್ಲಿ ಕೂಲಿಯಾಳುಗಳ ಸಮಸ್ಯೆಯಿಂದ ರೈತ ಸಮುದಾಯ ನಾಟಿ ಕಾರ್ಯಕ್ಕೆ ಯಂತ್ರಗಳ ಮೂಲಕ ಮೊರೆ ಹೋಗುತ್ತಿದ್ದರು. ಆದರೆ, ಈ ಬಾರಿ ಲಾಕ್‌ಡೌನ್‌ನಿಂದಾಗಿ ನಾಟಿ ಯಂತ್ರಗಳು ಇನ್ನೂ ಬಂದಿಲ್ಲ. ಹೀಗಾಗಿ ಬಲು ಅಪರೂಪವೆಂಬಂತೆ ಸ್ಥಳೀಯ ಕೂಲಿಯಾಳುಗಳ ನೆರವಿನೊಂದಿಗೆ ಸಾಲಿಗ್ರಾಮ, ಕೋಟ ಪರಿಸರದಲ್ಲಿ ಕೃಷಿ ಕಾರ್ಯ ನಡೆಸಲಾಗುತ್ತಿದೆ. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.