ಉಡುಪಿ | ಚುಮು ಚುಮು ಚಳಿ: ಜೇನು ಉತ್ತಮ ಇಳುವರಿ

ಉಡುಪಿ: ಈ ಬಾರಿ ಫೆಬ್ರುವರಿ ತಿಂಗಳವರೆಗೂ ಚುಮುಚುಮು ಚಳಿಯ ವಾತಾವರಣವಿದ್ದುದ್ದರಿಂದ ಜೇನು ಕೃಷಿಯಲ್ಲಿ ಉತ್ತಮ ಇಳುವರಿ ಬಂದಿದೆ.

. ಜಿಲ್ಲೆಯ ಪಶ್ಚಿಮ ಘಟ್ಟದ ತಪ್ಪಲು ಪ್ರದೇಶಗಳಲ್ಲಿ ಹೆಚ್ಚಾಗಿ ರೈತರು ಜೇನು ಕೃಷಿ ಮಾಡುತ್ತಾರೆ. ಅರಣ್ಯ ಪ್ರದೇಶಗಳಲ್ಲಿ ಕಾಡು ಹೂವುಗಳಾದರೆ ಜೇನು ಇಳುವರಿ ಜಾಸ್ತಿ ಆಗುತ್ತದೆ ಎನ್ನುತ್ತಾರೆ ರೈತರು.

. ಈ ಬಾರಿ ಮುಂಜಾನೆ ಚಳಿಯ ವಾತಾವರಣವಿದ್ದು ಹೂಗಳು ಲಭ್ಯತೆ ಹೆಚ್ಚಾಗಿದೆ. ಇದರಿಂದಾಗಿ ಆರಂಭದ ಕೊಯ್ಲಿನಿಂದಲೇ ಅಧಿಕ ಇಳುವರಿ ಬಂದಿದೆ ಎನ್ನುತ್ತಾರೆ ಜೇನು ಕೃಷಿಕರು.

. ಡಿಸೆಂಬರ್ ತಿಂಗಳಿನಿಂದ ಆರಂಭಿಸಿ ಮೇ ಕೊನೆಯವರೆಗೆ ಜೇನು ಕೊಯ್ಲು ನಡೆಯುತ್ತದೆ. ಈ ಅವಧಿಯಲ್ಲಿ ಮಳೆ, ಮೋಡ ಮಸುಕಿದ ವಾತಾವರಣ, ಅತಿ ಬಿಸಿಲಿನ ವಾತಾವರಣ ಇದ್ದರೆ ಇಳುವರಿ ಕುಸಿಯುವ ಸಾಧ್ಯತೆ ಇರುತ್ತದೆ. ಈ ಸಲ ಇದುವರೆಗೂ ಜೇನು ಕೃಷಿಗೆ ಪೂರಕವಾದ ವಾತಾವರಣ ಇರುವುದು ಅನುಕೂಲವಾಗಿದೆ ಎಂದು ಹೇಳಿದ್ದಾರೆ.

. ಜೇನು ಕೃಷಿ ಮಾಡುವವರು ಜೇನುತುಪ್ಪದ ಜೊತೆಗೆ ಇತರ ಉಪ ಉತ್ಪನ್ನಗಳನ್ನು ಅವಲಂಬಿಸಿದ್ದಾರೆ. ಜೇನು ಮೇಣದಿಂದ ಲಿಪ್ ಬಾಮ್ ತಯಾರಿಸಿ ಕೆಲವರು ಮಾರಾಟ ಮಾಡುತ್ತಾರೆ. ವರ್ಷದ ಕೊನೆಯ ಇಳುವರಿಯ ಸಂದರ್ಭದಲ್ಲಿ ತಟ್ಟಿ ಸಹಿತ ಜೇನನ್ನು ಮಾರಾಟ ಮಾಡುತ್ತಾರೆ.

. ಜಿಲ್ಲೆಯಲ್ಲಿ 500ಕ್ಕೂ ಅಧಿಕ ಜೇನು ಸಾಕಣೆದಾರರಿದ್ದು, ವರ್ಷದಿಂದ ವರ್ಷಕ್ಕೆ ಹೆಚ್ಚಿನ ರೈತರು ಜೇನು ಸಾಕಣೆಯತ್ತ ಆಸಕ್ತಿ ತೋರುತ್ತಿದ್ದಾರೆ ಎನ್ನುತ್ತಾರೆ ರೈತರು.

. ‘ಸಾಮಾನ್ಯವಾಗಿ ಒಂದು ಪೆಟ್ಟಿಗೆಯಿಂದ ಸುಮಾರು ಏಳು ಬಾರಿ ಜೇನು ಸಂಗ್ರಹಿಸಬಹುದು. ಹತ್ತರಿಂದ ಹದಿನೈದು ದಿವಸಗಳಿಗೊಮ್ಮೆ ಜೇನು ಕೊಯ್ಲು ಮಾಡುತ್ತೇವೆ. ಈ ಬಾರಿ ಜೇನುಪೆಟ್ಟಿಗೆ ಬೇಗ ತುಂಬುತ್ತಿದೆ’ ಎನ್ನುತ್ತಾರೆ ಕಾರ್ಕಳದ ಜೇನು ಕೃಷಿಕ ಶೈಲೇಶ್ ಮರಾಠೆ.

. ‘ಈಗಾಗಲೇ ಎರಡು ಕೊಯ್ಲಿನಲ್ಲಿ 180 ಕೆ.ಜಿ. ಇಳುವರಿ ಸಿಕ್ಕಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಬಾರಿ ಹೆಚ್ಚು ಇಳುವರಿ ಸಿಕ್ಕಿದೆ. ಸಾಮಾನ್ಯವಾಗಿ ಋತುಮಾನ ಆರಂಭದಲ್ಲಿ ಇಷ್ಟು ಇಳುವರಿ ಬರುವುದಿಲ್ಲ. ಒಟ್ಟು 80 ಜೇನು ಪೆಟ್ಟಿಗೆಗಳನ್ನು ಇಟ್ಟಿದ್ದೇನೆ’ ಎಂದೂ ಅವರು ವಿವರಿಸಿದರು.

. ‘ಮೇ ತಿಂಗಳಲ್ಲಿ ನಾವು ಜೇನು ತಟ್ಟಿಯನ್ನೇ ಬಾಕ್ಸ್ನಲ್ಲಿ ಹಾಕಿ ಮಾರುತ್ತೇವೆ, ಕಳೆದ ವರ್ಷ 300ಕ್ಕೂ ಹೆಚ್ಚು ಬಾಕ್ಸ್ಗಳನ್ನು ಮಾರಾಟ ಮಾಡಿದ್ದೇನೆ. ಈ ಬಾಕ್ಸ್ಗಳಿಗೂ ಹೆಚ್ಚು ಬೇಡಿಕೆ ಇದೆ. ಜೇನು ಕೃಷಿ ಲಾಭದಾಯಕವಾದರೂ ನಿರ್ವಹಣೆ ಕೆಲಸ ಅಧಿಕವಿದೆ ’ ಎನ್ನುತ್ತಾರೆ ಅವರು.

. ‘ಹೆಚ್ಚಿನ ರೈತರಿಗೆ ಈ ಬಾರಿ ಆರಂಭದ ಜೇನು ಕೊಯ್ಲಿನಲ್ಲಿ ಉತ್ತಮ ಇಳುವರಿ ಲಭಿಸಿದೆ. ಹವಾಮಾನ ವೈಪರೀತ್ಯವಾದರೆ ಇಳುವರಿಯ ಮೇಲೂ ಅಡ್ಡಪರಿಣಾಮವಾಗುತ್ತದೆ. ಈ ಸಲ ಇದುವರೆಗೆ ಯಾವುದೇ ಸಮಸ್ಯೆ ಎದುರಾಗಿಲ್ಲ’ ಎಂದೂ ಅವರು ಹೇಳಿದರು.

. ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಬಾರಿ ಇದುವರೆಗೆ ಉತ್ತಮ ಇಳುವರಿ ಬಂದಿದೆ. ತೋಟಗಳಲ್ಲಿ ಅರಣ್ಯ ಪ್ರದೇಶಗಳಲ್ಲಿ ಹೂಗಳ ಸಂಖ್ಯೆ ಜಾಸ್ತಿ ಇದ್ದುದರಿಂದ ಇಳುವರಿಯು ಅಧಿಕವಾಗಿದೆ ಶೈಲೇಶ್ ಮರಾಠೆ ಜೇನು ಕೃಷಿಕ . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಉಡುಪಿ | ಚುಮು ಚುಮು ಚಳಿ: ಜೇನು ಉತ್ತಮ ಇಳುವರಿ

ಚಿನಕುರುಳಿ: 2026ರ ಮಾರ್ಚ್ 6, ಶುಕ್ರವಾರ

ಚುರುಮುರಿ: ಯುದ್ಧ ಭವಿಷ್ಯ!

ಹಿರಿಯಣ್ಣನ ರಕ್ಷಣೆಯ ನೆಪ: 80 ದೇಶಗಳಲ್ಲಿ ಅಮೆರಿಕದ 750ಕ್ಕೂ ಹೆಚ್ಚು ಸೇನಾನೆಲೆಗಳು

ದಿನ ಭವಿಷ್ಯ: ಈ ರಾಶಿಯವರ ಆರ್ಥಿಕ ಪರಿಸ್ಥಿತಿ ಅಷ್ಟೇನು ಉತ್ತಮವಾಗಿರುವುದಿಲ್ಲ

ಜ್ಯಾಕ್ಸ್ ನಿರ್ಗಮನ ಹೊಡೆತ ಎನಿಸಿತು: ಬೆಥೆಲ್

Photos: ಸಹೋದರನ ಮದುವೆಯಲ್ಲಿ ಮಿಂಚಿದ ಸಾರಾ ತೆಂಡೂಲ್ಕರ್

ಈ ಪ್ರಶಸ್ತಿ ನನಗಲ್ಲ, ಅವರಿಗೆ ಸಲ್ಲಬೇಕಿತ್ತು: ಪಂದ್ಯಶ್ರೇಷ್ಠ ಪಡೆದ ಸಂಜು ಹೇಳಿಕೆ

ನವೀಕರಣ ಕಾಮಗಾರಿಯಲ್ಲಿ ಕೆಎಸ್‌ಸಿಎ ಹಿನ್ನಡೆ

ಒಳನೋಟ | ಕೋಟಿ ವೃಕ್ಷ ಅಭಿಯಾನಕ್ಕೆ ಜನ ಸಹಭಾಗಿತ್ವ: ಹಸಿರಾಗುತ್ತಿದೆ ವಿಜಯಪುರ

ಒಳನೋಟ: ನೆಡುತೋಪಿನಿಂದ ವನ ವಿಸ್ತರಣೆ?

ಒಳನೋಟ | ಕಾಣದ ಕೈ: ಕಾಡುವ ಡ್ರಗ್ಸ್‌

ಒಳನೋಟ: ಕಿನ್ನಾಳ ಕಲೆಗೀಗ ಯುವೋತ್ಸಾಹ

ಚಿನಕುರುಳಿ: 2026ರ ಮಾರ್ಚ್ 6, ಶುಕ್ರವಾರ

ಚುರುಮುರಿ: ಯುದ್ಧ ಭವಿಷ್ಯ!

ಹಿರಿಯಣ್ಣನ ರಕ್ಷಣೆಯ ನೆಪ: 80 ದೇಶಗಳಲ್ಲಿ ಅಮೆರಿಕದ 750ಕ್ಕೂ ಹೆಚ್ಚು ಸೇನಾನೆಲೆಗಳು

ದಿನ ಭವಿಷ್ಯ: ಈ ರಾಶಿಯವರ ಆರ್ಥಿಕ ಪರಿಸ್ಥಿತಿ ಅಷ್ಟೇನು ಉತ್ತಮವಾಗಿರುವುದಿಲ್ಲ