ಉಡುಪಿ: ಅಣಬೆ ಕೃಷಿಗೆ ಹವಾಮಾನವೇ ಸವಾಲು

ಉಡುಪಿ: ಕಡಿಮೆ ಬಂಡವಾಳ ಹಾಕಿ ಹೆಚ್ಚು ಲಾಭ ಪಡೆಯಬಹುದಾದ ಅಣಬೆ ಕೃಷಿಯತ್ತ ಕರಾವಳಿ ಜಿಲ್ಲೆಯಾದ ಉಡುಪಿಯಲ್ಲೂ ಹಲವರು ಆಸಕ್ತಿ ತೋರುತ್ತಿದ್ದರೂ ಇಲ್ಲಿ ಹವಾಮಾನವೇ ದೊಡ್ಡ ಸವಾಲಾಗಿ ಕಾಡುತ್ತಿದೆ.

. ಜಿಲ್ಲೆಯಲ್ಲಿ ಮೂವತ್ತಕ್ಕೂ ಹೆಚ್ಚು ಅಣಬೆ ಕೃಷಿಕರಿದ್ದಾರೆ. ಆಯಿಸ್ಟರ್ ತಳಿಯ ಅಣಬೆಯನ್ನೇ ಹೆಚ್ಚಿನವರು ಬೆಳೆಯುತ್ತಿದ್ದು, ಈ ಅಣಬೆ ಬೆಳೆಗೆ ತಾಪಮಾನ ಏರಿಕೆಯು ಮಾರಕವಾಗಿ ಪರಿಣಮಿಸುತ್ತಿದೆ.

. ಕರಾವಳಿಯಲ್ಲಿ ಫೆಬ್ರುವರಿ ತಿಂಗಳಿನಿಂದಲೇ ಬಿಸಿಲಿನ ಬೇಗೆ ಹೆಚ್ಚಾಗುವುದರ ಜೊತೆಗೆ ತಾಪಮಾನವೂ ಏರಿಕೆಯಾಗಲು ಆರಂಭವಾಗುತ್ತದೆ. ಈ ಕಾರಣಕ್ಕೆ ಏಪ್ರಿಲ್, ಮೇ ತಿಂಗಳಲ್ಲಿ ಅಣಬೆ ಬೆಳೆಗಾರರು ಅಣಬೆ ಕೃಷಿಯನ್ನು ಸಂಪೂರ್ಣವಾಗಿ ನಿಲ್ಲಿಸುತ್ತಾರೆ. ಮತ್ತೆ ಮಳೆ ಬಂದು ತಾಪಮಾನ ಕಡಿಮೆಯಾದ ಬಳಿಕವೇ ಬೆಳೆ ಪ್ರಾರಂಭಿಸುತ್ತಾರೆ.

. ಮೈಸೂರು, ಬೆಂಗಳೂರು ಮೊದಲಾದೆಡೆ ತಾಪಮಾನ ಕಡಿಮೆ ಇರುತ್ತದೆ. ಆ ಕಾರಣಕ್ಕೆ ಅಲ್ಲಿ ವರ್ಷವಿಡೀ ಅಣಬೆ ಬೆಳೆಯಬಹುದು ಆದರೆ ಕರಾವಳಿಯಲ್ಲಿ ಕೆಲವು ಮಿತಿಗಳಿವೆ ಎನ್ನುತ್ತಾರೆ ಅಣಬೆ ಬೆಳೆಗಾರರು.

. ಹೋಟೆಲ್ಗಳಲ್ಲಿ ಅಣಬೆಯ ಖಾದ್ಯಗಳಿಗೆ ಬೇಡಿಕೆ ಕುದುರುತ್ತಿದ್ದರೂ ಉಡುಪಿಯಲ್ಲಿ ಅಣಬೆ ಬೆಳೆಯುವವರಿಗೆ ಮಾರುಕಟ್ಟೆ ಸಮಸ್ಯೆ ಕಾಡುತ್ತಿದೆ. ಹೆಚ್ಚಿನವರು ತಾವು ಬೆಳೆದ ಅಣಬೆಯನ್ನು ಸ್ಥಳೀಯವಾಗಿಯೇ ಮಾರಾಟ ಮಾಡುತ್ತಾರೆ.

. ಜಿಲ್ಲೆಯ ಅಣಬೆ ಬೆಳೆಗಾರರು ಮೈಸೂರು, ಬೆಂಗಳೂರು ಮೊದಲಾದೆಡೆಗಳಿಂದ ಅಣಬೆಯ ಬೀಜಗಳನ್ನು ತರಿಸಿ ಕೃಷಿ ಮಾಡುತ್ತಾರೆ. ಅಣಬೆ ಬೀಜ ಕೆ.ಜಿ.ಗೆ ₹100ರಿಂದ ₹120 ಇದೆ ಎನ್ನುತ್ತಾರೆ ಬೆಳೆಗಾರರು.

. ‘ಒಂದು ಕೆ.ಜಿ. ಬೀಜದಿಂದ ಸುಮಾರು ಐದು ಕೆ.ಜಿ.ಯಷ್ಟು ಅಣಬೆ ಇಳುವರಿ ಪಡೆಯಬಹುದು. ಸದ್ಯ ಕೆ.ಜಿ. ಅಣಬೆಗೆ ₹250 ರಿಂದ ₹300 ದರವಿದೆ’ ಎಂದು ಮಾರಣಕಟ್ಟೆಯ ಅಣಬೆ ಬೆಳೆಗಾರ ರತ್ನಾಕರ್ ನಾಯ್ಕ್ ತಿಳಿಸಿದರು.

. ‘ಒಮ್ಮೆ ಅಣಬೆ ಬೀಜ ಹಾಕಿದರೆ ಮೂರು ಸಲ ಕೊಯ್ಲು ಸಿಗುತ್ತದೆ. ಬೇಡಿಕೆಗೆ ಅನುಗುಣವಾಗಿ ನಾವು ಅಣಬೆ ಬೆಳೆಯುತ್ತೇವೆ. ಕೊಯ್ಲಿನ ಬಳಿಕ ಆ ಅಣಬೆಯನ್ನು ಹೆಚ್ಚು ದಿನ ಇರಿಸಲು ಆಗುವುದಿಲ್ಲ. ಇದು ಕೂಡ ಸವಾಲಾಗಿ ಕಾಡುತ್ತದೆ’ ಎಂದೂ ಅವರು ತಿಳಿಸಿದರು.

. ‘ಜಿಲ್ಲೆಯಲ್ಲಿ ಅಣಬೆ ಬೆಳೆಯುವವರು ಶಿವಮೊಗ್ಗದಲ್ಲಿ ತರಬೇತಿ ಪಡೆಯುತ್ತಾರೆ. ಕೆಲವರು ಯೂಟ್ಯೂಬ್ ನೋಡಿಯೂ ಅಣಬೆ ಕೃಷಿ ಮಾಡಿದ್ದಾರೆ’ ಎಂದರು.

. ‘ವಾತಾವರಣದ ಬದಲಾವಣೆಗೆ ಪೂರಕವಾಗಿ ಅಣಬೆ ತಳಿಗಳನ್ನು ಬದಲಿಸಿ ಬೆಳೆಯುವ ಮೂಲಕ ಲಾಭ ಪಡೆಯಬಹುದು. ಮಿಲ್ಕಿ ತಳಿಯ ಅಣಬೆಗೆ ಹೋಟೆಲ್ಗಳಲ್ಲಿ ಹೆಚ್ಚಿನ ಬೇಡಿಕೆ ಇರುತ್ತದೆ. ಆ ತಳಿಯನ್ನು ಬೆಳೆದರೆ ಮಾರುಕಟ್ಟೆ ಸಮಸ್ಯೆಯೂ ಹೆಚ್ಚಾಗಿ ಕಾಡದು’ ಎನ್ನುತ್ತಾರೆ ಉಚ್ಚಿಲದ ಅಣಬೆ ಕೃಷಿ ತರಬೇತುದಾರೆ ಸುಶೀಲಾ.

. ಅಡಿಕೆ, ಭತ್ತ ಮೊದಲಾದ ಕೃಷಿಯನ್ನು ಮಾಡುವವರು ಉಪ ಕಸುಬಾಗಿ ಅಣಬೆ ಬೆಳೆಯಬಹುದು. ಹೆಚ್ಚು ಶ್ರಮ ಹಾಕಿದರೆ ಉತ್ತಮ ಲಾಭ ಪಡೆಯಬಹುದು ರತ್ನಾಕರ, ಅಣಬೆ ಬೆಳೆಗಾರ . ಮೂಲತಃ ಪ್ರಜಾವಾಣಿ ಮುದ್ರಣ ಆವೃತ್ತಿಯಿಂದ ಇದನ್ನು ಪಡೆಯಲಾಗಿದೆ. ಎಐ ನೆರವಿನ ವರ್ಗೀಕರಣದಿಂದಾಗಿ ವಿಭಾಗ ಮತ್ತು ಬಳಸಿರುವ ಪ್ರಾತಿನಿಧಿಕ ಚಿತ್ರ ತಪ್ಪಾಗಿರಬಹುದು. ಸುದ್ದಿಯ ವಿಷಯದಲ್ಲಿ ಯಾವುದೇ ಬದಲಾವಣೆ ಇಲ್ಲ 260516-28-105978654

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಉಡುಪಿ: ಅಣಬೆ ಕೃಷಿಗೆ ಹವಾಮಾನವೇ ಸವಾಲು

ಚಿನಕುರುಳಿ ಕಾರ್ಟೂನು: ಸೋಮವಾರ, 15 ಜೂನ್‌ 2026

ಸುದ್ದಿ ಗುದ್ದು | ತಿಂಗಳೇಶ: ಸೋಮವಾರ, ಜೂನ್ 15, 2026

ಚುರುಮುರಿ: ದೇಹ ನವೀಕರಣ!

ಗುಂಡಣ್ಣ ಕಾರ್ಟೂನು: ಸೋಮವಾರ, 15 ಜೂನ್‌ 2026

ಸೂಪರ್ ಓವರ್‌ನಲ್ಲಿ ಗೆದ್ದ ಲಂಕಾ ಎ

ನೇಷನ್ಸ್‌ ಕಪ್‌: ಭಾರತ ಶುಭಾರಂಭ

ದೋಹಾ ಡೈಮಂಡ್‌ ಲೀಗ್‌: ನೀರಜ್‌ ಕಣಕ್ಕೆ

ತ್ರಿಕೋನ ಸರಣಿ: ಸೂಪರ್‌ ಓವರ್‌ನಲ್ಲಿ ಸೋತ ಭಾರತ ‘ಎ’; ಫೈನಲ್ ಹಾದಿ ಮತ್ತಷ್ಟು ಕಠಿಣ

ಒಳನೋಟ| ಮಾವು ಬೆಳೆದವರ ನೋವು: ಬೆಳೆಯೂ ಇಲ್ಲ, ಬೆಲೆಯೂ ಇಲ್ಲ,ವೆಚ್ಚವೂ ಸಿಗುತ್ತಿಲ್ಲ

ಒಳನೋಟ: ಜೈಲಿಗೆ ಬೇಕು ಸುಧಾರಣೆ

ಒಳನೋಟ| ಹಕ್ಕಿಲ್ಲದ ಹಕ್ಕಿಪಿಕ್ಕಿಗಳು: ಉತ್ತರ ಕರ್ನಾಟಕದಲ್ಲಿ ಇವರ ಸ್ಥಿತಿ ಶೋಚನೀಯ

ಒಳನೋಟ: ಪುರಾತತ್ವ ತಾಣ ಅನಾಥ, ಹಾಳು ಸುರಿಯುವ ಸ್ಮಾರಕಗಳು

ಚಿನಕುರುಳಿ ಕಾರ್ಟೂನು: ಸೋಮವಾರ, 15 ಜೂನ್‌ 2026

ಸುದ್ದಿ ಗುದ್ದು | ತಿಂಗಳೇಶ: ಸೋಮವಾರ, ಜೂನ್ 15, 2026

ಚುರುಮುರಿ: ದೇಹ ನವೀಕರಣ!

ಗುಂಡಣ್ಣ ಕಾರ್ಟೂನು: ಸೋಮವಾರ, 15 ಜೂನ್‌ 2026