ಸಾತನೂರು (ಕನಕಪುರ): ಸಾತನೂರು ಕೆರೆಯಲ್ಲಿ ಅಪರಿಚಿತ ಯುವಕನೊಬ್ಬನ ಶವ ಭಾನುವಾರ ಪತ್ತೆಯಾಗಿದೆ.
ಮೂರು ದಿನಗಳ ಹಿಂದೆ ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿರಬಹುದೆಂದು ಅನುಮಾನಿಸಲಾಗಿದೆ. ಮೃತ, 25 ವರ್ಷದ ಯುವಕನಾಗಿದ್ದು ಕಪ್ಪುಬಣ್ಣದ ಅಂಗಿ ಮತ್ತು ನೀಲಿ ಬಣ್ಣದ ಜೀನ್ಸ್ ಪ್ಯಾಂಟ್ ತೊಟ್ಟಿದ್ದರು. 5 ಅಡಿ ಎತ್ತರ, ಕಪ್ಪು ಬಣ್ಣದ ದುಂಡುಮುಖ ಹೊಂದಿದ್ದರು.
ಮೃತ ದೇಹವನ್ನು ಕನಕಪುರ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಇರಿಸಲಾಗಿದೆ. ವಾರಸುದಾರರು ಪೊಲೀಸರನ್ನು ಭೇಟಿ ಮಾಡುವಂತೆ ಎಸ್.ಐ. ಮುರಳಿ.ಟಿ ತಿಳಿಸಿದ್ದಾರೆ.