ಬ್ಯಾಂಕಾಕ್: ಆಟಗಾರರು ಮತ್ತು ಬ್ಯಾಡ್ಮಿಂಟನ್ ಸಂಸ್ಥೆಗಳ ವಿರೋಧದ ಕಾರಣ ವಿಶ್ವ ಬ್ಯಾಡ್ಮಿಂಟನ್ ಸಂಸ್ಥೆ (ಬಿಡಬ್ಲ್ಯುಎಫ್) ಹೊಸ ಸ್ಕೋರಿಂಗ್ ಯೋಜನೆಯನ್ನು ಕೈಬಿಟ್ಟಿದೆ.
ಅತಿ ಹೆಚ್ಚು ಸಂಖ್ಯೆಯಲ್ಲಿ ಪ್ರೇಕ್ಷಕರನ್ನು ಕ್ರೀಡಾಂಗಣದತ್ತ ಸೆಳೆಯುವ ಉದ್ದೇಶದಿಂದ ಬಿಡಬ್ಲ್ಯುಎಫ್, ಈಗಿರುವ 21 ಪಾಯಿಂಟ್ಸ್ಗಳ ಮೂರು ಸೆಟ್ಗಳ ನಿಯಮದ ಬದಲಾಗಿ 11 ಪಾಯಿಂಟ್ಸ್ಗಳ ಐದು ಸೆಟ್ಗಳ ನಿಯಮ ಜಾರಿಗೆ ತರಲು ನಿರ್ಧರಿಸಿತ್ತು.
‘ಹೊಸ ಯೋಜನೆಯ ಅನ್ವಯ 11 ಪಾಯಿಂಟ್ಸ್ಗಳ ಐದು ಸೆಟ್ಗಳನ್ನು ಆಡಬೇಕಾಗುತ್ತದೆ. ಇದರಿಂದ ಆಟಗಾರರು ಹೆಚ್ಚು ದಣಿಯುತ್ತಾರೆ. ಇದು ಪ್ರೇಕ್ಷಕರಲ್ಲೂ ನಿರಾಸಕ್ತಿ ಮೂಡಿಸಲಿದೆ. ಈಗಿರುವ ನಿಯಮ ಅನುಕೂಲಕರವಾಗಿದೆ. ಇದನ್ನು ಬದಲಿಸುವ ಅಗತ್ಯವೇನಿದೆ’ ಎಂದು ಡೆನ್ಮಾರ್ಕ್ನ ಆಟಗಾರ ವಿಕ್ಟರ್ ಆ್ಯಕ್ಸಲ್ಸನ್ ಪ್ರಶ್ನಿಸಿದ್ದಾರೆ.