ಮಣಿಪುರದ ಸ್ಟಿಕ್ ಡಾನ್ಸ್, ದೋಲ್ ಚಲಮ್, ಶ್ರೀಲಂಕಾದ ಕ್ಯಾಂಡಿಯನ್ ನೃತ್ಯ, ನವದುರ್ಗೆಯರ ಭರತನಾಟ್ಯ, ಗುಜರಾತಿನ ಗರ್ಭಾ, ದಾಂಡಿಯಾ, ಇವೆಲ್ಲಕ್ಕಿಂತ ಭಿನ್ನವಾದ ಪುರುಲಿಯ ಸಿಂಹ ನೃತ್ಯಕ್ಕೆ ನೋಡಗರು ಚಪ್ಪಾಳೆ ಮೂಲಕ ಪ್ರಶಂಸೆ ವ್ಯಕ್ತಪಡಿಸಿದರು. ಮೆಟ್ಟಿಲಿಳಿದು ಬಂದ ಸಿಂಹವೊಂದು ಆಳ್ವಾಸ್ ಶಿಕ್ಷಣ ಸಂಸ್ಥೆ ಅಧ್ಯಕ್ಷ ಮೋಹನ ಆಳ್ವ ಎದುರು ಹೋಗಿ ತಲೆಬಾಗಿ, ಅಕ್ಕಪಕ್ಕದಲ್ಲಿದ್ದ ಮಕ್ಕಳು ಸಮೀಪ ಹಾದು ಮುದ ನೀಡಿತು. ಪಂಜಾಬಿನ ಬಾಂಗ್ರಾ ನೃತ್ಯ ತರುಣ–ತರುಣಿಯಲ್ಲಿ ಸಂಚಲನ ಮೂಡಿಸಿತು. ವೇಗದ ಕುಣಿತ, ಅಬ್ಬರದ ಸಂಗೀತಕ್ಕೆ ಕುಳಿತಲ್ಲೇ ಹೆಜ್ಜೆ ಹಾಕಿದರು.
