ಸುರಕ್ಷಿತವಾಗಿ ತಾಯಿ ಮಡಿಲು ಸೇರಿದೆ

ಇದು ಉಕ್ರೇನ್‍ನ ವಿನಿಶಿಯಾ ನಗರದಿಂದ ಪಾರಾಗಿ ಶುಕ್ರವಾರ ದೆಹಲಿಗೆ ತಲುಪಿದ ಬನವಾಸಿಯ ಇಮ್ರಾನ್ ನಜಿರ್ ಚೌದರಿ ಮಾತು. ಎಂ.ಬಿ.ಬಿ.ಎಸ್. ಮೂರನೆ ವರ್ಷದ ವಿದ್ಯಾರ್ಥಿಯಾಗಿದ್ದ ಇಮ್ರಾನ್ ಎರಡು ದಿನಗಳ ಹಿಂದೆ ರೊಮೇನಿಯಾ ರಾಜಧಾನಿ ಬುಚಾರೆಸ್ಟ್ ತಲುಪಿದ್ದರು. ಅಲ್ಲಿಂದ ವಿಶೇಷ ವಿಮಾನದ ಮೂಲಕ ದೆಹಲಿಗೆ ತಲುಪಿದ್ದಾರೆ.

‘ಶನಿವಾರ ಸ್ವಗ್ರಾಮ ಬನವಾಸಿಗೆ ಆಗಮಿಸುತ್ತೇನೆ. ಕುಟುಂಬದವರನ್ನು ಭೇಟಿಯಾಗುವ ಕಾತುರದಲ್ಲಿದ್ದೇನೆ. ನನ್ನಂತೆ ಯುದ್ಧಭೂಮಿಯಲ್ಲಿ ಸಿಲುಕಿರುವ ಸಹೋದರರನ್ನು ಕರೆತನ್ನಿ ಎಂದು ಸರ್ಕಾರಕ್ಕೆ ಒತ್ತಾಯಿಸುತ್ತೇನೆ’ ಎಂದರು.