ಮತದಾನದ ಮರುದಿನ ಶ್ರಮದಾನ

ಗುರುವಾರ , ಮೇ 23, 2019
24 °C

ಫಲಿತಾಂಶ (ಮುನ್ನಡೆ+ಗೆಲುವು) 0/542

ರಸ್ತೆ ಬದಿಯ ತ್ಯಾಜ್ಯ ಹೆಕ್ಕಿ ಸ್ವಚ್ಛಗೊಳಿಸಿದ ಯುವಜನರು

ಮತದಾನದ ಮರುದಿನ ಶ್ರಮದಾನ

Published:
Updated:
Prajavani

ಶಿರಸಿ: ಮತ ಹಾಕಲೆಂದು ಊರಿಗೆ ಬಂದಿದ್ದ ಯುವಕ–ಯುವತಿಯರು, ಮಲೆನಾಡಿನ ಸುಂದರ ಪರಿಸರದಲ್ಲಿ ತ್ಯಾಜ್ಯಗಳ ರಾಶಿ ಬಿದ್ದಿರುವುದನ್ನು ಕಂಡು ಬೇಸರಿಸಿಕೊಂಡರು. ಮತದಾನದ ದಿನದಂದೇ ಉದ್ಯೋಗ ಮಾಡುವ ಊರಿಗೆ ಮರಳುವ ನಿರ್ಧಾರವನ್ನು ಬದಲಿಸಿದರು.

ಕೈಗೆ ಗ್ಲೌಸ್ ತೊಟ್ಟು, ಪೊರಕೆ ಹಿಡಿದು, ರಸ್ತೆ ಬದಿಯ ತ್ಯಾಜ್ಯಗಳನ್ನು ಸ್ವಚ್ಛಗೊಳಿಸಿದರು. ತಾಲ್ಲೂಕಿನ ನೆಗ್ಗು ಗ್ರಾಮ ಪಂಚಾಯ್ತಿಯ ಹಾರೂಗಾರಿನ ಈ ಯುವಜನರ ಹಳ್ಳಿ ಪ್ರೀತಿ ಇತರರಿಗೆ ಮಾದರಿಯಾಗಿದೆ. ಶಿರಸಿ–ಕುಮಟಾ ರಾಜ್ಯ ಹೆದ್ದಾರಿಯ ಬದಿಯಲ್ಲಿರುವ ಊರು ಹಾರುಗಾರ. ಕಾಡಿನ ನಡುವಿನ ರಸ್ತೆಯಲ್ಲಿ ಪುಟ್ಟ–ಪುಟ್ಟ ಊರುಗಳು ಹಾದು ಹೋಗುತ್ತವೆ. ಪರಿಸರ ಪ್ರಜ್ಞೆಯಿಲ್ಲದ ಕೆಲವರು ರಸ್ತೆಯಲ್ಲಿ ಹೋಗುವಾಗ ದಾರಿ ಬದಿಯಲ್ಲಿ ಮದ್ಯದ ಬಾಟಲಿ, ಪ್ಲಾಸ್ಟಿಕ್ ಕವರ್‌ಗಳನ್ನು ಎಸೆದು ಹೋಗುತ್ತಾರೆ. ಗ್ರಾಮಸ್ಥರು ಅನೇಕ ಬಾರಿ ಎಚ್ಚರಿಕೆ ನೀಡಿದರೂ, ಪೊಲೀಸ್ ದೂರು ನೀಡಿದರೂ ಅಕ್ರಮವಾಗಿ ಕಸ ಎಸೆಯುವ ದುರಭ್ಯಾಸ ನಿಂತಿಲ್ಲ.

ಆಡಿ ಬೆಳೆದ ಊರಿನ ರಸ್ತೆಯ ಬದಿಯಲ್ಲಿ ಕಸ ಬಿದ್ದಿರುವುದನ್ನು ಕಂಡ ಈ ಯುವ ಬೆಂಗಳೂರು ವಾಸಿಗಳು, ಗುರುವಾರ ಬೆಳಿಗ್ಗೆ ಎಲ್ಲವನ್ನೂ ಸ್ವಚ್ಛಗೊಳಿಸಿದರು. ‘ಕಸದ ರಾಶಿಗಳನ್ನು ಕಂಡಾಗ ಉಳಿದವರಿಗೂ ಇಲ್ಲಿಯೇ ಎಸೆದು ಬಿಡೋಣ ಎನಿಸುತ್ತದೆ. ನಮ್ಮೂರಿನ ಸ್ವಚ್ಛತೆ ಕಾಯ್ದುಕೊಳ್ಳುವುದು ನಮ್ಮ ಜವಾಬ್ದಾರಿ. ಮತದಾನ ಮಾಡಿದ ಜತೆಗೆ ಸ್ವಚ್ಛತಾ ಕಾರ್ಯ ಮಾಡಿದ ಖುಷಿ ಸಿಕ್ಕಿದೆ’ ಎಂದು ಗೀರ್ವಾಣಿ ಹಾರೂಗಾರ ಪ್ರತಿಕ್ರಿಯಿಸಿದರು. ಗುರುಪ್ರಸಾದ, ಚಿನ್ಮಯ ಹೆಗಡೆ, ನವೀನ ಹೆಗಡೆ, ಯೋಗೇಂದ್ರ ಕಾಮತ್, ಸಂತೋಷ ಹೆಗಡೆ ಜೊತೆಯಾಗಿ ಈ ಕಾರ್ಯ ಮಾಡಿದರು.
 

ಇರ್ತಾರಾ ಮೋದಿ? ಬರ್ತಾರಾ ರಾಹುಲ್?

ಲೋಕಸಭೆ ಫಲಿತಾಂಶಕ್ಕಾಗಿ ವಿಶ್ವವೇ ಬೆರಗುಗಣ್ಣಿನಿಂದ ಕಾಯುತ್ತಿದೆ. ನರೇಂದ್ರ ಮೋದಿ ಗೆಲ್ತಾರಾ? ರಾಹುಲ್‌ ಗಾಂಧಿ ಬರ್ತಾರಾ? ರಾಜಕಾರಣದ ಕ್ಷಣಕ್ಷಣದ ಮಾಹಿತಿ, ತಾಜಾ ಅಪ್‌ಡೇಟ್‌ಗಳಿಗಾಗಿ www.prajavani.net/prajamatha ನೋಡಿ.

ಫೇಸ್‌ಬುಕ್‌ನಲ್ಲಿ ನಮ್ಮನ್ನು ಲೈಕ್ ಮಾಡಿ ಅಥವಾ ಟ್ವಿಟರ್, ಯೂಟ್ಯೂಬ್, ಇನ್‌ಸ್ಟಾಗ್ರಾಂನಲ್ಲಿ ಫಾಲೊ ಮಾಡಿ.

ತ್ವರಿತ ಸುದ್ದಿ, ನಿಖರ ವಿಶ್ಲೇಷಣೆಗೆ www.prajavani.net ಓದಿ. 'ಪ್ರಜಾವಾಣಿ' ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !