ಉಚಿತ ಮಾಸ್ಕ್ ನೀಡುತ್ತಿರುವ ಯುವಕ

ಸಂತೋಷ ಆಲದಕಟ್ಟಿ ಅವರು 200-300 ಮಾಸ್ಕ್‌ಗಳನ್ನು ತಯಾರಿಸಿದ್ದಾರೆ. ಹಾಲು ಮಾರುವ, ಪತ್ರಿಕೆ ಹಂಚುವ ಹುಡುಗರು ಸೇರಿದಂತೆ ಕೃಷಿಕರಿಗೆ ಉಚಿತವಾಗಿ ಅವುಗಳನ್ನು ವಿತರಿಸಲು ಮುಂದಾಗಿದ್ದಾರೆ. ಎಲ್ಲೆಡೆ ಮಾಸ್ಕ್‌ಗಳ ಕೊರತೆ ಇರುವ ಇಂತಹ ಸಮಯದಲ್ಲಿ, ಸಂತೋಷ ನಿರ್ಧಾರಕ್ಕೆ ಹಲವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

'ಹಳ್ಳಿಗಳಲ್ಲಿ ಮಾಸ್ಕ್‌ಗಳು ಸಿಗುವುದು ಕಡಿಮೆ. ದುಡ್ಡಿದ್ದವರು ಪೇಟೆಯಿಂದ ತರುತ್ತಾರೆ. ಆದರೆ ಈಗ ಎಲ್ಲವೂ ಬಂದ್ ಆಗಿದ್ದರಿಂದ, ಬಿಡುವಿನ ಅವಧಿಯಲ್ಲಿ ಬಟ್ಟೆಯಿಂದ ಮಾಸ್ಕ್‌ಗಳನ್ನು ತಯಾರಿಸುತ್ತಿದ್ದೇನೆ. ಎಷ್ಟು ಸಾಧ್ಯವಾಗುತ್ತದೋ ಅಷ್ಟನ್ನು ತಯಾರಿಸಿ, ಉಚಿತವಾಗಿ ಕೊಡುತ್ತೇನೆ' ಎನ್ನುತ್ತಾರೆ ಸಂತೋಷ ಆಲದಕಟ್ಟಿ.