ಶಿರಸಿ: ಸ್ತ್ರೀಯರ ಲೈಂಗಿಕ ಆರೋಗ್ಯದ ಕುರಿತು ಇಲ್ಲಿನ ಪಂಡಿತ ಸಾರ್ವಜನಿಕ ಆಸ್ಪತ್ರೆಯ ಆಡಳಿತಾಧಿಕಾರಿಯೂ ಆಗಿರುವ ಮೂತ್ರಜನಕಾಂಗ ತಜ್ಞ ಡಾ.ಗಜಾನನ ಭಟ್ ನೇತೃತ್ವದ ತಂಡ ಮಂಡಿಸಿದ ಪ್ರಬಂಧಕ್ಕೆ ಅಂತರಾಷ್ಟ್ರೀಯ ಮಟ್ಟದ ಮನ್ನಣೆ ದೊರೆತಿದೆ.
ನ.19 ರಂದು ಟೋಕಿಯೋದಲ್ಲಿ ನಡೆದಿದ್ದ ವಿಶ್ವ ಲೈಂಗಿಕ ತಜ್ಞರ ಸಮ್ಮೇಳನದಲ್ಲಿ ಈ ಪ್ರಬಂಧವನ್ನು ಐ.ಎಸ್.ಎಸ್.ಎಂ. (ಅಂತರಾಷ್ಟ್ರೀಯ ಲೈಂಗಿಕರೋಗ ಚಿಕಿತ್ಸಕರ ಸಂಘ) ಅತ್ಯುತ್ತಮ ಸಂಶೋಧನಾ ಪ್ರಬಂಧಗಳಲ್ಲಿ ಒಂದು ಎಂದು ಪರಿಗಣಿಸಿ ಪ್ರಮಾಣ ಪತ್ರ ನೀಡಿದ್ದು, 2.5 ಸಾವಿರ ಡಾಲರ್ ಬಹುಮಾನ ಮೊತ್ತ ಘೋಷಿಸಿದೆ.
ಒಟ್ಟೂ ಏಳು ಜನರನ್ನು ಒಳಗೊಂಡ ಈ ತಂಡ ಈವರೆಗೆ ಲೈಂಗಿಕ ಆರೋಗ್ಯಕ್ಕೆ ಸಂಬಂಧಿಸಿದಂತೆ ಈವರೆಗೆ 23 ಸಂಶೋಧನಾ ಪ್ರಬಂಧ ಮಂಡಿಸಿದೆ. ಡಾ.ಅನುರಾಧಾ ಶಾಸ್ತ್ರಿ ಅವರು ತಂಡದ ಪ್ರಮುಖ ಸದಸ್ಯರಲ್ಲಿ ಒಬ್ಬರಾಗಿದ್ದಾರೆ.
