ಕಾರವಾರ: ತಾಲ್ಲೂಕಿನ ಹಣಕೋಣದ ಸಾತೇರಿ ದೇವಿಯ ವಾರ್ಷಿಕ ಉತ್ಸವವು ಸೆ.3ರಿಂದ 9ರವರೆಗೆ ನೆರವೇರಲಿದೆ.
ಈ ದೇವಸ್ಥಾನದ ಗರ್ಭಗುಡಿಯ ಬಾಗಿಲನ್ನು ವರ್ಷಕ್ಕೊಮ್ಮೆ ಮಾತ್ರ ತೆರೆಯಲಾಗುತ್ತದೆ. ಸೆ.3ರಂದು ಮಧ್ಯರಾತ್ರಿ 12ಕ್ಕೆ ಬಾಗಿಲು ತೆರೆದು, ದೇವಿಗೆ ‘ನವೆ’ ಅರ್ಪಿಸಲಾಗುತ್ತದೆ. ಊರು, ಪರ ಊರಿನ ಭಕ್ತರು ಸೆ.5ರಿಂದ ಸೆ.9ರ ಸಂಜೆ 4ರ ತನಕ ದೇವಿಯ ದರ್ಶನ ಪಡೆದು ಹರಕೆ ಒಪ್ಪಿಸಬಹುದು.
ಸೆ.4ರಂದು ಇಡೀ ದಿನ ಹಾಗೂ ಸೆ.9ರಂದು ಸಂಜೆ 4ರ ನಂತರ ಭಕ್ತರ ಸೇವೆಗಳನ್ನು ಸ್ವೀಕರಿಸುವುದಿಲ್ಲ. ಭಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸುವಂತೆ ದೇವಸ್ಥಾನದ ಆಡಳಿತ ಸಮಿತಿಯ ಪ್ರಕಟಣೆ ತಿಳಿಸಿದೆ.
