ದೀಪಾವಳಿ, ಕ್ರಿಸ್‌ಮಸ್‌ಗೆ ವಿಶೇಷ ರೈಲು ಸಂಚಾರ

82909 ಸಂಖ್ಯೆಯ‘ಸುವಿಧಾ ಸ್ಪೆಷಲ್’ ಅ.22, 29ರಂದು ಹಾಗೂ 09009 ವಿಶೇಷ ರೈಲು ಅ.24 ಮತ್ತು 31ರಂದು ಬಾಂದ್ರಾದಿಂದ ಮಂಗಳೂರಿಗೆ ಸಂಚರಿಸಲಿವೆ. ಅದೇ ರೀತಿ,09009 ಸಂಖ್ಯೆಯ ವಿಶೇಷ ರೈಲು ನ.5 ಮತ್ತು 12ರಂದು ಹೊರಡಲಿದೆ. ಇವು ರಾತ್ರಿ 11.55ಕ್ಕೆ ಹೊರಟು ಮರುದಿನ ಸಂಜೆ 7.45ಕ್ಕೆ ಮಂಗಳೂರು ತಲುಪಲಿವೆ.

ಮಂಗಳೂರಿನಿಂದ09010 ಸಂಖ್ಯೆಯ ರೈಲು ಮಂಗಳೂರು ಜಂಕ್ಷನ್‌ನಿಂದ ಅ.23, 30, ನ.6, 13, ಡಿ.25 ಹಾಗೂ ಜ.1ರಂದು ಸಂಚರಿಸಲಿವೆ. ಮಂಗಳೂರಿನಿಂದ ರಾತ್ರಿ 11ಕ್ಕೆ ಹೊರಟು ಮರುದಿನ ಸಂಜೆ 7.30ಕ್ಕೆ ಬಾಂದ್ರಾಕ್ಕೆ ತಲುಪಲಿವೆ.

ಇವುಗಳಿಗೆ ವಿಶೇಷ ಪ್ರಯಾಣ ದರ ನಿಗದಿ ಮಾಡಲಾಗಿದೆ. ಕಾರವಾರ, ಕುಮಟಾ, ಭಟ್ಕಳ, ಮೂಕಾಂಬಿಕಾ ರಸ್ತೆ ಬೈಂದೂರಿನಲ್ಲಿ ನಿಲುಗಡೆಯಿದೆ. ಮೂರು ಸಾಮಾನ್ಯ, 11 ಸ್ಲೀಪರ್ ಸೇರಿದಂತೆ ಒಟ್ಟು 22 ಬೋಗಿಗಳು ಇವುಗಳಲ್ಲಿ ಇರಲಿವೆ ಎಂದು ಕೊಂಕಣ ರೈಲ್ವೆ ಪ್ರಕಟಣೆ ತಿಳಿಸಿದೆ.