ಮೇಲ್ಮನೆ ಅಗತ್ಯವೇ?

ಇದು ಸರಿಯಾದ ನಿರ್ಧಾರವೇ! ಜನರಿಂದ ಗೆಲ್ಲಲಾಗದವರು, ಸಾರ್ವತ್ರಿಕ ಚುನಾವಣೆಗಳನ್ನು ಎದುರಿಸಲಾಗದವರು, ಅನ್ಯ ಮಾರ್ಗಗಳ ಮೂಲಕ ವಿಧಾನಪರಿಷತ್ ಅಥವಾ ರಾಜ್ಯಸಭೆಯನ್ನು ಪ್ರವೇಶಿಸುತ್ತಿರುವುದು ಭಾರತದ ದುರಂತ. ಸಂವಿಧಾನದಲ್ಲಿ ಇವುಗಳ ಬಗ್ಗೆ ಹೇಳಲಾದ ನಿಯಮಗಳನ್ನು ಗಾಳಿಗೆ ತೂರಿ ಸದಸ್ಯರನ್ನು ಆರಿಸಲಾಗುತ್ತಿದೆ. ಹಾಗಾಗಿ ಬುದ್ಧಿಜೀವಿಗಳ, ತಜ್ಞರ ನೆಲೆವೀಡಾಗಬೇಕಿದ್ದ ಈ ಮನೆಗಳು ವಿಧಾನಸಭೆ ಮತ್ತು ಲೋಕಸಭೆಗಳಿಗಿಂತ ಭಿನ್ನವಾಗಿಯೇನೂ ಉಳಿದಿಲ್ಲ.

ಸಂಪುಟದಲ್ಲಿ ಈ ಸದಸ್ಯರಿಗೆ ಸ್ಥಾನ ಕಲ್ಪಿಸುವುದು ಜನವಿರೋಧಿ ನೀತಿಯೇ ಸರಿ.

ವಿಧಾನಪರಿಷತ್ತುಗಳನ್ನು ರದ್ದುಪಡಿಸಿದರೆ ರಾಜ್ಯಗಳ ಆರ್ಥಿಕ ಸ್ಥಿತಿ ಸದೃಢವಾಗುತ್ತದೆ, ಒಳದಾರಿಗಳ ಮೂಲಕ ಅನಾಯಾಸವಾಗಿ ಮಂತ್ರಿಗಳಾಗಿ, ಜನರಿಂದ ಆಯ್ಕೆಯಾದ
ವರ ಅವಕಾಶವನ್ನು ಕಿತ್ತುಕೊಂಡು ಮೆರೆಯುವುದೂ ತಪ್ಪುತ್ತದೆ.

ಎನ್. ನರಹರಿ, ಬೆಂಗಳೂರು