ದ್ವಿತೀಯಾರ್ಧದಲ್ಲೂ ಆತಿಥೇಯರ ಆಟ ರಂಗೇರಿತು. ಸೆವಿಲ್ ತಂಡದ ಆಟಗಾರರು ಬಾರ್ಸಿಲೋನಾದ ರಕ್ಷಣಾ ವಿಭಾಗಕ್ಕೆ ಸವಾಲಾದರು. 85ನೇ ನಿಮಿಷದವರೆಗೂ ಮುನ್ನಡೆ ಕಾಪಾಡಿಕೊಂಡಿದ್ದ ಈ ತಂಡ ಸುಲಭ ಜಯದ ಕನಸು ಕಂಡಿತ್ತು. ಬಳಿಕ ಬಾರ್ಸಿಲೋನಾ ಪ್ರಾಬಲ್ಯ ಮೆರೆಯಿತು. 88ನೇ ನಿಮಿಷದಲ್ಲಿ ಲೂಯಿಸ್ ಸ್ವಾರೆಜ್ ‘ಸೈಕಲ್ ಕಿಕ್’ ಮೂಲಕ ಚೆಂಡನ್ನು ಗುರಿ ಸೇರಿಸಿದರು. ಮರು ನಿಮಿಷದಲ್ಲಿ (89) ಲಯೊನೆಲ್ ಮೆಸ್ಸಿ ಜಾದೂ ಮಾಡಿದರು. ಅವರು ಎದುರಾಳಿ ಆವರಣದ 30 ಗಜ ದೂರದಿಂದ ಚೆಂಡನ್ನು ಒದ್ದು ಗುರಿ ಮುಟ್ಟಿಸಿದಾಗ ಕ್ರೀಡಾಂಗಣದಲ್ಲಿ ಮೆಕ್ಸಿಕನ್ ಅಲೆ ಎದ್ದಿತು.