ಬಲೆಗೆ ಬಿದ್ದ ಅಪರೂಪದ ‘ರೇಸರ್ ಮೀನು’

‘ಸಮುದ್ರ ಕುದುರೆ’ಗಳ ಪ್ರಭೇದಕ್ಕೆ ಸೇರಿರುವ ಇವು, ಇತರ ಮೀನುಗಳಂತೆ ನೇರವಾಗಿ ಈಜುವುದಿಲ್ಲ. ತಲೆ ಕೆಳಗೆ ಮಾಡಿಕೊಂಡು, ಮೇಲೆ ಕೆಳಗೆ ಚಲಿಸುತ್ತವೆ. ಪೈಪ್‌ನಂತಹ ಮುಖ, ಪಾರದರ್ಶಕವಾದ ಗಟ್ಟಿ ಶರೀರ ಹೊಂದಿರುತ್ತವೆ. ಅವುಗಳ ಮೇಲೆ ಬೆಳಕು ಬಿದ್ದಾಗ ಬಂಗಾರ ಮತ್ತು ತಾಮ್ರದ ಬಣ್ಣಗಳು ಪ್ರತಿಫಲಿಸುತ್ತವೆ ಎಂದು ಕಡಲಜೀವ ವಿಜ್ಞಾನ ಅಧ್ಯಯನ ಕೇಂದ್ರದ ಸಹಾಯಕ ಪ್ರಾಧ್ಯಾಪಕ ಡಾ.ಶಿವಕುಮಾರ ಹರಗಿ ತಿಳಿಸಿದ್ದಾರೆ.

ಮೀನುಗಾರರು ಹೇಳುವ ಪ್ರಕಾರ ಈ ಮೀನುಗಳು 300 ಗ್ರಾಂವರೆಗೆ ತೂಕ ಹೊಂದಿರುತ್ತವೆ. ಆಲಂಕಾರಿಕ ಉದ್ದೇಶಕ್ಕಾಗಿ ಅಕ್ವೇರಿಯಂಗಳಲ್ಲಿ ಸಾಕಲಾಗುತ್ತದೆ.