ಶಾಲೆಯಿಂದ ತಪ್ಪಿಸಿಕೊಂಡಿದ್ದ ಬಾಲಕಿ ಸುರಕ್ಷಿತವಾಗಿ ಮನೆಗೆ

ಬುಧವಾರ, ಜೂನ್ 19, 2019
22 °C

ಶಾಲೆಯಿಂದ ತಪ್ಪಿಸಿಕೊಂಡಿದ್ದ ಬಾಲಕಿ ಸುರಕ್ಷಿತವಾಗಿ ಮನೆಗೆ

Published:
Updated:
Prajavani

ಮುಂಡಗೋಡ: ಶಾಲೆಗೆ ಹೋಗಿದ್ದ ಬಾಲಕಿಯು ಶಾಲಾವಧಿಯಲ್ಲಿಯೇ ಶಿಕ್ಷಕರ ಕಣ್ಣುತಪ್ಪಿಸಿ ಬಸ್‌ ನಿಲ್ದಾಣದವರೆಗೆ ನಡೆದುಕೊಂಡು ಹೋಗಿ ನಂತರ ಪೊಲೀಸರ ಸಹಾಯದಿಂದ ಪಾಲಕರ ಕೈಸೇರಿದ್ದಾಳೆ.

ಇಲ್ಲಿನ ಬ್ಲೂಮಿಂಗ್ ಬಡ್ಸ್ ಆಂಗ್ಲ ಮಾಧ್ಯಮ ಶಾಲೆಯ ಎಲ್‌ಕೆಜಿ ವಿದ್ಯಾರ್ಥಿನಿ ರಂಜಿತಾ ಮಂಗಳವಾರ ಶಾಲೆಗೆ ಹೋಗಿದ್ದಾಳೆ. ಕೆಲ ಹೊತ್ತಿನ ನಂತರ ಬ್ಯಾಗ್‌ ಸಮೇತ ಹೊರನಡೆದು, ಅರ್ಧ ಕಿ.ಮೀ ದೂರ ಇರುವ ಬಸ್‌ ನಿಲ್ದಾಣದಲ್ಲಿ ಬಂದು ನಿಂತಿದ್ದಾಳೆ. ಬಾಲಕಿಯನ್ನು ನೋಡಿದ ಸಾರ್ವಜನಿಕರು ಪೊಲೀಸರಿಗೆ ಒಪ್ಪಿಸಿದ್ದಾರೆ.

‘ಮಗುವಿನ ನೋಟ್‌ಬುಕ್‌ನಲ್ಲಿ ರಂಜಿತಾ ಎಂದು ಹಿಂದಿಯಲ್ಲಿ ಬರೆದಿದ್ದು ಬಿಟ್ಟರೆ ಮತ್ಯಾವ ವಿಳಾಸವೂ ಇಲ್ಲ. ಮಗುವೂ ಮಾತನಾಡುತ್ತಿರಲಿಲ್ಲ. ಪ್ರೊಬೆಶನರಿ ಪಿಎಸ್‌ಐ ಬಸವರಾಜ ಮಗುವಿಗೆ ಚಾಕೊಲೇಟ್ ನೀಡಿ, ಒಂದು ತಾಸು ಮಾತನಾಡಿಸುವ, ತಂದೆ ತಾಯಿ ಹೆಸರು ಕೇಳುವ ಪ್ರಯತ್ನ ಮಾಡಿದ್ದಾರೆ. ಕೆಲವು ಸಿಬ್ಬಂದಿಯೂ ಮಗುವನ್ನು ಆಟವಾಡಿಸಿದ್ದಾರೆ’ ಎನ್ನಲಾಗಿದೆ.

ಕೊನೆಗೆ ಮಗು ನೇಪಾಳಿ ಇಲ್ಲವೇ ಟಿಬೆಟನ್ ಇರಬೇಕು ಎಂದುಕೊಂಡು ಟಿಬೆಟನ್ ಕ್ಯಾಂಪ್‌ನಲ್ಲಿ ಮಾಹಿತಿ ಕಲೆ ಹಾಕಲು ಪೊಲೀಸರು ಪ್ರಯತ್ನ ಮಾಡಿದ್ದಾರೆ. ಹವಾಲ್ದಾರ್‌ ರಾಘವೇಂದ್ರ ಮೂಳೆ ಅವರು ನೇಪಾಳಿಗರ ಕಾಲೊನಿಗೆ ಹೋಗಿ ಮಗುವಿನ ತಾಯಿಯನ್ನು ಪತ್ತೆ ಹಚ್ಚುವಲ್ಲಿ ಯಶಸ್ವಿಯಾಗಿದ್ದಾರೆ.

‘ಶಿಕ್ಷಕರು ಹಾಗೂ ಆಡಳಿತ ಮಂಡಳಿಯವರ ನಿರ್ಲಕ್ಷ್ಯ ಎದ್ದು ಕಾಣುತ್ತಿದೆ. ನಿಮ್ಮನ್ನೇ ನಂಬಿ ಹಲವು ಪಾಲಕರು ಮಕ್ಕಳನ್ನು ಕಳಿಸಿರುತ್ತಾರೆ. ಹೀಗಾದರೆ ಹೇಗೆ’ ಎಂದು ಶಿಕ್ಷಕರನ್ನು ಸಿಪಿಐ ಶಿವಾನಂದ ಚಲವಾದಿ ತರಾಟೆಗೆ ತೆಗೆದುಕೊಂಡರು. ‘ಮುಂದೆ ಹೀಗಾಗದಂತೆ ಕ್ರಮ ಕೈಗೊಳ್ಳಬೇಕು’ ಎಂದು ಎಚ್ಚರಿಸಿದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !