ತುಳಸಿ ಹಬ್ಬಕ್ಕೆ ಗೆಣಸು ದುಬಾರಿ

‘ಹಿಂದಿನ ವರ್ಷ ಕೆ.ಜಿ.ಗೆ ₹ 20ರಲ್ಲಿಬಿಕರಿಯಾಗುತ್ತಿತ್ತು. ಆದರೆ, ಈ ಸಲ ₹ 30ರಂತೆ ವ್ಯಾಪಾರವಾಗುತ್ತಿದೆ. ಮಳೆಯಿಂದ ನಿರೀಕ್ಷಿಸಿದಷ್ಟು ಫಸಲು ಬಂದಿಲ್ಲ. ಆವಕ ಕಡಿಮೆಯಾಗಿರುವುದರಿಂದ₹ 10ರಷ್ಟು ಬೆಲೆ ಏರಿಕೆಯಾಗಿದೆ. ಇದರಿಂದ ಗ್ರಾಹಕರು ಖರೀದಿಗೆ ಹಿಂದೇಟು ಹಾಕುತ್ತಿದ್ದಾರೆ. ಮೊದಲಿನಷ್ಟು ವ್ಯಾಪಾರ ವಹಿವಾಟು ನಡೆಯುತ್ತಿಲ್ಲ’ ಎನ್ನುತ್ತಾರೆ ಬೀದಿ ಬದಿಯ ವ್ಯಾಪಾರಸ್ಥೆ ಕಮಲಾ.

ಈರುಳ್ಳಿ ದುಬಾರಿ: ಕೆ.ಜಿ.ಗೆ ₹ 40 ದರವನ್ನು ಹೊಂದಿದ್ದ ಈರುಳ್ಳಿ, ಒಂದೇ ವಾರದಲ್ಲಿ ಗಣನೀಯ ಏರಿಕೆ ಕಂಡಿದೆ.ಬರೋಬ್ಬರಿ ₹ 20ರಷ್ಟು ಏರಿಕೆಯಾಗಿದ್ದು, ಪ್ರತಿ ಕೆ.ಜಿ.ಗೆ₹ 60ರಲ್ಲಿ ಮಾರಾಟವಾಗುತ್ತಿದೆ. ಏಕಾಏಕಿ ದುಬಾರಿಯಾಗಿದ್ದು, ಗ್ರಾಹಕರ ಚಿಂತೆಗೆ ಕಾರಣವಾಗಿದೆ.

ಟೊಮೆಟೊ ಮತ್ತು ಕ್ಯಾರೇಟ್ ತಲಾ₹ 10ರಷ್ಟು ಏರಿಕೆ ಕಂಡಿದ್ದು, ಪ್ರತಿ ಕೆ.ಜಿ.ಗೆ₹ 50,₹ 70ರಲ್ಲಿ ಬಿಕರಿಯಾಗುತ್ತಿದೆ. ಕೆ.ಜಿ.ಗೆ₹ 100ರ ದರವನ್ನು ಹೊಂದಿದ್ದ ಶುಂಠಿ, ಈಗ₹ 120ಕ್ಕೆ ಏರಿಕೆಯಾಗಿದೆ. ಮೂಲಂಗಿಯು ಸದ್ಯ ಪ್ರತಿ ಕೆ.ಜಿ.ಗೆ₹80ರಲ್ಲಿ ಮಾರಾಟವಾಗುತ್ತಿದ್ದರೆ, ಮಿಕ್ಕ ತರಕಾರಿಗಳ ದರದಲ್ಲಿ ಏರುಪೇರು ಕಂಡಿಲ್ಲ. ಆದರೆ, ಮಳೆಗಾಲದ ನಂತರ ತರಕಾರಿಗಳ ದರ ಇಳಿಕೆ ಕಾಣದೇ, ಅಷ್ಟಷ್ಟೇ ಏರಿಕೆಯಾಗುತ್ತ ಸಾಗಿದೆ.

ಪಾಂಫ್ರೆಟ್ ಮೀನು ತುಟ್ಟಿ: ಈ ಮೊದಲು ಮೀನಿನ ಕೊರತೆ ಎದುರಿಸಿದ್ದ ವ್ಯಾಪಾರಸ್ಥರು ಸದ್ಯ ನಿರಾಳರಾಗಿದ್ದಾರೆ. ಮಾರುಕಟ್ಟೆಗೆ ಮೀನಿನ ಆವಕ ಹೇರಳವಾಗಿದೆ. ಆದರೆ, ಬಾಯಲ್ಲಿ ನೀರೂರಿಸುವ ಪಾಂಫ್ರೆಟ್ ಮೀನು₹ 300ರಷ್ಟು ಏರಿಕೆ ಕಂಡಿದೆ. ಪ್ರತಿ ಕೆ.ಜಿ.ಗೆ₹500ರಲ್ಲಿ ಮಾರಾಟವಾಗುತ್ತಿತ್ತು. ಆದರೆ ಸದ್ಯ₹ 800ರಿಂದ₹ 900ರವರೆಗೆ ದರ ಹೊಂದಿದೆ. ₹ 100ಕ್ಕೆ ನಾಲ್ಕರಿಂದ ಐದು ಸಿಗುತ್ತಿದ್ದಬಂಗಡೆ ಮೀನು, ಸದ್ಯ ಎಂಟರಿಂದ ಹತ್ತರವರೆಗೆ ಸಿಗುತ್ತಿದೆ.

ಕಾರವಾರ ಮಾರುಕಟ್ಟೆ

ತರಕಾರಿ ದರ (₹ಗಳಲ್ಲಿ)

ಆಲೂಗಡ್ಡೆ 30

ಟೊಮೆಟೊ 50

ಸೌತೆಕಾಯಿ 40

ತೊಂಡೆಕಾಯಿ 60

ಬೀನ್ಸ್ 80

ಬೆಂಡೆಕಾಯಿ 60

ಕ್ಯಾರೆಟ್ 70

ಬೀಟ್‌ರೂಟ್ 40

ಕ್ಯಾಪ್ಸಿಕಂ 60

ಬದನೆಕಾಯಿ 60

ಹೂಕೋಸು 40

ಕ್ಯಾಬೇಜ್ 40

ಮೆಣಸಿನಕಾಯಿ 60

ಬೆಳ್ಳುಳ್ಳಿ 200

ಶುಂಠಿ 120