ಲಂಡಕನಳ್ಳಿಯಲ್ಲಿ 11 ಹೆಕ್ಟೇರ್ ನಿರ್ಮಿಸಿರುವ ಉದ್ಯಾನದಲ್ಲಿ ವಿವಿಧ ಜಾತಿಯ ಸಸ್ಯಗಳು, ಉತ್ತರ ಕನ್ನಡ ಜಿಲ್ಲೆಯಲ್ಲಿರುವ ಕಾಡು ಪ್ರಾಣಿಗಳ ಚಿತ್ರ–ಮಾಹಿತಿ ಫಲಕ, ಮಕ್ಕಳ ಆಟಿಕೆಗಳು ಗಮನ ಸೆಳೆಯುತ್ತವೆ. 2016–17ರಲ್ಲಿ ₹ 15.2 ಲಕ್ಷ ವೆಚ್ಚದಲ್ಲಿ ಆವರಣ ಗೋಡೆ, ಚೈನ್ ಲಿಂಕ್ ಮೆಷ್ ಹಾಕಲಾಗಿತ್ತು. ನಂತರ ₹ 33 ಲಕ್ಷ ವೆಚ್ಚದಲ್ಲಿ ಪಾರಾಗೋಲಾ, ವಾಯುವಿಹಾರಿಗಳಿಗೆ ಆಸನ ವ್ಯವಸ್ಥೆ, ಕಾಲು ದಾರಿ, ಜಿಮ್ ಉಪಕರಣಗಳು, ಮಕ್ಕಳಿಗೆ ಮುದ ನೀಡುವ ಆಟಿಕೆಗಳನ್ನು ಅಳವಡಿಸಲಾಗಿದೆ. ಅಲಂಕಾರಿಕ ಹೂವಿನ ಗಿಡಗಳು ನೋಡುಗರನ್ನು ತನ್ನತ್ತ ಆಕರ್ಷಿಸುತ್ತವೆ.