ಸ್ಮಾರಕದಂತಾಗಿರುವ ನೆಹರುನಗರ ರುದ್ರಭೂಮಿ

ಬುಧವಾರ, ಜೂನ್ 19, 2019
22 °C
ಮೂರು ವರ್ಷಗಳಿಂದ ಬಳಕೆಯಾಗದ ಕಟ್ಟಡ

ಸ್ಮಾರಕದಂತಾಗಿರುವ ನೆಹರುನಗರ ರುದ್ರಭೂಮಿ

Published:
Updated:
Prajavani

ಶಿರಸಿ: ನಗರಸಭೆ ನೆಹರುನಗರದಲ್ಲಿ ನಿರ್ಮಿಸಿರುವ ಹಿಂದೂ ರುದ್ರಭೂಮಿ ಇನ್ನೂ ಬಳಕೆಗೆ ಮುಕ್ತವಾಗಿಲ್ಲ. ನಿರುಪಯುಕ್ತವಾದ ಕಟ್ಟಡದ ಸುತ್ತ ಗಿಡ–ಗಂಟಿಗಳು ಬೆಳೆದು ನಿಂತಿವೆ. ಬೀಡಾಡಿ ಪ್ರಾಣಿಗಳಿಗೆ ಇದು ಆಶ್ರಯತಾಣವಾಗಿದೆ.

ನೆಹರುನಗರ ಸುತ್ತಲಿನ ಪ್ರದೇಶಗಳ ಜನರಿಗೆ ಅನುಕೂಲವಾಗಲೆಂದು ಮೂರು ವರ್ಷಗಳ ಹಿಂದೆ ನಗರಸಭೆ ₹ 10 ಲಕ್ಷ ವೆಚ್ಚದಲ್ಲಿ ಸಕಲ ವ್ಯವಸ್ಥೆಯಿರುವ ರುದ್ರಭೂಮಿಯನ್ನು ನಿರ್ಮಿಸಿತ್ತು. ಮೃತದೇಹದ ದಹನಕ್ಕೆ ಸಿಲಿಕಾನ್ ಯಂತ್ರ, ಕಟ್ಟಿಗೆ ಇಡಲು ಕೊಠಡಿ, ಕಾವಲುಗಾರರಿಗೆ ವಸತಿಗೃಹ, ಜನರಿಗೆ ಕುಳಿತುಕೊಳ್ಳಲು ಆಸನ, ನೀರು ಸೇರಿದಂತೆ ಎಲ್ಲ ವ್ಯವಸ್ಥೆಗಳೂ ಇಲ್ಲಿವೆ. ಆದರೆ, ನಿರ್ಮಾಣವಾದಾಗಿನಿಂದ ಈವರೆಗೂ ಇಲ್ಲಿ ಒಂದೇ ಒಂದು ಶವದ ಸಂಸ್ಕಾರವೂ ನಡೆದಿಲ್ಲ.

‘ಇಬ್ಬರು ಗುತ್ತಿಗೆದಾರರು ಸೇರಿ ಕಾಮಗಾರಿ ಪೂರ್ಣಗೊಳಿಸಿದ್ದಾರೆ. ಮೃತದೇಹದ ದಹನ ಕ್ರಿಯೆಗೆ ಅಗತ್ಯವಿರುವ ಎಲ್ಲ ಸೌಲಭ್ಯಗಳನ್ನೂ ಕಲ್ಪಿಸಲಾಗಿದೆ. ಆದರೆ, ಜನರು ಇಲ್ಲಿಗೆ ಶವದ ಅಂತ್ಯಕ್ರಿಯೆಗೆ ಬರುತ್ತಿಲ್ಲ. ಬಳಕೆಯಾಗದ ಕಾರಣ ಅಲ್ಲಿ ಹುಲ್ಲು, ಗಿಡ–ಗಂಟಿಗಳು ಬೆಳೆದಿವೆ’ ಎಂಬುದು ನಗರಸಭೆ ಅಧಿಕಾರಿಗಳು ನೀಡುವ ವಿವರಣೆ.

’ಲಕ್ಷಾಂತರ ರೂಪಾಯಿ ವೆಚ್ಚ ಮಾಡಿ ರುದ್ರಭೂಮಿ ಕಟ್ಟಡ ನಿರ್ಮಿಸಲಾಗಿದೆ. ಈ ಕಟ್ಟಡ ಇನ್ನೂ ಉದ್ಘಾಟನೆಯಾಗಿಲ್ಲ. ಸಾರ್ವಜನಿಕರ ತೆರಿಗೆ ಹಣ ಪೋಲಾಗುತ್ತಿದೆ. ಹಿಂದೆ ಈ ರುದ್ರಭೂಮಿಯನ್ನು ಉಳಿಸಿಕೊಳ್ಳಲು ಹೋರಾಟ ನಡೆದಿತ್ತು. ಈಗ ರುದ್ರಭೂಮಿ ಇದ್ದೂ ಬಳಕೆಯಾಗುತ್ತಿಲ್ಲ. ಬಯಲಿನಲ್ಲಿ ಶವ ಸಂಸ್ಕಾರ ನಡೆಯುತ್ತದೆ’ ಎಂದು ಆರೋಪಿಸುತ್ತಾರೆ ಸಾಮಾಜಿಕ ಕಾರ್ಯಕರ್ತ ಪರಮಾನಂದ ಹೆಗಡೆ.

‘ವಿದ್ಯಾನಗರ ರುದ್ರಭೂಮಿಗೆ ಹೆಚ್ಚಿನ ಜನರು ಹೋಗುವುದರಿಂದ ನೆಹರುನಗರ ರುದ್ರಭೂಮಿಗೆ ಶವ ಸಂಸ್ಕಾರಕ್ಕೆ ಬರಲು ಮನಸ್ಸು ಮಾಡುತ್ತಿಲ್ಲ. ಈ ಕಟ್ಟಡ ಸರಿಯಾಗಿ ಬಳಕೆಯಾಗುವಂತೆ ಮಾಡಲು ಅಗತ್ಯ ಕ್ರಮಕೈಗೊಳ್ಳಲಾಗುವುದು’ ಎಂದು ಆ ವಾರ್ಡಿನ ನಗರಸಭೆ ಸದಸ್ಯ ಕುಮಾರ ಬೋರಕರ ಪ್ರತಿಕ್ರಿಯಿಸಿದರು.

*
ನೆಹರುನಗರ ರುದ್ರಭೂಮಿ ಸಮಿತಿಯವರ ಜತೆ ಮಾತನಾಡಿ, ರುದ್ರಭೂಮಿಯನ್ನು ಸಾರ್ವಜನಿಕರು ಬಳಕೆ ಮಾಡುವಂತೆ ಆಗಲು ಪ್ರಯತ್ನಿಸುತ್ತೇನೆ.
-ಕುಮಾರ್ ಬೋರಕರ, ನಗರಸಭೆ ಸದಸ್ಯ

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !