ಯಲ್ಲಾಪುರ ಉಪ ಚುನಾವಣೆ ಡಿ.5ಕ್ಕೆ

ನಗರದಲ್ಲಿ ಸೋಮವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ‘ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯಲ್ಲಿ231 ಮತಗಟ್ಟೆಗಳನ್ನು ಸ್ಥಾಪಿಸಲಾಗುತ್ತದೆ. ಚುನಾವಣಾ ಅಕ್ರಮಗಳನ್ನು ತಡೆಗಟ್ಟಲು 15 ಚೆಕ್‌ಪೋಸ್ಟ್‌‌ಗಳನ್ನು ತೆರೆಯಲಾಗಿದೆ.ಈ ಬಾರಿ ಸೂಚನೆಯಿಲ್ಲದೇ ಪರಿಶೀಲನೆ ಮಾಡುವ ಪ್ರಕ್ರಿಯೆಯನ್ನು ಹೆಚ್ಚಿಸಲಾಗುವುದು’ ಎಂದು ಹೇಳಿದರು.

ಭಾವಚಿತ್ರವಿರುವ ಪಟ್ಟಿ: ಮತದಾರರ ಭಾವಚಿತ್ರವುಳ್ಳ ಪಟ್ಟಿಯನ್ನೇ ಉಪಚುನಾವಣೆಗೂಬಳಸಲಾಗುತ್ತದೆ.ಮತದಾರರು ಚುನಾವಣಾ ಆಯೋಗ ನೀಡಿರುವ ಗುರುತಿನ ಚೀಟಿಯನ್ನು ಕಡ್ಡಾಯವಾಗಿ ಹೊಂದಿರಬೇಕು. ಇದನ್ನೇಮತದಾನ ಮಾಡಲುಮುಖ್ಯ ದಾಖಲೆಎಂದು ಪರಿಗಣಿಸಲಾಗುತ್ತದೆ. ಪರ್ಯಾಯ ದಾಖಲೆಗಳ ಬಗ್ಗೆ ಆಯೋಗದ ಸೂಚನೆಯ ಅನ್ವಯ ಮತದಾನದ ಸಮಯದಲ್ಲಿ ನಿರ್ಧರಿಸಲಾಗುತ್ತದೆ ಎಂದರು.

ಮತದಾನಕ್ಕೆ ಅಗತ್ಯವಿರುವ ವಿದ್ಯುನ್ಮಾನ ಮತಯಂತ್ರಗಳು ಮತ್ತು ವಿ.ವಿ.ಪ್ಯಾಟ್ ಯಂತ್ರಗಳ ವ್ಯವಸ್ಥೆ ಮಾಡಿಕೊಳ್ಳಲಾಗಿದೆ. ಇವುಗಳನ್ನು ಬಳಸಿ ಯಾವುದೇ ಗೊಂದಲವಿಲ್ಲದೇ ಮತದಾನ ಪ್ರಕ್ರಿಯೆ ಮುಕ್ತಾಯಗೊಳಿಸುವುದು ಆಯೋಗದ ಉದ್ದೇಶವಾಗಿದೆ ಎಂದು ತಿಳಿಸಿದರು.

ಮುನ್ನೆಚ್ಚರಿಕಾ ಕ್ರಮಗಳು:ಯಲ್ಲಾಪುರದಲ್ಲಿ ಚುನಾವಣಾಧಿಕಾರಿ ಕಚೇರಿಯಿಂದ 200 ಮೀಟರ್ ಸುತ್ತಮುತ್ತ ನಿಷೇಧಾಜ್ಞೆ ಜಾರಿ ಮಾಡಲಾಗಿದೆ. ಮತದಾನದ ಹಿಂದಿನ ದಿನ, ಮತದಾನದ ದಿನ, ಮತ ಎಣಿಕೆಯ ಹಿಂದಿನ ದಿನ ಹಾಗೂ ಮತ ಎಣಿಕೆಯ ದಿನಗಳಲ್ಲಿ ಮದ್ಯ ಮಾರಾಟವನ್ನು ಸಂಪೂರ್ಣವಾಗಿ ನಿಷೇಧಿಸಲಾಗುವುದು. ಮತದಾನದ ದಿನ ಸ್ಥಳೀಯವಾಗಿ ರಜೆ ಘೋಷಿಸಲಾಗುವುದು ಎಂದು ಅವರು ಹೇಳಿದರು.

ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಶಿವಪ್ರಕಾಶ ದೇವರಾಜು ಮಾತನಾಡಿ, ‘ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯಲ್ಲಿ ಸೂಕ್ಷ್ಮ, ಅತಿಸೂಕ್ಷ್ಮ ಮತಗಟ್ಟೆಗಳನ್ನು ಗುರುತಿಸಲಾಗಿದೆ. ಅಲ್ಲಿರುವ ರೌಡಿ ಶೀಟರ್‌ಗಳ ಮೇಲೂ ಕಣ್ಣಿಡಲಾಗಿದೆ. ಅನುಮತಿಯಿಲ್ಲದೇ ಬಂಟಿಂಗ್, ಬ್ಯಾನರ್‌ಗಳನ್ನು ಕಟ್ಟಿದರೆ ತೆರವು ಮಾಡಿ ದೂರು ದಾಖಲಿಸಲಾಗುವುದು’ ಎಂದು ಎಚ್ಚರಿಕೆ ನೀಡಿದರು.

ಹೆಚ್ಚುವರಿ ಜಿಲ್ಲಾಧಿಕಾರಿ ನಾಗರಾಜ ಸಿಂಗ್ರೇರ್, ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ಗೋಪಾಲ ಬ್ಯಾಕೋಡ ಉಪಸ್ಥಿತರಿದ್ದರು.

ಮತದಾರರು

ಪುರುಷರು– 87,899

ಮಹಿಳೆಯರು–84,647

ಇತರ –1

ಒಟ್ಟು –1,72,547

*******

ಯಲ್ಲಾಪುರ: ಉಪ ಚುನಾವಣೆ

ಏನು ಯಾವಾಗ ವಾರ

ನಾಮಪತ್ರ ಸಲ್ಲಿಕೆ ಆರಂಭ ನ.11 ಸೋಮವಾರ

ನಾಮಪತ್ರ ಸಲ್ಲಿಕೆಗೆ ಕೊನೆ ದಿನ ನ.18 ಸೋಮವಾರ

ನಾಮಪತ್ರ ಪರಿಶೀಲನೆ ನ.19 ಮಂಗಳವಾರ

ಹಿಂಪಡೆಯಲು ಕೊನೆ ದಿನ ನ.21 ಗುರುವಾರ

ಚುನಾವಣೆ ಡಿ.5 ಗುರುವಾರ

ಮತ ಎಣಿಕೆ ಡಿ.9 ಸೋಮವಾರ

ಚುನಾವಣಾ ಪ್ರಕ್ರಿಯೆ ಮುಕ್ತಾಯ ಡಿ.11 ಬುಧವಾರ