ಯಲ್ಲಾಪುರ | ಆನೆದಾಳಿ: ಅಡಿಕೆ ಸಸಿ ನಾಶ

ಕೃಷ್ಣ ನಾಗಪ್ಪ ಜಕ್ಕಣ್ಣವನರ್ ಅವರಿಗೆ ಸೇರಿದ 15 ಫಲ ಬರುವ ಹಂತದಲ್ಲಿದ್ದ ಅಡಿಕೆ ಸಸಿಗಳನ್ನು ಆನೆಗಳು ಮುರಿದು ಹಾಕಿವೆ. ಅನೇಕ ಬಾಳೆ ಸಸಿಗಳನ್ನು ಹೊಸಕಿ ಹಾಕಿವೆ.

`ಈ ತೋಟಕ್ಕೆ ಮೊದಲು ಆನೆಗಳು ಬಂದಿರಲಿಲ್ಲ. ಇದೇ ಮೊದಲ ಸಲ ಆನೆಗಳು ದಾಳಿಮಾಡಿವೆ. ಕಷ್ಟಪಟ್ಟು ಬೆಳೆಸಿದ ಸಸಿಗಳು ಹಾಳಾದುದ್ದನ್ನು ನೋಡಿದರೆ ಸಂಕಟವಾಗುತ್ತಿದೆ. ಅತಿಕ್ರಮಣ ಜಾಗವಾದ್ದರಿಂದ ಸರ್ಕಾರದ ಯಾವುದೇ ಪರಿಹಾರವೂ ಸಿಗುವುದಿಲ್ಲ’ ಎಂದು ರೈತ ಕೃಷ್ಣ ಹೇಳಿದರು.