ಬೆಳಗ್ಗೆಯಿಂದ ಮೋಡಕವಿದ ಸ್ಥಿತಿಯಿದ್ದರೂ ಮಧ್ಯಾಹ್ನದ ಸಮಯ ವಾತಾವರಣದಲ್ಲಿ ಉಷ್ಣಾಂಶ 38 ಡಿಗ್ರಿ ಇತ್ತು. ಇದರಿಂದ ಜನರು ಸೆಖೆ ತಾಳಲಾರದೆ ನೆರಳನ್ನು ಆಶ್ರಯಿಸುತ್ತಿದ್ದರು. ಆದರೆ ಮಧ್ಯಾಹ್ನ 2.40ರಿಂದ ಗುಡುಗು ಸಹಿತ ಹದವಾದ ಮಳೆ ಆರಂಭವಾಗಿದ್ದು, ಭೂಮಿಗೆ ತಂಪೆರೆಯಿತು. ಮೋಡ ಮುಸುಕಿದ ವಾತಾವರಣ ಮುಂದುವರೆದಿದ್ದು, ಮಳೆ ಜೋರಾಗುವ ಲಕ್ಷಣಗಳಿವೆ.
ಬುಧವಾರ ಹಾಗೂ ಗುರುವಾರ ಶಿರಸಿ ನಗರದಲ್ಲಿ ಉಷ್ಣಾಂಶ 39-40 ಡಿಗ್ರಿ ದಾಖಲಾಗಿದ್ದು, ಜನರು ಬಿಸಿಲ ತಾಪದಿಂದ ಕಂಗಾಲಾಗಿದ್ದರು.