ಗೋಕರ್ಣ: ಇಲ್ಲಿಯ ಮೇಲಿನಕೇರಿಯಲ್ಲಿರುವ ಮಾರುತಿ ಕಟ್ಟೆಯಲ್ಲಿ ನೂತನ ಶಿಲಾಮಯ ಗರ್ಭಗುಡಿಯಲ್ಲಿ, ಪುರಾತನ ಪ್ರಸಿದ್ಧ ಮಾರುತಿ ಮೂರ್ತಿಯ ಪುನರ್ ಪ್ರತಿಷ್ಠಪನಾ ಕಾರ್ಯ ವಿಜೃಂಭಣೆಯಿಂದ ಗುರುವಾರ ಮುಕ್ತಾಯವಾಯಿತು.
ದೇವರ ಪ್ರತಿಷ್ಠಾಪನೆಯ ಧಾರ್ಮಿಕ ಕಾರ್ಯ ಜೂನ್ 6ರಿಂದಲೇ ಆರಂಭವಾಗಿತ್ತು. ವೇ. ಗಣಪತಿ ಗಜಾನನ ಹಿರೇ ನೇತೃತ್ವದಲ್ಲಿ ಧಾರ್ಮಿಕ ಕಾರ್ಯಗಳು ನಡೆಯಿತು.
ಗುರುವಾರ ಸಾರ್ವಜನಿಕ ಅನ್ನ ಸಂತರ್ಪಣೆ ನಡೆಯಿತು. ಮಾರುತಿ ದೇವಸ್ಥಾನದ ಆಡಳಿತ ಸಮಿತಿ ಈ ಎಲ್ಲ ಕಾರ್ಯಗಳನ್ನೂ ಆಯೋಜಿಸಿತ್ತು.
ಗೋಕರ್ಣದ ಮೇಲಿನಕೇರಿಯಲ್ಲಿರುವ ಮಾರುತಿ ದೇವಸ್ಥಾನದಲ್ಲಿ ಮಾರುತಿ ಮೂರ್ತಿಗೆ ಪೂಜೆ ಸಲ್ಲಿಸುತ್ತಿರುವ ಮುಖ್ಯ ತಾಂತ್ರಿಕರು.