ಎಪಿಎಂಸಿಯಲ್ಲಿ ಸೊಪ್ಪು ತರಕಾರಿ ಮಾರಾಟಕ್ಕೆ ಪ್ರತ್ಯೇಕ ವ್ಯವಸ್ಥೆ ಮಾಡಲು ಆಗ್ರಹ

7

ಎಪಿಎಂಸಿಯಲ್ಲಿ ಸೊಪ್ಪು ತರಕಾರಿ ಮಾರಾಟಕ್ಕೆ ಪ್ರತ್ಯೇಕ ವ್ಯವಸ್ಥೆ ಮಾಡಲು ಆಗ್ರಹ

Published:
Updated:
Deccan Herald

ರಾಮನಗರ: ಇಲ್ಲಿನ ಕೃಷಿ ಉತ್ಪನ್ನ ಮಾರುಕಟ್ಟೆ ಸಮಿತಿಯಲ್ಲಿ ಹಣ್ಣು, ಸೊಪ್ಪು- ತರಕಾರಿ ಮಾರಾಟ ಮಾಡಲು ಪ್ರತ್ಯೇಕ ವ್ಯವಸ್ಥೆ ಮಾಡಬೇಕು ಎಂದು ಸೊಪ್ಪು ಮಾರಾಟ ಮಾಡುವ ಮಹಿಳೆಯರು ಒತ್ತಾಯಿಸಿದರು.

ಮಾರುಕಟ್ಟೆಯನ್ನು ಸ್ಥಳಾಂತರಿಸಲಾಗುತ್ತದೆ ಎಂದು ಸೊಪ್ಪು ಮಾರಾಟಕ್ಕೆ ಮಾರುಕಟ್ಟೆ ಹಿಂಭಾಗದಲ್ಲಿ ವ್ಯವಸ್ಥೆ ಮಾಡಿದ್ದಾರೆ. ಆದರೆ ಕೆಲವರು ಮಾರುಕಟ್ಟೆ ಮುಂಭಾಗದಲ್ಲಿ ಸೊಪ್ಪು ಮಾರಾಟ ಮಾಡುತ್ತಿದ್ದಾರೆ ಎಂದು ಆರೋಪಿಸಿದರು.

ಇದರಿಂದ ಮಾರುಕಟ್ಟೆ ಒಳಭಾಗದಲ್ಲಿ ಮಾರಾಟಕ್ಕಿಟ್ಟಿರುವ ಸೊಪ್ಪು ಕೊಳ್ಳಲು ಗ್ರಾಹಕರು ಬರುತ್ತಿಲ್ಲ. ಪ್ರತಿದಿನ ₹500 ರಿಂದ ₹1,000 ನಷ್ಟವಾಗುತ್ತಿದೆ. ಪ್ರತಿ ದಿನ ವ್ಯಾಪಾರ ಮಾಡಿ ಬಂದ ಲಾಭದಲ್ಲಿ ಜೀವನ ಮಾಡುವ ಮಹಿಳೆಯರಿಗೆ ಇದರಿಂದ ಬಹಳ ತೊಂದರೆಯಾಗಿದೆ ಎಂದು ದೂರಿದರು.

ಹಣ್ಣು, ತರಕಾರಿ, ಸೊಪ್ಪು ಮಾರಾಟ ಮಾಡುವವರನ್ನು ಗುರುತಿಸಿ, ಅವರಿಗೆ ಪ್ರತ್ಯೇಕ ಒಂದೇ ಕಡೆ ಮಾರಾಟಕ್ಕೆ ವ್ಯವಸ್ಥೆ ಮಾಡಬೇಕು. ಮಾರುಕಟ್ಟೆಗೆ ಬರುವ ಗಿರಾಕಿಗಳು ಮಾರುಕಟ್ಟೆಯ ಒಳಭಾಗಕ್ಕೆ ಬರುತ್ತಿಲ್ಲ ಎಂದು ರೈತ ಮುಖಂಡ ಸೀಬೆಕಟ್ಟೆ ಕೃಷ್ಣಪ್ಪ ತಿಳಿಸಿದರು.

‘ಮಾರುಕಟ್ಟೆಯ ಒಳಭಾಗಕ್ಕೆ ಸ್ಥಳಾಂತರಿಸಿದ ದಿನದಿಂದ ನಮಗೆ ವ್ಯಾಪಾರವಾಗುತ್ತಿಲ್ಲ. ಮಾರುಕಟ್ಟೆ ಮುಂಭಾಗದಲ್ಲಿ ವ್ಯಾಪಾರ ಮಾಡುತ್ತಿರುವವರಿಗೆ ವ್ಯಾಪಾರವಾಗುತ್ತಿದೆ. ಇದರಿಂದ ನಾವು ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದ್ದೇವೆ’ ಎಂದು ಗೌರಮ್ಮ ತಿಳಿಸಿದರು.

‘ನಮಗೆ ಜನರು ಬರುವ ಕಡೆ ವ್ಯಾಪಾರ ಮಾಡಲು ಅವಕಾಶ ಕಲ್ಪಿಸಬೇಕು ಅಥವಾ ಮಾರುಕಟ್ಟೆ ಮುಂಭಾಗದಲ್ಲಿ ಮಾರಾಟ ಮಾಡಿರುವವರನ್ನು
ತೆರವುಗೊಳಿಸಬೇಕು’ ಎಂದು ಮನವಿ ಮಾಡಿದರು.

ರೈತ ಮುಖಂಡರಾದ ಅಂಕನಹಳ್ಳಿ ರಾಜಣ್ಣ, ರಾಮಯ್ಯ, ಸುರೇಶ್, ಕಾಂತರಾಜು, ಪಾದರಹಳ್ಳಿ ಕೃಷ್ಣಪ್ಪ, ಮುನಿಯಪ್ಪ, ಶ್ರೀನಿವಾಸ, ರುದ್ರಯ್ಯ, ತಿಮ್ಮಯ್ಯ, ಮುತ್ತಮ್ಮ, ವೆಂಕಟಲಕ್ಷ್ಮಮ್ಮ, ತುಳಸಮ್ಮ ಇದ್ದರು.

Tags: 

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !