ಹೊಸಪೇಟೆ (ವಿಜಯನಗರ): ಜನನಿ ಮಹಿಳಾ ಸಬಲೀಕರಣ ಸಮಿತಿಯಿಂದ ಭಾನುವಾರ ನಗರದ ಸರ್ಕಾರಿ ಆಸ್ಪತ್ರೆಯಲ್ಲಿ ಬಾಣಂತಿಯರಿಗೆ ಬೆಡ್ ಶೀಟ್ ವಿತರಿಸಲಾಯಿತು.
ನಗರಸಭೆ ಪರಿಸರ ಎಂಜಿನಿಯರ್‌ ಆರತಿ, ಹಿರಿಯ ಆಶಾ ಕಾರ್ಯಕರ್ತೆ ಸುಶೀಲಮ್ಮ ಅವರು ಬೆಡ್ ಶೀಟ್ ವಿತರಿಸುವ ಕೆಲಸಕ್ಕೆ ಚಾಲನೆ ನೀಡಿದರು.
ಆರತಿ ಮಾತನಾಡಿ, ‘ಜನನಿ ಸಮಿತಿಯು ಅನೇಕ ಸಮಾಜಮುಖಿ ಕೆಲಸಗಳನ್ನು ಮಾಡುತ್ತಿದೆ. ಇದು ನಿರಂತರವಾಗಿ ಮುಂದುವರೆಯಲಿ’ ಎಂದರು.
ಸಮಿತಿ ಅಧ್ಯಕ್ಷೆ ನಾಗವೇಣಿ ಹಂಪಿ ಮಾತನಾಡಿ, ‘ಸರ್ಕಾರಿ ಆಸ್ಪತ್ರೆಯಲ್ಲಿ ಹೆರಿಗೆಯಾಗುವ ಎಲ್ಲ ಬಾಣಂತಿಯರಿಗೂ ಬೆಡ್‌ಶೀಟ್ ವಿತರಿಸುವ ಅಭಿಯಾನ ನಿರಂತರವಾಗಿ ಮುಂದುವರೆಯಲಿದೆ’ ಎಂದು ಹೇಳಿದರು.
ಸಮಿತಿಯ ರೇಖಾರಾಣಿ, ಗೀತಾಶಂಕರ್, ರೋಫಿಯಾ, ಸ್ವಾತಿ ಸಿಂಗ್, ಕೆರೋಲಿನ್, ಆಯೀಷಾ, ರಾಜೇಶ್ವರಿ ಇದ್ದರು.
