ಹೊಸಪೇಟೆ: ತಾಲ್ಲೂಕಿನ ಕಮಲಾಪುರ ಬಳಿ 1.82 ಕೆ.ಜಿ. ಗಾಂಜಾ ಸಮೇತ ಮೂವರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.
ಕಮಲಾಪುರದ ಬೊಮ್ಮರಾಜ್ ಹನುಮಂತಪ್ಪ (23), ಎನ್.ನರೇಶ ವೆಂಕಟೇಶ್ (21) ಹಾಗೂ ಮಂಜುನಾಥ ಗಾದೆಪ್ಪ (25) ಬಂಧಿತರು. ₹17 ಸಾವಿರ ಮೌಲ್ಯದ 1.82 ಕೆ.ಜಿ ಒಣಗಿದ ಗಾಂಜಾ, ಒಂದು ಬೈಕ್ ಹಾಗೂ ₹2,400 ನಗದು ವಶಪಡಿಸಿಕೊಂಡಿದ್ದಾರೆ.
ಹಂಪಿ ಪೊಲೀಸ್ ಠಾಣೆ ಸಿಪಿಐ ದೊಡ್ಡಣ್ಣ ನೇತೃತ್ವದಲ್ಲಿ ಕಮಲಾಪುರ ಪೊಲೀಸ್ ಠಾಣೆಯ ದತ್ತಾತ್ರೇಯ, ರಾಘವೇಂದ್ರ, ಮಹಮ್ಮದ್ ಶರೀಫ್, ಬೊಮ್ಮಗೌಡ, ಗಫೂರ್ ಸಾಬ್ ಹಾಗೂ ಹರೀಶ್ ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು.
