ಹಂಪಿಯ ಹಜಾರರಾಮ ದೇವಸ್ಥಾನದ ಆವರಣದಲ್ಲಿ ಭಗ್ನ ಆಳ್ವಾರ್ ವಿಗ್ರಹಗಳು ಪತ್ತೆ

ಹಂಪಿಯ ಹಜಾರರಾಮ ದೇವಸ್ಥಾನದ ಉತ್ತರ ಭಾಗದಲ್ಲಿ ನಡೆಸಿದ ಉತ್ಖನನದಲ್ಲಿ ಎರಡು ಆಳ್ವಾರ್ ಮೂರ್ತಿಗಳ ಭಗ್ನ ಅವಶೇಷಗಳು ಪತ್ತೆಯಾಗಿವೆ.

ಹಂಪಿಯಲ್ಲಿ ಮೊದಲ ಬಾರಿಗೆ ಆಳ್ವಾರ್ ಮೂರ್ತಿಗಳು ದೊರೆತಿದ್ದು, ವಿಜಯನಗರದ ಅರಸರ ಆಳ್ವಿಕೆಯಲ್ಲಿ ತಮಿಳುನಾಡಿನ ಶ್ರೀವೈಷ್ಣವ ಧರ್ಮದ ಪ್ರಭಾವವಿದ್ದದ್ದನ್ನು ಇದು ದೃಢಪಡಿಸುತ್ತದೆ.

ಕ್ರಿ.ಶ. 1565ರ ತಾಳಿಕೋಟೆ ಕದನದ ಬಳಿಕ ನಡೆದ ದಾಳಿಯಲ್ಲಿ ಹಂಪಿಯ ವೈಷ್ಣವ ದೇವಾಲಯಗಳ ಮೂರ್ತಿಗಳನ್ನು ಭಗ್ನಗೊಳಿಸಿ, ಮಣ್ಣಿನಲ್ಲಿ ಹೂಳಲಾಗಿತ್ತು.

ಈ ಹಿಂದೆ ದೇವಸ್ಥಾನದ ಕಂಬಗಳು ಮತ್ತು ಗೋಡೆಗಳ ಉಬ್ಬುಶಿಲ್ಪಗಳಲ್ಲಿ ಮಾತ್ರ ಆಳ್ವಾರರನ್ನು ಕಾಣಬಹುದಿತ್ತು, ಆದರೆ ಈಗ ಸ್ವತಂತ್ರ ಮೂರ್ತಿಗಳ ಅಸ್ತಿತ್ವ ಸಾಬೀತಾಗಿದೆ.

ಕೃಷ್ಣದೇವರಾಯ ಮತ್ತು ಅಚ್ಯುತರಾಯರ ಆಳ್ವಿಕೆಯಲ್ಲಿ ಶ್ರೀವೈಷ್ಣವ ಧರ್ಮಕ್ಕೆ ಭಾರಿ ರಾಜಾಶ್ರಯವಿತ್ತು ಮತ್ತು ಈ ದೇವಾಲಯಗಳಲ್ಲಿ ನಿತ್ಯ ಪೂಜೆಗಳು ನಡೆಯುತ್ತಿದ್ದವು.