ಹೊಸಪೇಟೆ ಹೆಬ್ಬಾಗಿಲಿನಂತಿರುವ ಸುರಂಗ ಮಾರ್ಗವೂ ಈ ಭಾಗದಲ್ಲಿನ ಆಕರ್ಷಣೀಯ ಸ್ಥಳವಾಗಿದೆ. ಇದಕ್ಕೆ ಹೊಂದಿಕೊಂಡಂತೆ ತುಂಗಭದ್ರಾ ಜಲಾಶಯದ ಹಿನ್ನೀರು, ಸುತ್ತಲೂ ಕಣಿವೆಗಳು ಇರುವುದರಿಂದ ನೋಡಲು ಎರಡು ಕಣ್ಣುಗಳು ಸಾಲದು. ಅದರ ಮೇಲ್ಭಾಗದಿಂದ ರೈಲುಗಳು ಸಂಚರಿಸಿದಾಗ ಮತ್ತಷ್ಟು ಸುಂದರವಾಗಿ ಗೋಚರಿಸುತ್ತದೆ. ಈ ಮಾರ್ಗದಿಂದ ಹೋಗುವ ಹೆಚ್ಚಿನವರು ಕೆಲನಿಮಿಷ ವಾಹನಗಳಿಂದ ಇಳಿದು ಸೆಲ್ಫಿ, ಛಾಯಾಚಿತ್ರ ತೆಗೆದುಕೊಳ್ಳುತ್ತಾರೆ.ಆದರೆ, ನೀರು ಸೊರುತ್ತಿರುವುದರಿಂದ ಒಳಭಾಗದಲ್ಲಿ ಹಾಸು ಹಿಡಿಯುತ್ತಿದೆ. ಅದರ ಅಂದ ಕೆಡುತ್ತಿದೆ.