ಹಂಪಿ ಸ್ಮಾರಕಗಳ ಬಳಿ ಗೋಡೆ ನಿರ್ಮಾಣ

‘ಸ್ಮಾರಕದ ಎದುರು ಮತ್ತೊಂದು ಸಾಧ್ಯತೆ ಇರುತ್ತದೆ. ಗೋಡೆ ನಿರ್ಮಿಸುವ ಇಚ್ಛೆಯಿದ್ದರೆ, ಸ್ಮಾರಕಗಳಿಂದ 100 ಮೀಟರ್‌ ದೂರದಲ್ಲಿ ನಿರ್ಮಿಸಲಿ. ಸ್ಮಾರಕಗಳ ಸಹಜ ಸೌಂದರ್ಯಕ್ಕೆ ಧಕ್ಕೆ ತರಬಾರದು’ಸ ಎಂದು ಇತಿಹಾಸಕಾರ ಹಾಗೂ ಕಮಲಾಪುರದ ಮಾನವೀಯ ಸಹಾಯ ಸಂಸ್ಥೆಯ ಅಧ್ಯಕ್ಷ ಶ್ರೀನಿವಾಸ ಕೆಂಗೇರಿ ಹೇಳಿದರು.

‘ಸ್ಮಾರಕಗಳಿಂದ 300 ಮೀಟರ್ ದೂರದಲ್ಲಿ ನಿರ್ಮಾಣ ಕಾರ್ಯ ಮಾಡಬಾರದು ಎಂಬ ನಿಯಮ ಜನರಿಗೆ ಇದೆ. ನಾವು ಸ್ಮಾರಕಗಳನ್ನು ರಕ್ಷಿಸುತ್ತೇವೆ. ಅದಕ್ಕೆ ಸ್ಮಾರಕಗಳ ಬಳಿ ರಕ್ಷಣೆಗಾಗಿ ಗೋಡೆ ನಿರ್ಮಿಸುತ್ತಿದ್ದೇವೆ. ಸ್ಮಾರಕಗಳ ಬಳಿ ಗೋಡೆ ನಿರ್ಮಿಸಬಾರದು ಎಂಬ ನಿಯಮವಿಲ್ಲ’ ಎಂದು ಕಾಮಗಾರಿಯ ಉಸ್ತುವಾರಿ ವಹಿಸಿರುವ ಭಾರತೀಯ ಪುರಾತತ್ವ ಸರ್ವೇಕ್ಷಣಾ ಇಲಾಖೆಯ ಹಂಪಿ ವೃತ್ತದ ಅಧೀಕ್ಷಕ ನಿಹಿಲ್‌ದಾಸ್‌ ’ಪ್ರಜಾವಾಣಿ‘ಗೆ ತಿಳಿಸಿದರು.

‘ಈ ಹಿಂದೆಯು ಸಹ ಇದೇ ವಿಚಾರದಲ್ಲಿ ಸುಳ್ಳು ಮಾಹಿತಿ ಬಿತ್ತರಿಸಲಾಗಿತ್ತು. ಕಾಂಪೌಂಡ್ ನಿರ್ಮಿಸಬಾರದು ಎಂಬ ನಿಯಮ ಇದ್ದರೆ ತೋರಿಸಿ ಎಂದು ಕೇಳಿದಾಗ ಯಾರೂ ಮುಂದೆ ಬರಲಿಲ್ಲ. ಸ್ಮಾರಕಗಳ ರಕ್ಷಣೆ ನಮ್ಮ ಹೊಣೆಯಾಗಿದ್ದು, ಕಾಮಗಾರಿ ಮುಂದುವರಿಯಲಿದೆ‘ ಎಂದರು.

Quote - ಸ್ಮಾರಕಗಳ ರಕ್ಷಣೆಗಾಗಿಯೇ ಗೋಡೆ ನಿರ್ಮಿಸಲಾಗುತ್ತಿದೆ. ಎಲ್ಲಾ ನಿಯಮಗಳನ್ನು ಪಾಲಿಸಿಯೇ ಈ ಕಾಮಗಾರಿ ನಡೆಯುತ್ತಿದೆ ಸಿದ್ದರಾಮೇಶ್ವರ ಹಂಪಿ ವಿಶ್ವ ಪರಂ‍‍ಪರೆ ಪ್ರದೇಶ ನಿರ್ವಹಣಾ ಪ್ರಾಧಿಕಾರದ ಆಯುಕ್ತ