ಹೀಗಿದೆ ಇಂಗು ಗುಂಡಿ: ಕೊಳವೆಬಾವಿ ಸುತ್ತ 10x10 ಅಡಿ ವಿಸ್ತೀರ್ಣದಲ್ಲಿ 15 ಅಡಿ ಆಳ ಗುಂಡಿ ತೋಡಿಸಿದ್ದಾರೆ. ‘ವೈಜ್ಞಾನಿಕ ವಿಧಾನದಲ್ಲಿ ನೀರು ಬಸಿಯುವಿಕೆಗೆ ಪೂರಕವಾಗಿ ತಳದಲ್ಲಿ 4 ಅಡಿ ಬುನಾದಿ ಕಲ್ಲು, 2 ಅಡಿ ಬೋಲ್ಡರ್ಸ್ ಕಲ್ಲು, ಒಂದುವರೆ ಟ್ರಿಪ್ ಬೆಣಚು ಕಲ್ಲು ತುಂಬಿ ಮೇಲೆ ಮೆಸ್ ಹಾಕಲಾಗಿದೆ. ಚರಂಡಿ ತ್ಯಾಜ್ಯ ಮತ್ತು ಮಳೆಯ ನೀರು ಸೋಸಿಕೊಂಡು ತಳ ಸೇರಲು ಇದ್ದಿಲು, ಮರಳಿನ ಪದರು ಹಾಕಿದ್ದೇವೆ. ಇಂಗು ಗುಂಡಿ ನಿರ್ಮಿಸಿ ವರ್ಷವಾದ ಬಳಿಕ ನೀರಿನ ಇಳುವರಿ ಹೆಚ್ಚಾದ ಬಗ್ಗೆ ಅರಿವಿಗೆ ಬಂತು. ಬೇಸಿಗೆಯಲ್ಲೂ ಈಗ ನೀರಿನ ಕೊರತೆ ಆಗುವುದಿಲ್ಲ’ ಎಂದು ಚಂದ್ರಶೇಖರ ವಿವರಿಸಿದರು.