ಗುರುವಾರ , ಜೂನ್ 24, 2021
27 °C

ವಿಜಯಪುರ: ಕೋವಿಡ್‌ ರೋಗಿಗಳ ಸೇವೆಗೆ ಸಲಹೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ವಿಜಯಪುರ: ಕಾಯಕ, ದಾಸೋಹಿ ಬಸವೇಶ್ವರ ಜಯಂತಿ ಹಾಗೂ ರಂಜಾನ್ ಹಬ್ಬದ ಈ ಶುಭ ಸಂದರ್ಭದಲ್ಲಿ ನಾವು ನಮ್ಮ ಕಾಯಕವನ್ನು ದ್ವಿಗುಣಗೊಳಿಸಿ, ಹೆಚ್ಚು-ಹೆಚ್ಚು ರೋಗಿಗಳ ಸೇವೆ ಮಾಡಿ, ಅವರ ಕುಟುಂಬದವರ ಮುಖದಲ್ಲಿ ಮಂದಹಾಸ ಮೂಡಿಸಲು ವೈದ್ಯರು ಪ್ರತಿಜ್ಞೆ ಮಾಡಬೇಕು ಎಂದು ಬಿ.ಎಲ್.ಡಿ.ಇ ಅಧ್ಯಕ್ಷ ಎಂ.ಬಿ.ಪಾಟೀಲ ಹೇಳಿದರು.

ಬಿ.ಎಲ್.ಡಿ.ಇ ಡೀಮ್ಡ್ ವಿವಿಯಲ್ಲಿ ಬಸವೇಶ್ವರರ ಭಾವಚಿತ್ರಕ್ಕೆ ಪುಷ್ಪನಮನ ಸಲ್ಲಿಸಿ ಅವರು ಮಾತನಾಡಿದರು.

ವಿಶ್ವವಿದ್ಯಾಲಯದ ಉಪಕುಲಪತಿ ಡಾ.ಎಂ.ಎಸ್.ಬಿರಾದಾರ ಅವರ ಆಕಸ್ಮಿಕ ಅಗಲಿಕೆಯ ನಂತರ ನಾವ್ಯಾರು ಧೃತಿಗೆಡುವುದು ಬೇಡ. ಈ ಕೊರೊನಾ ಹೋರಾಟದಲ್ಲಿ ವೈದ್ಯರೊಂದಿಗೆ ನಾನೇ ಮುಂದೆ ನಿಂತು ಜೊತೆಯಾಗಿ ಕೆಲಸ ಮಾಡುತ್ತೇನೆ. ನಾವೆಲ್ಲ ಒಂದು ತಂಡವಾಗಿ ಒಮ್ಮತದಿಂದ ಈ ಸಂಕಷ್ಟವನ್ನು ಸವಾಲಾಗಿ ಸ್ವೀಕರಿಸಿ ದುಡಿಯೋಣ ಎಂದರು.

ಇನ್ನೂ ಮುಂದೆ ಪ್ರತಿದಿನವೂ ಆಸ್ಪತ್ರೆಯ ಚಟುವಟಿಕೆಗಳ ಮೇಲೆ ನಾನು ಸ್ವತಃ ಗಮನ ಹರಿಸುತ್ತೇನೆ. ಮೇಲಿಂದ-ಮೇಲೆ ವೈದ್ಯರೊಂದಿಗೆ ಸಭೆ ನಡೆಸಿ ನಿಮ್ಮ ಸಲಹೆ ಪಡೆದು, ನಾವೆಲ್ಲರೂ ಕುಟುಂಬವಾಗಿ ಮುನ್ನೆಡೆದು, ಜನರ ಸೇವೆ ಮಾಡೋಣ ಎಂದು ಹೇಳಿದರು.

ಡಾ.ಅರುಣ ಇನಾಮದಾರ, ಸಮ ಉಪಕುಲಪತಿ ಡಾ.ಆರ್.ಎಸ್ ಮುಧೋಳ, ಡಾ.ಎಂ.ಎಸ್.ಬಿರಾದಾರ, ಡಾ.ಆರ್.ಸಿ.ಬಿದರಿ, ಡಾ.ರಾಜೇಶ ಹೊನ್ನುಟಗಿ, ಪ್ರಾಚಾರ್ಯ ಡಾ.ಅರವಿಂದ ಪಾಟೀಲ ಸಭೆಯಲ್ಲಿ ಉಪಸ್ಥಿತರಿದ್ದರು. ಇತ್ತೀಚೆಗೆ ನಿಧನರಾದ ಡಾ.ಎಂ.ಎಸ್.ಬಿರಾದಾರ ಅವರ ಆತ್ಮಕ್ಕೆ ಶಾಂತಿ ಕೋರಿ ಮೌನ ಆಚರಿಸಲಾಯಿತು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು