<p><strong>ಸಿಂದಗಿ:</strong> ಬಳಗಾನೂರ ಕೆರೆಯ ನೀರನ್ನು ಸಿಂದಗಿ, ದೇವರಹಿಪ್ಪರಗಿ, ಆಲಮೇಲ ತಾಲ್ಲೂಕುಗಳ 50ರಷ್ಟು ಹಳ್ಳಿಗಳು ಅವಲಂಬಿತವಾಗಿವೆ. ವಿಶೇಷವಾಗಿ ಸಿಂದಗಿ ಪಟ್ಟಣಕ್ಕೆ ಕುಡಿಯುವ ನೀರಿನ ಪೂರೈಕೆಗಾಗಿ ಬೇಸಿಗೆಯಲ್ಲಿ ಇದೇ ಕೆರೆ ನೀರು ಆಸರೆಯಾಗಿದೆ. ಈ ನೀರು ಸಿಂದಗಿ ಕೆರೆಗೆ ಹರಿಯದಿದ್ದರೆ ಇಲ್ಲಿ ಹಾಹಾಕಾರ ಉಂಟಾಗುತ್ತಿತ್ತು.</p>.<p>ಮತಕ್ಷೇತ್ರದ ಶಾಸಕರೂ ರಾಜ್ಯದ ಸಚಿವರೂ ಆಗಿದ್ದ ದಿವಂಗತ ಎಂ.ಸಿ.ಮನಗೂಳಿಯವರು ಬಳಗಾನೂರ ಕೆರೆ ನೀರನ್ನು 52 ಎಕರೆ ವಿಸ್ತಾರ ಹೊಂದಿದ ಸಿಂದಗಿ ಕೆರೆಗೆ ಹರಿಸುವ ಮೂಲಕ ಮಹದುಪಕಾರ ಮಾಡಿದ್ದಾರೆ ಎಂದು ಜನತೆ ಸ್ಮರಿಸುತ್ತಾರೆ.</p>.<p>2021 ರಲ್ಲಿ ಬಳಗಾನೂರ ಕೆರೆ ನೀರು ಸಿಂದಗಿಗೆ ಹರಿಸುವ ಶಾಶ್ವತ ಯೋಜನೆ ಲೋಕಾರ್ಪಣೆಗೊಂಡಿದೆ. ಬೇಸಿಗೆಯಲ್ಲಿ ಪಟ್ಟಣದಲ್ಲಿ ನೀರಿನ ಭವಣೆ ವಿಪರೀತವಾಗಿರುತ್ತಿತ್ತು. ಆದರೆ, ಈಗ ಬೇಸಿಗೆಯಲ್ಲಿಯೂ ಇಲ್ಲಿಯ ಕೆರೆಯಲ್ಲಿ ನೀರಿನ ಸಂಗ್ರಹಣೆ ಕಾಣಲಾಗುತ್ತದೆ.</p>.<p>ಈ ಬಾರಿ ಬೇಸಿಗೆಯಲ್ಲಿ ಕಲಬುರ್ಗಿ ಜಿಲ್ಲೆಯ ಅಫಜಲಪುರ ಪಟ್ಟಣಕ್ಕೆ ಬಳಗಾನೂರ ಕೆರೆಯಿಂದ ಸೊನ್ನ ಬ್ಯಾರೇಜ್ ಗೆ ನೀರು ಹರಿಸಲಾಗುವುದು ಎಂದು ಅಫಜಲಪುರ ಶಾಸಕರು ನೀಡಿದ ಹೇಳಿಕೆ ಈ ಭಾಗದ ಜನತೆಯಲ್ಲಿ ಆತಂಕ ಮೂಡಿಸಿತ್ತು. ಆದರೆ, ಬಳಗಾನೂರ ಕೆರೆಯಿಂದ ನೀರು ಹರಿಸುತ್ತಿಲ್ಲ. ಕೃಷ್ಣಾ ಕಾಲುವೆ ನೀರನ್ನೇ ಉಮರಾಣಿ ಬ್ಯಾರೇಜ್ ನಿಂದ ಭೀಮಾಗೆ ಹರಿಸಲಾಗುತ್ತದೆ ಎಂದು ಸಿಂದಗಿ ಕ್ಷೇತ್ರದ ಶಾಸಕ ಅಶೋಕ ಮನಗೂಳಿ ನೀಡಿದ ಸ್ಪಷ್ಟನೆ ಜನತೆಯಲ್ಲಿ ಆತಂಕ ದೂರು ಮಾಡಿದೆ.</p>.<p>ಆದಾಗ್ಯೂ ಸಿಂದಗಿ ಕೆರೆಯಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ನೀರು ಸಂಗ್ರಹವಿದ್ದರೂ ವಾರಕ್ಕೊಮ್ಮೆ ಇಲ್ಲಾ 10 ದಿನಗಳಿಗೊಮ್ಮೆ ಮನೆ, ಮನೆಗೆ ನೀರು ಬಿಡುವುದು ಮಾತ್ರ ತಪ್ಪಿಲ್ಲ. ‘ಬೇಸಿಗೆಯಲ್ಲಿ 3 ದಿನಗಳಿಗೊಮ್ಮೆ ನೀರು ಬಿಡುವ ವ್ಯವಸ್ಥೆ ಮಾಡಲಾಗುವುದು’ ಎಂದು ಶಾಸಕ ಮನಗೂಳಿ ಸಾಕಷ್ಟು ಬಾರಿ ಹೇಳಿದ್ದರೂ ಬದಲಾವಣೆ ಮಾತ್ರ ಆಗಿಲ್ಲ.</p>.<p>‘ಬೇಸಿಗೆಯಲ್ಲೂ ಕೆರೆಯಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ನೀರು ಸಂಗ್ರಹಣೆ ಇರುತ್ತದೆ. ಸದ್ಯ ಈ ಕೆರೆಯಲ್ಲಿ 17 ಅಡಿ ನೀರಿನ ಸಂಗ್ರಹಣೆ ಇದೆ’ ಎಂದು ಕೆಬಿಜೆಎನ್ಎಲ್ ಎಇಇ ವಿಜಯಕುಮಾರ ‘ಪ್ರಜಾವಾಣಿ’ ಗೆ ತಿಳಿಸಿದರು.</p>.<p>Quote - ಬಳಗಾನೂರ ಕೆರೆಯಿಂದ 50 ಹಳ್ಳಿಗಳಿಗೆ ಸಿಂದಗಿ ಪಟ್ಟಣಕ್ಕೆ ಕುಡಿಯುವ ನೀರು ಪೂರೈಕೆ ಆಗುತ್ತದೆ. ಹೀಗಾಗಿ ಅಫಜಲಪುರಕ್ಕೆ ಈ ಕೆರೆಯಿಂದ ನೀರು ಹರಿಸಲಾಗುತ್ತಿಲ್ಲ. ಉಮರಾಣಿ ಬ್ಯಾರೇಜ್ನಿಂದ ಅಫಜಲಪುರಕ್ಕೆ ನೀರು ಹರಿಸಲಾಗುತ್ತದೆ. -ಅಶೋಕ ಮನಗೂಳಿ ಶಾಸಕ ಸಿಂದಗಿ</p>.<p>Quote - ಬಳಗಾನೂರ ಕೆರೆಯಿಂದ ಅಫಜಲಪುರ ಪಟ್ಟಣಕ್ಕೆ ನೀರು ಹರಿಸುವಂತೆ ಅಲ್ಲಿನ ಶಾಸಕರು ಸರ್ಕಾರಕ್ಕೆ ಒತ್ತಾಯಿಸಿದ್ದಾರೆ. ಅಲ್ಲಿಗೆ ನೀರು ಹರಿಸಿದರೆ ಇದೇ ಕೆರೆಯ ಮೇಲೆ ಅವಲಂಬಿವಾಗಿರುವ ಸಿಂದಗಿ ಪಟ್ಟಣಕ್ಕೆ ಬೇಸಿಗೆಯಲ್ಲಿ ನೀರಿನ ತೊಂದರೆ ಎದುರಾಗಬಹುದಾಗಿದೆ. -ಅಶೋಕ ಅಲ್ಲಾಪೂರ ಅಧ್ಯಕ್ಷ ನಗರ ಸುಧಾರಣಾ ವೇದಿಕೆ </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸಿಂದಗಿ:</strong> ಬಳಗಾನೂರ ಕೆರೆಯ ನೀರನ್ನು ಸಿಂದಗಿ, ದೇವರಹಿಪ್ಪರಗಿ, ಆಲಮೇಲ ತಾಲ್ಲೂಕುಗಳ 50ರಷ್ಟು ಹಳ್ಳಿಗಳು ಅವಲಂಬಿತವಾಗಿವೆ. ವಿಶೇಷವಾಗಿ ಸಿಂದಗಿ ಪಟ್ಟಣಕ್ಕೆ ಕುಡಿಯುವ ನೀರಿನ ಪೂರೈಕೆಗಾಗಿ ಬೇಸಿಗೆಯಲ್ಲಿ ಇದೇ ಕೆರೆ ನೀರು ಆಸರೆಯಾಗಿದೆ. ಈ ನೀರು ಸಿಂದಗಿ ಕೆರೆಗೆ ಹರಿಯದಿದ್ದರೆ ಇಲ್ಲಿ ಹಾಹಾಕಾರ ಉಂಟಾಗುತ್ತಿತ್ತು.</p>.<p>ಮತಕ್ಷೇತ್ರದ ಶಾಸಕರೂ ರಾಜ್ಯದ ಸಚಿವರೂ ಆಗಿದ್ದ ದಿವಂಗತ ಎಂ.ಸಿ.ಮನಗೂಳಿಯವರು ಬಳಗಾನೂರ ಕೆರೆ ನೀರನ್ನು 52 ಎಕರೆ ವಿಸ್ತಾರ ಹೊಂದಿದ ಸಿಂದಗಿ ಕೆರೆಗೆ ಹರಿಸುವ ಮೂಲಕ ಮಹದುಪಕಾರ ಮಾಡಿದ್ದಾರೆ ಎಂದು ಜನತೆ ಸ್ಮರಿಸುತ್ತಾರೆ.</p>.<p>2021 ರಲ್ಲಿ ಬಳಗಾನೂರ ಕೆರೆ ನೀರು ಸಿಂದಗಿಗೆ ಹರಿಸುವ ಶಾಶ್ವತ ಯೋಜನೆ ಲೋಕಾರ್ಪಣೆಗೊಂಡಿದೆ. ಬೇಸಿಗೆಯಲ್ಲಿ ಪಟ್ಟಣದಲ್ಲಿ ನೀರಿನ ಭವಣೆ ವಿಪರೀತವಾಗಿರುತ್ತಿತ್ತು. ಆದರೆ, ಈಗ ಬೇಸಿಗೆಯಲ್ಲಿಯೂ ಇಲ್ಲಿಯ ಕೆರೆಯಲ್ಲಿ ನೀರಿನ ಸಂಗ್ರಹಣೆ ಕಾಣಲಾಗುತ್ತದೆ.</p>.<p>ಈ ಬಾರಿ ಬೇಸಿಗೆಯಲ್ಲಿ ಕಲಬುರ್ಗಿ ಜಿಲ್ಲೆಯ ಅಫಜಲಪುರ ಪಟ್ಟಣಕ್ಕೆ ಬಳಗಾನೂರ ಕೆರೆಯಿಂದ ಸೊನ್ನ ಬ್ಯಾರೇಜ್ ಗೆ ನೀರು ಹರಿಸಲಾಗುವುದು ಎಂದು ಅಫಜಲಪುರ ಶಾಸಕರು ನೀಡಿದ ಹೇಳಿಕೆ ಈ ಭಾಗದ ಜನತೆಯಲ್ಲಿ ಆತಂಕ ಮೂಡಿಸಿತ್ತು. ಆದರೆ, ಬಳಗಾನೂರ ಕೆರೆಯಿಂದ ನೀರು ಹರಿಸುತ್ತಿಲ್ಲ. ಕೃಷ್ಣಾ ಕಾಲುವೆ ನೀರನ್ನೇ ಉಮರಾಣಿ ಬ್ಯಾರೇಜ್ ನಿಂದ ಭೀಮಾಗೆ ಹರಿಸಲಾಗುತ್ತದೆ ಎಂದು ಸಿಂದಗಿ ಕ್ಷೇತ್ರದ ಶಾಸಕ ಅಶೋಕ ಮನಗೂಳಿ ನೀಡಿದ ಸ್ಪಷ್ಟನೆ ಜನತೆಯಲ್ಲಿ ಆತಂಕ ದೂರು ಮಾಡಿದೆ.</p>.<p>ಆದಾಗ್ಯೂ ಸಿಂದಗಿ ಕೆರೆಯಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ನೀರು ಸಂಗ್ರಹವಿದ್ದರೂ ವಾರಕ್ಕೊಮ್ಮೆ ಇಲ್ಲಾ 10 ದಿನಗಳಿಗೊಮ್ಮೆ ಮನೆ, ಮನೆಗೆ ನೀರು ಬಿಡುವುದು ಮಾತ್ರ ತಪ್ಪಿಲ್ಲ. ‘ಬೇಸಿಗೆಯಲ್ಲಿ 3 ದಿನಗಳಿಗೊಮ್ಮೆ ನೀರು ಬಿಡುವ ವ್ಯವಸ್ಥೆ ಮಾಡಲಾಗುವುದು’ ಎಂದು ಶಾಸಕ ಮನಗೂಳಿ ಸಾಕಷ್ಟು ಬಾರಿ ಹೇಳಿದ್ದರೂ ಬದಲಾವಣೆ ಮಾತ್ರ ಆಗಿಲ್ಲ.</p>.<p>‘ಬೇಸಿಗೆಯಲ್ಲೂ ಕೆರೆಯಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ನೀರು ಸಂಗ್ರಹಣೆ ಇರುತ್ತದೆ. ಸದ್ಯ ಈ ಕೆರೆಯಲ್ಲಿ 17 ಅಡಿ ನೀರಿನ ಸಂಗ್ರಹಣೆ ಇದೆ’ ಎಂದು ಕೆಬಿಜೆಎನ್ಎಲ್ ಎಇಇ ವಿಜಯಕುಮಾರ ‘ಪ್ರಜಾವಾಣಿ’ ಗೆ ತಿಳಿಸಿದರು.</p>.<p>Quote - ಬಳಗಾನೂರ ಕೆರೆಯಿಂದ 50 ಹಳ್ಳಿಗಳಿಗೆ ಸಿಂದಗಿ ಪಟ್ಟಣಕ್ಕೆ ಕುಡಿಯುವ ನೀರು ಪೂರೈಕೆ ಆಗುತ್ತದೆ. ಹೀಗಾಗಿ ಅಫಜಲಪುರಕ್ಕೆ ಈ ಕೆರೆಯಿಂದ ನೀರು ಹರಿಸಲಾಗುತ್ತಿಲ್ಲ. ಉಮರಾಣಿ ಬ್ಯಾರೇಜ್ನಿಂದ ಅಫಜಲಪುರಕ್ಕೆ ನೀರು ಹರಿಸಲಾಗುತ್ತದೆ. -ಅಶೋಕ ಮನಗೂಳಿ ಶಾಸಕ ಸಿಂದಗಿ</p>.<p>Quote - ಬಳಗಾನೂರ ಕೆರೆಯಿಂದ ಅಫಜಲಪುರ ಪಟ್ಟಣಕ್ಕೆ ನೀರು ಹರಿಸುವಂತೆ ಅಲ್ಲಿನ ಶಾಸಕರು ಸರ್ಕಾರಕ್ಕೆ ಒತ್ತಾಯಿಸಿದ್ದಾರೆ. ಅಲ್ಲಿಗೆ ನೀರು ಹರಿಸಿದರೆ ಇದೇ ಕೆರೆಯ ಮೇಲೆ ಅವಲಂಬಿವಾಗಿರುವ ಸಿಂದಗಿ ಪಟ್ಟಣಕ್ಕೆ ಬೇಸಿಗೆಯಲ್ಲಿ ನೀರಿನ ತೊಂದರೆ ಎದುರಾಗಬಹುದಾಗಿದೆ. -ಅಶೋಕ ಅಲ್ಲಾಪೂರ ಅಧ್ಯಕ್ಷ ನಗರ ಸುಧಾರಣಾ ವೇದಿಕೆ </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
