ವಿಜಯಪುರದಲ್ಲಿ ಚಂಡಮಾರುತದ ಪರಿಣಾಮ: ದಟ್ಟೈಸಿದ ಮೋಡ, ಮಳೆ

ಜಿಲ್ಲೆಯ ಹಲವೆಡೆ ಭಾನುವಾರ ತಡ ರಾತ್ರಿಯಿಂದ ಆರಂಭವಾದ ಮಳೆ ಸೋಮವಾರ ಬಿಟ್ಟು, ಬಿಟ್ಟು ಸಂಜೆ ವರೆಗೂ ಸುರಿಯಿತು. ವಿಜಯಪುರದ ನಗರದಲ್ಲಿ ಗುಂಡಿಬಿದ್ದ ರಸ್ತೆಗಳಲ್ಲಿ ಮಳೆ ನೀರು ನಿಂತು ಸಂಚಾರಕ್ಕೆ ಅಡಚಣೆಯಾಯಿತು. ವಿಜಯಪುರ ನಗರ ಸೇರಿದಂತೆ ತಿಕೋಟಾ, ಹೊರ್ತಿ, ಇಂಡಿಯಲ್ಲೂ ಜಿಟಿಜಿಟಿ ಮಳೆಯಾಗಿದೆ.

ಬಸವನ ಬಾಗೇವಾಡಿ 6.7 ಮಿ.ಮೀ. ಮಳೆಯಾಗಿದೆ. ಮನಗೂಳಿ 6, ಮಟ್ಟಿಹಾಳ 2, ವಿಜಯಪುರ 2.2, ನಾಗಠಾಣ 9.2, ಭೂತನಾಳ 10.6, ಹಿಟ್ನಳ್ಳಿ 4.8, ತಿಕೋಟಾ 5.1, ಮಮದಾಪೂರ 8.4, ಕುಮಟಗಿ 4.6, ಇಂಡಿ 6, ನಾದ ಬಿ.ಕೆ. 6.6, ಅಗರಖೇಡ 3.2, ಹೋರ್ತಿ 26.6, ಹಲಸಂಗಿ 12, ಚಡಚಣ 6, ಝಳಕಿ 9, ತಾಳಿಕೋಟಿ 1.3, ಢವಳಗಿ 1, ಸಿಂದಗಿ 4, ಆಲಮೇಲ 3, ರಾಮನಹಳ್ಳಿ 5.8, ಕಡ್ಲೆವಾಡ 2.3, ದೇವರಹಿಪ್ಪರಗಿ1.6, ಕೊಂಡಗೂಳಿ 3 ಮಿ.ಮೀ. ಮಳೆಯಾಗಿದೆ.