ಇಂಡಿಯಲ್ಲಿ 12.8 ಮಿ.ಮೀ ಮಳೆ

ಮುಂಗಾರು ಪ್ರಾರಂಭದ ರೋಹಿಣಿ ಮತ್ತು ಮೃಗಶಿರಾ ಎರಡು ಮಳೆಗಳು ಆಗದೇ ರೈತರಲ್ಲಿ ನಿರಾಶೆ ಮೂಡಿಸಿದ್ದವು. ಬಹುತೇಕ ರೈತರು ತಮ್ಮ ಹೊಲಗದ್ದೆಗಳನ್ನು ಸ್ವಚ್ಛ ಗೊಳಿಸಿ ಬಿತ್ತನೆ ಬೀಜಗಳನ್ನು ಖರೀದಿಸಿ ಮಳೆಗಾಗಿ ಕಾಯುತ್ತಿದ್ದರು. ಮಿರಗಾ ಮಳೆಗೆ ಬಿತ್ತನೆ ಮಾಡಬೇಕಿದ್ದ ಹೆಸರು ಬೆಳೆ ಮಳೆಯಾಗದ ಹಿನ್ನೆಲೆ ಈ ಬಾರಿ ಬಹುತೇಕ ರೈತರು ಬಿತ್ತನೆ ಮಾಡದಂತಾಯಿತು.

ಇಂಡಿ 12.7 ಮಿ.ಮೀ, ನಾದ ಕೆಡಿ 2 ಮಿ.ಮೀ, ಅಗರಖೇಡ 21.1 ಮಿ.ಮೀ, ಝಳಕಿ 19.4 ಮಿ.ಮೀ ಮಳೆಯಾಗಿದೆ ಎಂದು ಕೃಷಿ ಇಲಾಖೆ ಸಹಾಯಕ ನಿರ್ದೇಶಕರು ತಿಳಿಸಿದ್ದಾರೆ.

‘ತಾಲ್ಲೂಕಿನ ಕೆಲವು ಕಡೆ ಉತ್ತಮ ರೀತಿಯಲ್ಲಿ ಮಳೆಯಾಗುತ್ತಿದ್ದು, ತೊಗರಿ ಮತ್ತು ಹತ್ತಿ, ಮೆಕ್ಕೆಜೋಳ ಬಿತ್ತನೆ ಮಾಡಬಹುದು. ಮುಂದಿನ ದಿನಗಳಲ್ಲಿ ಉತ್ತಮ ಮಳೆ ಆಗುವ ನಿರೀಕ್ಷೆ ಇದೆ’ ಎಂದು ಇಂಡಿ ಕೃಷಿ ಇಲಾಖೆ ಸಹಾಯಕ ನಿರ್ದೇಶಕ ಮಹಾದೇವಪ್ಪ ಏವೂರ ತಿಳಿಸಿದ್ದಾರೆ.