ಜಿಲ್ಲಾ ಕ್ರೀಡಾಂಗಣ: ಉಚಿತ ಪ್ರವೇಶಕ್ಕೆ ಆಗ್ರಹ

ಕನಾಟಕ ರಾಜ್ಯ ಅಥ್ಲೇಟಿಕ್‌ ಸಂಸ್ಥೆಯ ಉಪಾಧ್ಯಕ್ಷ ಎಸ್.ಎಸ್.ಹಿರೇಮಠ ಮಾತನಾಡಿ, ಯಾವ ಜಿಲ್ಲೆಯಕ್ರೀಡಾಂಗಣದಲ್ಲೂ ಪ್ರವೇಶಕ್ಕೆ ಶುಲ್ಕ ಇರುವುದಿಲ್ಲ. ಪ್ರವೇಶ ಶುಲ್ಕ ತೆಗೆದುಕೊಳ್ಳುವುದರಿಂದ ಬಡ ಕ್ರೀಡಾಪಟುಗಳಿಗೆ ತೊಂದರೆಯಾಗುತ್ತದೆ ಬಡ. ಕ್ರೀಡಾ ಪಟುಗಳ ಹಿತದೃಷ್ಟಿಯಿಂದ ಕೂಡಲೇ ಆದೇಶವನ್ನು ಹಿಂಪಡೆಯಬೇಕು ಎಂದು ಒತ್ತಾಯಿಸಿದರು.

ವಿಜಯಪುರ ಜಿಲ್ಲಾ ಅಥ್ಲೇಟಿಕ್ಸ್ ಕ್ರೀಡಾ ಸಂಸ್ಥೆ, ವಾಲಿಬಾಲ್ ಸಂಸ್ಥೆ, ಬ್ಯಾಸ್ಕೇಟ್ ಬಾಲ್ ಸಂಸ್ಥೆ, ಸೈಕ್ಲಿಂಗ್ ಸಂಸ್ಥೆ, ಫುಟ್‌ಬಾಲ್ ಹಾಗೂ ಹಾಕಿ ಕ್ರೀಡಾ ಸಂಸ್ಥೆ ಹಾಗೂ ವಿವಿಧ ಕ್ರೀಡಾ ಸಂಸ್ಥೆಗಳು ಮತ್ತು ಜಿಲ್ಲಾ ಕ್ರೀಡಾಂಗಣದ ನಾಮ ನಿರ್ದೇಶಕ ಸದಸ್ಯರು, ಜಿಲ್ಲಾ ಕ್ರೀಡಾಂಗಣದ ಸಭೆಯಲ್ಲಿ ತೆಗೆದುಕೊಂಡ ನಿರ್ಣಯದಲ್ಲಿ ಬದಲಾವಣೆ ಮಾಡಿಕೊಳ್ಳಬೇಕು ಎಂದು ಆಗ್ರಹಿಸಿದರು.

ಕ್ರೀಡಾ ಸಂಸ್ಥೆಗಳು, ಕ್ರೀಡಾ ಪಟುಗಳಿಗೆ ಸತತವಾಗಿ ತರಬೇತಿ ಪಡೆಯುವ ಕ್ರೀಡಾ ಪಟುಗಳಿಗೆ ಮಾತ್ರ ಉಚಿತವಾಗಿ ಪ್ರವೇಶಕ್ಕೆ ಅನುಕೂಲ ಮಾಡಿಕೊಡಬೇಕು ಎಂದು ವಿಜಯಪುರ ಜಿಲ್ಲಾ ಕ್ರೀಡಾ ಸಂಸ್ಥೆಗಳ ಒಕ್ಕೂಟಗದಿಂದ ಮನವಿ ಸಲ್ಲಿಸಲಾಯಿತು.

ಬಿ.ಎಮ್.ಕೋಕರೆ, ಆರ್. ಎಸ್. ಬಿದರಿ, ರಾಜು ಬಿರಾದಾರ, ಎಸ್.ಕೆ.ಇನಾಂದಾರ, ನಾಮನಿರ್ದೇಶಕ ಬಸವರಾಜ ಗೊಳಸಂಗಿ ಇದ್ದರು.