‘ವಿಜೇತಾ’ ಟ್ರೋಪಿ: ಶ್ರೇಯಾ ಉತ್ತಮ ಬ್ಯಾಟ್ಸ್‌ ವುಮೆನ್‌

ಟೂರ್ನಮೆಂಟ್‌ನಲ್ಲಿ ಐದು ಪಂದ್ಯಗಳನ್ನು ಆಡಿದ ಶ್ರೇಯಾ ಒಟ್ಟು 268 ರನ್ ಗಳಿಸಿ ಉತ್ತಮ ಬ್ಯಾಟ್ಸ್‌ ವುಮೆನ್‌, ಇಂಪ್ಯಾಕ್ಟ್‌ ಪ್ಲೇಯರ್‌ ಅವಾರ್ಡ್‌, ಮೋಸ್ಟ್‌ ಬೌಂಡರಿ ಅವಾರ್ಡ್‌ ಕೀರ್ತಿಗೆ ಭಾಜನರಾಗಿದ್ದಾರೆ.

ವಿಕೇಟ್‌ ಕೀಪರ್‌ ಆಗಿಯೂ ಉತ್ತಮ ಸಾಧನೆ ತೋರಿರುವ ಶ್ರೇಯಾ ಒಟ್ಟು 10 ಸ್ಟಂಪ್‌ ಔಟ್‌ ಮಾಡುವ ಮೂಲಕ ಟೂರ್ನಮೆಂಟ್‌ನಲ್ಲಿ ದ್ವಿತೀಯ ಸ್ಥಾನ ಪಡೆದುಕೊಂಡಿದ್ದಾಳೆ.

ವಿಜಯಪುರ ನಗರದ ಓಂ ಕ್ರಿಕೆಟ್‌ ಅಕಾಡೆಮಿಯ ತರಬೇತುದಾರ ಮುರಳಿ ಬೀಳಗಿ, ಬಿಜಾಪುರ ಬುಲ್ಸ್‌ ಮ್ಯಾನೇಜರ್‌ ರಾಜೇಶ ತೊರವಿ ಹಾಗೂ ರಾಜು ನಾಗನಂದ ಅವರ ಬಳಿ ತರಬೇತಿ ಪಡೆಯುತ್ತಿರುವ ಶ್ರೇಯಾ ಭವಿಷ್ಯದ ಭರವಸೆಯ ಕ್ರಿಕೆಟ್‌ ಪಟುವಾಗಿ ಹೊರಹೊಮ್ಮಿದ್ದಾರೆ.

ನೈರುತ್ಯ ರೈಲ್ವೆ ವಿಜಯಪುರದಲ್ಲಿ ರೈಲ್ವೆ ಎಂಜಿನಿಯರ್ ಆಗಿರುವ ಸಂತೋಷಕುಮಾರ ಚವ್ಹಾಣ ಅವರ ಪುತ್ರಿಯಾಗಿದ್ದಾರೆ.