ವಿಜಯಪುರ: ಜಿಲ್ಲೆಯ 188 ಕೇಂದ್ರಗಳಲ್ಲಿಎಸ್ಎಸ್ಎಲ್ಸಿ ಭಾಷಾ ಪರೀಕ್ಷೆ ಯಾವುದೇ ತೊಂದರೆ, ಅಡಚಣೆ ಇಲ್ಲದೇ ಗುರುವಾರ ಯಶಸ್ವಿಯಾಗಿ ನಡೆದಿದ್ದು, ಪ್ರಸಕ್ತ ಸಾಲಿನ ಎಸ್ಎಸ್ಎಲ್ಸಿ ಪರೀಕ್ಷೆ ಎರಡೇ ದಿನದಲ್ಲಿ ಮುಕ್ತಾಯವಾಗಿದೆ.
ಒಟ್ಟು ನೋಂದಾಯಿತ 37,583 ವಿದ್ಯಾರ್ಥಿಗಳ ಪೈಕಿ 37,257 ವಿದ್ಯಾರ್ಥಿಗಳು ಹಾಜರಾಗಿದ್ದಾರೆ. 168 ಬಾಲಕರು, 158 ಬಾಲಕಿಯರು ಸೇರಿದಂತೆ 326 ಪರೀಕ್ಷಾರ್ಥಿಗಳು ಗೈರಾಗಿದ್ದಾರೆ ಎಂದು ಸಾರ್ವಜನಿಕ ಶಿಕ್ಷಣ ಇಲಾಖೆ ಉಪನಿರ್ದೇಶಕ ಎನ್.ವಿ.ಹೊಸೂರ ತಿಳಿಸಿದ್ದಾರೆ.
ಕೋವಿಡ್ ಭಯದ ನಡುವೆಯೇಎರಡು ದಿನಗಳ ಕಾಲ ಪರೀಕ್ಷೆ ಜಿಲ್ಲೆಯಲ್ಲಿ ಯಶಸ್ವಿಯಾಗಿ ನಡೆದಿದೆ. ನಕಲು ನಡೆಯದಂತೆ ತಡೆಯಲು ಕ್ರಮಕೈಗೊಳ್ಳಲಾಗಿತ್ತು. ಅಲ್ಲದೇ, ಕೋವಿಡ್ ಮುನ್ನೆಚ್ಚರಿಕೆ ಕ್ರಮಗಳನ್ನು ಪಾಲಿಸಲಾಯಿತು.