ಸಿಂದಗಿ: ಪಟ್ಟಣದ ನೀಲಗಂಗಾ ಚೌಕ್‌ದಲ್ಲಿನ ಅನಿಕೇತನ ಪೂರ್ವ ಪ್ರಾಥಮಿಕ ಶಾಲೆಯ ನರ್ಸರಿ ವಿಭಾಗದಲ್ಲಿ ಓದುತ್ತಿರುವ 2 ವರ್ಷ 10 ತಿಂಗಳ ವಯಸ್ಸಿನ ಬಾಲಕಿ ವರಣ್ಯಾ ಗುರುರಾಜ್ ಕುಲಕರ್ಣಿ ಕೇವಲ 53 ಸೆಕೆಂಡ್ ಸಮಯದಲ್ಲಿ ದೇಶದ ಎಲ್ಲ ರಾಜ್ಯಗಳು ಮತ್ತು ರಾಜ್ಯಗಳ ರಾಜಧಾನಿ ಹೆಸರುಗಳನ್ನು ಫಟಾ ಫಟ್ ಆಗಿ ಹೇಳುವ ಮೂಲಕ ನೊಬೆಲ್ ವರ್ಲ್ಡ್ ರಿಕಾರ್ಡ್ ಬುಕ್‌ಗೆ ಸೇರ್ಪಡೆಯಾಗಿದ್ದಾಳೆ.
ಈಚೆಗೆ ಉತ್ತರಪ್ರದೇಶದ ಲಖನೌದ ನಾನ್ ಒಲಂಪಿಕ್ ಟೈಮ್ಸ್ ಆಯೋಜನೆ ಮಾಡಿದ್ದ ನೊಬೆಲ್ ವರ್ಲ್ಡ್ ರಿಕಾರ್ಡ್ ಆನ್‌ಲೈನ್ ಸ್ಪರ್ಧೆಯಲ್ಲಿ ವರಣ್ಯಾ ಭಾಗವಹಿಸಿದ್ದಳು.
ವರಣ್ಯಾ ಕುಲಕರ್ಣಿ ಪಟ್ಟಣದ ವರ್ತಕ ಪಂಡಿತ ಕುಲಕರ್ಣಿಯವರ ಮೊಮ್ಮಗಳು.
ವರಣ್ಯಾ ಶಾಲೆಯಲ್ಲಿ ತುಂಬಾ ಚುರುಕು, ಜಾಣೆಯಾಗಿದ್ದಾಳೆ ಎಂದು ಶಾಲೆಯ ಮುಖ್ಯಶಿಕ್ಷಕಿ ಶಾರದಾ ಶಾಂತೇಶ ಪೂಜಾರಿ ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದರು.
