‘ಸ್ಥಳೀಯ ಆಡಳಿತ ಬಿಜೆಪಿಗೆ ದಕ್ಕಲಿ’

7
ನಗರಸಭೆ ಚುನಾವಣೆ: ಪೂರ್ವಭಾವಿ ಸಭೆಯಲ್ಲಿ ಶಾಸಕ ವೆಂಕಟರೆಡ್ಡಿ ಮುದ್ನಾಳ ಕರೆ

‘ಸ್ಥಳೀಯ ಆಡಳಿತ ಬಿಜೆಪಿಗೆ ದಕ್ಕಲಿ’

Published:
Updated:
Deccan Herald

ಯಾದಗಿರಿ:‘ಇಲ್ಲಿನ ನಗರಸಭೆಯಲ್ಲಿ ಬಿಜೆಪಿ ಅಧಿಕಾರ ಹಿಡಿಯಬೇಕು. ಆ ನಿಟ್ಟಿನಲ್ಲಿ ಸ್ಥಳೀಯ ಕಾರ್ಯಕರ್ತರು ವಾರ್ಡುಗಳಲ್ಲಿ ಪಕ್ಷ ಬಲವರ್ಧನೆಗೊಳಿಸಬೇಕು. ಏನೇ ಆದರೂ ಈ ಬಾರಿ ಸ್ಥಳೀಯ ಆಡಳಿತ ಬಿಜೆಪಿಗೆ ದಕ್ಕಬೇಕು’ ಎಂದು ಎಂದು ಶಾಸಕ ವೆಂಕಟರೆಡ್ಡಿ ಮುದ್ನಾಳ ಕಾರ್ಯಕರ್ತರಿಗೆ ಕರೆ ನೀಡಿದರು.

ನಗರದ ಎನ್‌ವಿಎಂ ಸಭಾಂಗಣದಲ್ಲಿ ಸೋಮವಾರ ನಡೆದ ನಗರಸಭೆ ಚುನಾವಣಾ ಪೂರ್ವಭಾವಿ ಸಭೆಯಲ್ಲಿ ಅವರು ಮಾತನಾಡಿದರು.

‘ಚುನಾವಣೆಯಲ್ಲಿ ಆಕಾಂಕ್ಷಿಗಳು ಬಹಳ ಸಂಖ್ಯೆಯಲ್ಲಿದ್ದರೂ, ಟಿಕೆಟ್ ಮಾತ್ರ ಒಬ್ಬರಿಗೆ ಸಿಗುತ್ತದೆ. ಟಿಕೆಟ್ ಯಾರಿಗೆ ಸಿಕ್ಕರೂ, ಟಿಕೆಟ್‌ ಆಕಾಂಕ್ಷಿಗಳು ಅಸಮಾಧಾನದ ನಡೆ ತೋರಬಾರದು. ಪಕ್ಷದ ಬೆಳವಣಿಗೆ ದೃಷ್ಟಿಯಿಂದ ಪಕ್ಷದ ಅಭ್ಯರ್ಥಿಗೆ ಎರಡು ಬಗೆಯದೆ ಮತ ಹಾಕಿಸುವ ಮೂಲಕ ಪಕ್ಷನಿಷ್ಠೆ ಮೆರೆಯಬೇಕು’ಎಂದರು.

ಮಾಜಿ ಶಾಸಕ ಡಾ.ವೀರಬಸವಂತರೆಡ್ಡಿ ಮುದ್ನಾಳ ಮಾತನಾಡಿ,‘ಬಿಜೆಪಿ ಸೋಲಿಸಲು ಅನ್ಯ ಪಕ್ಷಗಳಿಂದ ಸಾಧ್ಯವಿಲ್ಲ. ಆದರೆ, ನಮ್ಮಲ್ಲಿರುವ ಅಸಮಾಧಾನಿತರೇ ಪಕ್ಷ ಸೋಲಿಗೆ ಕಾರಣರಾಗುವ ಸಾಧ್ಯತೆ ಇದೆ. ಆದ್ದರಿಂದ, ಯಾರೂ ಕೂಡ ಪಕ್ಷದ ನಿಲುವಿಗೆ ವಿರೋಧ ತೋರದೆ ಪಕ್ಷವನ್ನು ಗೆಲುವಿನತ್ತ ಶತಪ್ರಯತ್ನ ಮಾಡಬೇಕು’ ಎಂದು ಕರೆ ನೀಡಿದರು.

ನಗರಸಭೆ ಚುನಾವಣಾ ಉಸ್ತುವಾರಿ ವೀಕ್ಷಕ ಅಮರನಾಥ್ ಪಾಟೀಲ್ ಮಾತನಾಡಿ,‘ನಗರದ ಕಾರ್ಯಕರ್ತರು ಶಿಸ್ತಿನ ಸಿಪಾಯಿಗಳಾಗಿದ್ದು, ಯಾರಿಗೆ ಟಿಕೆಟ್ ಸಿಕ್ಕರೂ ಒಮ್ಮತದಿಂದ ಕೆಲಸ ಮಾಡುವ ಮನೋಭಾವ ಹೊಂದಿದ್ದಾರೆ’ ಎಂದರು.

ಪಕ್ಷದ ಜಿಲ್ಲಾ ಅಧ್ಯಕ್ಷ ಚಂದ್ರಶೇಖರ ಮಾಗನೂರು ಮಾತನಾಡಿ,‘ಒಟ್ಟು 31 ವಾರ್ಡುಗಳ ಪೈಕಿ ಕನಿಷ್ಠ 25ಕ್ಕೂ ಹೆಚ್ಚು ವಾರ್ಡುಗಳಲ್ಲಿ ಬಿಜೆಪಿ ಗೆಲುವಿನ ಪತಾಕೆ ಹಾರಿಸಲಿದೆ. ಎಲ್ಲ ರೀತಿಯಿಂದಲೂ ಚುನಾವಣೆ ಎದುರಿಸಲು ಸಿದ್ಧರಾಗಿದ್ದೇವೆ. ನಗರಸಭೆ ಆಡಳಿತ ಬಿಜೆಪಿಯ ಕೈವಶವಾಗಲಿದೆ’ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.

ನಗರಸಭೆ ಅಧ್ಯಕ್ಷೆ ಲಲಿತಾ ಅನಪುರ, ಡಾ.ಶರಣಭೂಪಾಲರೆಡ್ಡಿ ನಾಯ್ಕಲ್, ಭಾರತ ಆಹಾರ ನಿಗಮದ ಸದಸ್ಯ ಖಂಡಪ್ಪ ದಾಸನ್, ದೇವಿಂದ್ರನಾಥನಾದ ಇತರರು ಮಾತನಾಡಿದರು.

31ವಾರ್ಡಿನ ಆಕಾಂಕ್ಷಿಗಳು, ನಗರಾಧ್ಯಕ್ಷ ಹಣಮಂತ ಇಟಗಿ, ಶರಣಗೌಡ ಬಾಡಿಯಾಳ, ಎಸ್.ಪಿ. ನಾಡೇಕರ್, ಶಿವುಕುಮಾರ ದೊಡ್ಡಮನಿ, ರವಿ ಬಾಪುರೆ, ನಾಜಿಮ್ ಅಹಮ್ಮದ್, ವೆಂಕಟರೆಡ್ಡಿ ಅಬ್ಬೆತುಮಕೂರು, ರಮೇಶ ದೊಡ್ಡಮನಿ, ಪರಶುರಾಮ ಕುರಕುಂದಿ, ಸುರೇಶ ಆಕಳ ಸಭೆಯಲ್ಲಿ ಹಾಜರಿದ್ದರು.

 

 

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !