ಕಬ್ಬಿನ ಬಾಕಿ ಹಣ ಕೊಡಿಸಲು ಆಗ್ರಹ

ಮಂಗಳವಾರ, ಜೂನ್ 18, 2019
25 °C
₹50 ಕೋಟಿಗೂ ಹೆಚ್ಚು ಹಣ ಬಾಕಿ ಉಳಿಸಿಕೊಂಡ ಕೋರ್‌ಗ್ರೀನ್ ಶುಗರ್ ಕಾರ್ಖಾನೆ

ಕಬ್ಬಿನ ಬಾಕಿ ಹಣ ಕೊಡಿಸಲು ಆಗ್ರಹ

Published:
Updated:
Prajavani

ಯಾದಗಿರಿ: ವಡಗೇರಾ ತಾಲ್ಲೂಕಿನ ತುಮಕೂರು ಬಳಿ ಇರುವ ಕೋರ್‌ಗ್ರೀನ್ ಶುಗರ್ ಕಾರ್ಖಾನೆಗೆ ಕಬ್ಬು ಮಾರಾಟ ಮಾಡಿ ಏಳು ತಿಂಗಳು ಕಳೆದರೂ ಕಾರ್ಖಾನೆ ಆಡಳಿತ ಮಂಡಳಿ ಕಬ್ಬಿನ ಬಾಕಿ ಹಣ ನೀಡದೆ ಸತಾಯಿಸುತ್ತಿದೆ ಎಂದು ಆರೋಪಿಸಿ ಕಲಬುರ್ಗಿ ಹಾಗೂ ಬೀದರ್ ಸುತ್ತಮುತ್ತಲಿಂದ ಬಂದಿದ್ದ ರೈತರು ಮಂಗಳವಾರ ಇಲ್ಲಿನ ಜಿಲ್ಲಾಧಿಕಾರಿ ಎಂ.ಕೂರ್ಮಾರಾವ್‌ಗೆ ಮನವಿ ಸಲ್ಲಿಸಿದರು.

ಕೋರ್‌ಗ್ರೀನ್ ಶುಗರ್ ಕಾರ್ಖಾನೆಗೆ ಕಬ್ಬು ಮಾರಾಟ ಮಾಡಲಾಗಿದೆ. ಕಬ್ಬು ಬೆಳೆಯುವಂತೆ ಆಡಳಿತ ಮಂಡಳಿ ನಮಗೆ ಸಲಹೆ ನೀಡಿ, ನಮ್ಮಿಂದ ಕಬ್ಬನ್ನು ಪಡೆದುಕೊಂಡು ಇದೀಗ ಸುಮಾರು 7 ತಿಂಗಳು ಕಳೆದರೂ ಬಾಕಿ ಹಣ ಕೊಡದೆ ತೊಂದರೆ ಕೊಡಲಾಗುತ್ತಿದೆ. ಈ ಬಗ್ಗೆ ಕೇಳಿದರೆ 15 ದಿನಗಳ ಒಳಗಾಗಿ ಹಣ ಪಾವತಿ ಮಾಡಲಾಗುವುದು ಎಂದು ಕಾರ್ಖಾನೆ ಅಧಿಕಾರಿಗಳು ತಿಳಿಸಿದ್ದರು. ಆದರೆ, ಇದುವರೆಗೂ ಅವರಿಂದ ಯಾವುದೇ ಉತ್ತರ ಸಿಕ್ಕಿಲ್ಲ. ಇತ್ತ ಕಬ್ಬು ಬೆಳೆದು ನಾವು ಸಂಕಷ್ಟದಲ್ಲಿದ್ದೇವೆ ಎಂದು ಕಬ್ಬಯ ಬೆಳೆಗಾರರು ಆರೋಪಿಸಿದರು.

ಕಲಬುರ್ಗಿ ಜಿಲ್ಲೆಯ ಜೇವರ್ಗಿ ತಾಲೂಕಿನ ಸುಮಾರು 60ಕ್ಕೂ ಹೆಚ್ಚು ರೈತರಿಗೆ ಹಣ ಪಾವತಿಯಾಗಿಲ್ಲ. ಬೀದರ್‌ ಜಿಲ್ಲೆಯ ಮದರಗಿ ತಾಂಡವೊಂದರಲ್ಲೇ 18 ರೈತರ ಹಣ ಬಾಕಿ ಇದೆ. ನವೆಂಬರ್ ತಿಂಗಳಲ್ಲಿ ಕಬ್ಬುಕಟಾವು ಮಾಡಿಸಿಕೊಂಡ ಕಾರ್ಖಾನೆ ಈವರೆಗೆ ಸುಮಾರು 200 ರಷ್ಟು ರೈತರ ₹50 ಕೋಟಿಗೂ ಹೆಚ್ಚು ಹಣವನ್ನು ರೈತರಿಗೆ ಪಾವತಿಸದೇ ಸತ್ತಾಯಿಸುತ್ತಿದ್ದಾರೆ ಎಂದು ಆರೋಪಿಸಿದರು.

ಬಾಡಿಗೆ ವಾಹನ

ಸುಮಾರು 3 ಬಾರಿ ಬೀದರ್‌ನಿಂದ ಎಲ್ಲ ರೈತರು ಸೇರಿ ₹10 ಸಾವಿರ ಬಾಡಿಗೆ ವಾಹನ ಮಾಡಿಕೊಂಡು ಬರುತ್ತಿದ್ದೇವೆ. ಕೂಡಲೇ ಕಾರ್ಖಾನೆ ಆಡಳಿತ ಮಂಡಳಿಗೆ ಕಬ್ಬಿನ ಬಾಕಿ ಹಣ ಕೊಡುವಂತೆ ಸೂಚನೆ ನೀಡಬೇಕು. ಇಲ್ಲವಾದಲ್ಲಿ ಮುಂದಿನ ದಿನಗಳಲ್ಲಿ ಉಗ್ರ ಪ್ರತಿಭಟನೆ ನಡೆಸಲಾಗುವುದು ಎಂದು ರೈತರು ಎಚ್ಚರಿಕೆ ನೀಡಿದರು.

ರೈತ ಮುಖಂಡರಾದ ಶಂಕರಗೌಡ ಪಾಟೀಲ್ ಕೊಲ್ಲೂರ, ಮಲ್ಲಣಗೌಡ ಪಾಟೀಲ್ ಹರವಾಳ, ಶ್ರೀಶೈಲ ಹರವಾಳ, ಆಕಾಶ, ವಿನೋದ, ರಮೇಶ ಕಲಶೆಟ್ಟಿ, ಮಲ್ಲೇಶಿ, ಭೀಮಾಶಂಕರ, ವೆಂಕಟೇಶ ಮದರಗಿ, ಭಗವಾನ, ಹರಿಚಂದ್ರ, ಅರವಿಂದ್ ಸೇರಿದಂತೆ ನೂರಾರು ಜನ ಇದ್ದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !