‘ಹೆಸರಿಗೆ ಮಾತ್ರ ಚಪ್ಪಲಿ, ಬೂಟ ಅಂಗಡಿ ಇಡಲಾಗಿದೆ. ಒಂದು ದಿನವೂ ಅಲ್ಲಿ ಪಾದರಕ್ಷೆಗಳ ಮಾರಾಟವಾಗಿಲ್ಲ. ಗ್ರಾಹಕರು ಪಾದರಕ್ಷೆಗಳನ್ನು ಕೇಳಿದರೆ, ಅವರಿಗೆ ಇಲ್ಲ ಎನ್ನಲಾಗುತ್ತದೆ. ಆದರೆ, ಮಟ್ಕಾ ಬರೆಯುವವರು ಒಬ್ಬರು ಒಳಗಿದ್ದರೆ ಮತ್ತೊಬ್ಬರು ಬಾಗಿಲು ಬಳಿ ನಿಂತಿರುತ್ತಾರೆ. ಜನರು ಗುಂಪುಗೂಡಿ ಮಟ್ಕಾ ಬರೆಸುತ್ತಾರೆ. ಸಂಜೆ ವೇಳೆ ದೀಪಗಳನ್ನು ಆರಿಸಿ, ಮೊಬೈಲ್ ಫೋನ್ ಬೆಳಕಲ್ಲಿ ಮಟ್ಕಾ ಬರೆಯಲಾಗುತ್ತದೆ’ ಎಂದು ಪಟ್ಟಣದ ನಿವಾಸಿಗಳು ತಿಳಿಸಿದರು.