ಯಾದಗಿರಿ: ಕೊಲ್ಕತ್ತಾದ ವೈದ್ಯಕೀಯ ಮಹಾ ವಿದ್ಯಾಲಯದ ಆಸ್ಪತ್ರೆಯಲ್ಲಿ ಸ್ನಾತಕೋತ್ತರ ವೈದ್ಯ ವಿದ್ಯಾರ್ಥಿನಿಯ ಮೇಲೆ ಅತ್ಯಾಚಾರ ಹಾಗೂ ಕೊಲೆ ಖಂಡಿಸಿ ಆ.17ರಂದು ಬೆಳಿಗ್ಗೆ 6ಗಂಟೆಯಿಂದ ಆ.18ರ ಬೆಳಿಗ್ಗೆ 6 ಗಂಟೆಯವರೆಗೆ ಅಲೋಪಥಿ ವೈದ್ಯರ ಆಸ್ಪತ್ರೆಗಳು ಬಂದ್ ಇರುತ್ತವೆ ಎಂದು ಅಖಿಲ ಭಾರತೀಯ ವೈದ್ಯ ಪರಿಷತ್ ಜಿಲ್ಲಾ ಅಧ್ಯಕ್ಷ ಡಾ.ಭಗವಂತ ಅನವಾರ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಅಂದು ಜಿಲ್ಲೆಯಲ್ಲಿ ಯಾವುದೇ ಹೊರ ರೋಗಿಗಳ ವಿಭಾಗ ಸೇವೆ ನಿರ್ವಹಿಸುವುದಿಲ್ಲ. ಆದರೆ ತುರ್ತು ವಿಭಾಗದ ಸೇವೆಗಳು ಲಭ್ಯವಿರುತ್ತವೆ. ಸಾರ್ವಜನಿಕರು ಸಹಕರಿಸಬೇಕು ಎಂದು ಅವರು ಮನವಿ ಮಾಡಿದ್ದಾರೆ.
