ಶುಕ್ರವಾರ, ಜೂಲೈ 10, 2020
22 °C

‘ಹೂಗಾರ ಸಮುದಾಯಕ್ಕೆ ಪ್ಯಾಕೇಜ್ ನೀಡಿ’

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಯಾದಗಿರಿ: ಹೂಗಾರ ಸಮುದಾಯಕ್ಕೆ ವಿಶೇಷ ಪ್ಯಾಕೇಜ್ ನೀಡಲು ಅಖಿಲ ಕರ್ನಾಟಕ ಹೂಗಾರ ಯುವಸೇನೆಯ ವತಿಯಿಂದ ಜಿಲ್ಲಾಧಿಕಾರಿ ಮುಖಾಂತರ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅವರಿಗೆ ಶುಕ್ರವಾರ ಮನವಿ ಪತ್ರ ಸಲ್ಲಿಸಲಾಯಿತು.

‘ಲಾಕ್‌ಡೌನ್‌ ಪರಿಣಾಮ ತತ್ತರಿಸಿ ಹೋಗಿರುವ ಹೂಗಾರ ಸಮಾಜಕ್ಕೆ ವಿಶೇಷ ಪ್ಯಾಕೇಜ್‌ ನೀಡಬೇಕು. ಕಳೆದ 2 ತಿಂಗಳಿಂದ ಹೂ ಕಟ್ಟುವವರು, ಬಾಸಿಂಗ ಕಟ್ಟುವವರು, ಹೂ ಪತ್ರಿ ನೀಡುವವರು, ಗುಡಿ ಪೂಜಾರಿಕೆ ಮಾಡುವವರು ಕೆಲಸವಿಲ್ಲದೆ ಖಾಲಿ ಕುಳಿತ್ತಿದ್ದಾರೆ. ಬೇರೆ ಸಮುದಾಯಕ್ಕೆ ಕೊಟ್ಟಂತೆ ನಮ್ಮ ಸಮುದಾಯಕ್ಕೂ ನೆರವು ನೀಡಬೇಕು’ ಎಂದು ಅಖಿಲ ಕರ್ನಾಟಕ ಹೂಗಾರ ಯುವಸೇನೆಯ ರಾಜ್ಯ ಸಂಚಾಲಕ ಬನ್ನಪ್ಪ ಎಂ.ಪೂಜಾರ ಮೈಲಾಪುರ ನೇತೃತ್ವದಲ್ಲಿ ಮನವಿ ಮಾಡಲಾಯಿತು.

ಈ ವೇಳೆ ಶಹಾಪುರ ತಾಲ್ಲೂಕು ಹೂಗಾರ ಮಹಾಸಭಾದ ಅಧ್ಯಕ್ಷ ಭೀಮಣ್ಣ ಹೂಗಾರ ಹೊತಪೇಟ, ಯುವಸೇನೆಯ ಜಿಲ್ಲಾಧ್ಯಕ್ಷ ಶರಭು ಹೂಗಾರ, ಪಶುವೈದ್ಯ ಬಸವರಾಜ ಹೂಗಾರ ಮಳಖೇಡ, ಬಸವರಾಜ ಹೂಗಾರ ಖಾನಾಪುರ, ವಿಜಯ್ ಕುಮಾರ, ಈಶ್ವರ ಪೂಜಾರ, ಶ್ರೀಶೈಲ ಪೂಜಾರ, ಮಂಜುನಾಥ್ ಪಾಟೀಲ, ಪರಮೇಶ್ವರ ಪೂಜಾರ, ಅರುಣ್ ಕುಮಾರ ಹೂಗಾರ, ಸಿದ್ದು ಟಿ. ಪೂಜಾರ, ಉತ್ತಪ್ಪ ಹೂಗಾರ ನೀಲಹಳ್ಳಿ, ಸಿದ್ದು ಹೂಗಾರ ನೀಲಹಳ್ಳಿ, ಇದ್ದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು