ಶಹಾಪುರದಲ್ಲಿ ಗುರುವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ಕೇಂದ್ರ ಸರ್ಕಾರದಿಂದ ₹1.85 ಕೋಟಿ ಹಾಗೂ ರಾಜ್ಯ ಸರ್ಕಾರದಿಂದ ₹1.11ಕೋಟಿ ಅನುದಾನ ಸೇರಿ ಒಟ್ಟು ₹ 2.96ಕೋಟಿ ಅನುದಾನ ಬಂದಿದೆ. ನಗರದ 23 ವಾರ್ಡ್ಗಳಲ್ಲಿ 3,060 ವೈಯಕ್ತಿಕ ಶೌಚಾಲಯ ನಿರ್ಮಾಣದ ಗುರಿ ಹೊಂದಲಾಗಿತ್ತು. ಆದರೆ, ಈಗ ನಿರ್ಮಿಸಿರುವ ಶೌಚಾಲಯಗಳು ಕಳಪೆಯಾಗಿವೆ. ಮೂರನೇ ತಂಡದಿಂದ ಗುಣಮಟ್ಟದ ಬಗ್ಗೆ ವರದಿ ಪಡೆದಿಲ್ಲ. ಇ–ಟೆಂಡರ್ ಮೂಲಕ 500 ಶೌಚಾಲಯ ನಿರ್ಮಾಣಕ್ಕೆ ಒಪ್ಪಂದ ಮಾಡಿಕೊಳ್ಳಲಾಗಿದೆ. ಆದರೆ, ಟೆಂಡರ್ ಪ್ರಕ್ರಿಯೆಗೆ ಆಡಳಿತಾತ್ಮಕ ಮಂಜೂರಾತಿ ದೊರೆತಿಲ್ಲ. ಟೆಂಡರ್ ನಿಯಮಗಳನ್ನು ಗಾಳಿಗ ತೂರಿ ಬೇಕಾಬಿಟ್ಟಿಯಾಗಿ ಹಣ ದುರ್ಬಳಕೆ ಮಾಡಿಕೊಳ್ಳಲಾಗಿದೆ’ ಎಂದು ದೂರಿದರು.