ಹೆಚ್ಚು ವ್ಯಯಿಸಿದ ಸೈಲ್, ಸುನೀಲ್

ಅಭ್ಯರ್ಥಿಗಳು ಸಲ್ಲಿಸಿರುವ ಮಾಹಿತಿ ಪ್ರಕಾರ ಕಾರವಾರ– ಅಂಕೋಲಾ ವಿಧಾನಸಭಾ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಸತೀಶ್ ಸೈಲ್
ಹೆಚ್ಚು ಖರ್ಚು ಮಾಡಿದ್ದಾರೆ. ಅವರು ₹23.93 ಲಕ್ಷ ವ್ಯಯಿಸಿರುವುದಾಗಿ ತಿಳಿಸಿದ್ದಾರೆ. ಭಟ್ಕಳ– ಹೊನ್ನಾವರ ವಿಧಾನಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಸುನೀಲ್ ನಾಯ್ಕ ನಂತರದ ಸ್ಥಾನದಲ್ಲಿದ್ದಾರೆ. ಖರ್ಚು ವೆಚ್ಚದ ವಿವರ ಇಂತಿದೆ.

ಹಳಿಯಾಳ: ಜೆಡಿಎಸ್‌ನ ಕೆ.ಆರ್.ರಮೇಶ್ ₹12.13 ಲಕ್ಷ, ಪಕ್ಷೇತರ ಟಿ.ಆರ್.ಚಂದ್ರಶೇಖರ್ ₹8.96 ಲಕ್ಷ, ಎಂಇಪಿಯ ಕಕ್ಕೇರಿ ಬಡೇಸಾಬ್ ಹುಸೇನ್‌ಸಾಬ್ ₹3.44 ಲಕ್ಷ ಖರ್ಚಾಗಿದೆ ಎಂದು ಮಾಹಿತಿ ಸಲ್ಲಿಸಿದ್ದಾರೆ.

ಕಾರವಾರ– ಅಂಕೋಲಾ: ಜೆಡಿಎಸ್‌ನ ಆನಂದ ಅಸ್ನೋಟಿಕರ್ ₹ 16.18 ಲಕ್ಷ, ಎನ್‌ಸಿಪಿಯ ಮಾಧವ ನಾಯ್ಕ ₹ 7 ಲಕ್ಷ ವೆಚ್ಚವಾಗಿರುವುದಾಗಿ ಹೇಳಿದ್ದಾರೆ.

ಕುಮಟಾ– ಹೊನ್ನಾವರ: ಜಿಲ್ಲೆಯಲ್ಲೇ ಅತಿ ಹೆಚ್ಚು ಅಭ್ಯರ್ಥಿಗಳಿದ್ದ ಈ ಕ್ಷೇತ್ರದಲ್ಲಿ ಜೆಡಿಎಸ್‌ನ ಪ್ರದೀಪ ನಾಯಕ ₹13.19 ಲಕ್ಷ, ಕಾಂಗ್ರೆಸ್‌ನ ಶಾರದಾ ಮೋಹನ ಶೆಟ್ಟಿ ₹ 10.76 ಲಕ್ಷ, ಪಕ್ಷೇತರ ಅಭ್ಯರ್ಥಿಗಳಾದ ಯಶೋಧರ ನಾಯ್ಕ ₹ 7.71 ಲಕ್ಷ, ಸೂರಜ್ ನಾಯ್ಕ ಸೋನಿ ₹6.98 ಲಕ್ಷ ಖರ್ಚಾಗಿದೆಯೆಂದು ಮಾಹಿತಿ ನೀಡಿದ್ದಾರೆ.

ಭಟ್ಕಳ– ಹೊನ್ನಾವರ: ಕಾಂಗ್ರೆಸ್ ಅಭ್ಯರ್ಥಿ ಮಂಕಾಳು ವೈದ್ಯ ₹21.92 ಲಕ್ಷ ವೆಚ್ಚ ಮಾಡಿದ್ದಾರೆ. ಉಳಿದಂತೆ, ಪಕ್ಷೇತರ ಅಭ್ಯರ್ಥಿಗಳಾದ ಪ್ರಕಾಶ ಪಿಂಟೊ ₹66,800 ಹಾಗೂ ರಾಜೇಶ್ ನಾಯ್ಕ ₹10,500 ಖರ್ಚಾಗಿರುವುದಾಗಿ ಹೇಳಿದ್ದಾರೆ.

ಶಿರಸಿ– ಸಿದ್ದಾಪುರ: ಕಾಂಗ್ರೆಸ್‌ನ ಭೀಮಣ್ಣ ನಾಯ್ಕ ₹16.39 ಲಕ್ಷ, ಜೆಡಿಎಸ್‌ನ ಶಶಿಭೂಷಣ ಹೆಗಡೆ ₹11.43 ಲಕ್ಷ, ಎಂಇಪಿಯ ಅಬ್ದುಲ್ ರಜಾಕ್ ಶೇಖ್ ₹ 2.61 ಲಕ್ಷ ವೆಚ್ಚ ಮಾಡಿರುವುದಾಗಿ ತಿಳಿಸಿದ್ದಾರೆ.

ಯಲ್ಲಾಪುರ– ಮುಂಡಗೋಡ: ಬಿಜೆಪಿಯ ವಿ.ಎಸ್.ಪಾಟೀಲ ₹ 12.55 ಲಕ್ಷ, ಜೆಡಿಎಸ್‌ನ ರವೀಂದ್ರ ನಾಯ್ಕ ₹4.35 ಲಕ್ಷ ಖರ್ಚಾಗಿದೆ ಎಂದು ಚುನಾವಣಾ ಅಧಿಕಾರಿಗೆ ಮಾಹಿತಿ ಸಲ್ಲಿಸಿದ್ದಾರೆ.

ಬಿಜೆಪಿಯಿಂದ ತಲಾ ₹ 15 ಲಕ್ಷ

ಬಿಜೆಪಿಯಿಂದ ಪಕ್ಷದ ನಿಧಿಯೆಂದು ತನ್ನ ಅಭ್ಯರ್ಥಿಗಳಿಗೆ ತಲಾ ₹15 ಲಕ್ಷ ನೀಡಲಾಗಿತ್ತು. ಆದರೆ, ಅದನ್ನು ಸಂಪೂರ್ಣ ಖರ್ಚು ಮಾಡಿದವರು ಭಟ್ಕಳದ ಸುನೀಲ ನಾಯ್ಕ ಒಬ್ಬರೇ. ಅವರು ಈ ಮೊತ್ತ ಸಾಕಾಗದೇ ಸ್ವಂತ ಹಣವನ್ನೂ ಖರ್ಚು ಮಾಡಿರುವುದಾಗಿ ಚುನಾವಣಾ ಅಧಿಕಾರಿಗೆ ಸಲ್ಲಿಸಿದ ವಿವರದಲ್ಲಿ ತಿಳಿಸಿದ್ದಾರೆ. ಉಳಿದಂತೆ, ದಿನಕರ ಶೆಟ್ಟಿ ₹ 14 ಲಕ್ಷ ಖರ್ಚು ಮಾಡಿದ್ದರೆ, ವಿಶ್ವೇಶ್ವರ ಹೆಗಡೆ ಕಾಗೇರಿ ಮತ್ತು ರೂಪಾಲಿ ನಾಯ್ಕ ಕೂಡ ₹ 15 ಲಕ್ಷದ ಒಳಗೇ ಖರ್ಚು ಮಾಡಿದ್ದಾಗಿ ತಿಳಿಸಿದ್ದಾರೆ.