ಸೋಮವಾರ, ಏಪ್ರಿಲ್ 19, 2021
33 °C
ರಸ್ತೆ ಸುರಕ್ಷತಾ ಮಾಸಾಚರಣೆ: ಡಿವೈಎಸ್ಪಿ ಸಂತೋಷ ಬನ್ನಟ್ಟಿ ಅಭಿಮತ

ಸಂಚಾರ ನಿಯಮ ಪಾಲಿಸಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಗುರುಮಠಕಲ್: ‘ನಿತ್ಯ ಜೀವನದ ಅವಶ್ಯಕತೆಗಾಗಿ ಎಲ್ಲರೂ ಒಂದಲ್ಲ ಒಂದು ಬಗೆಯಲ್ಲಿ ರಸ್ತೆಯಲ್ಲಿ ಸಂಚರಿಸಲೇ ಬೇಕು. ಆದರೆ, ರಸ್ತೆ ಸಂಚಾರದ ಸಮಯದಲ್ಲಿನ ಚಿಕ್ಕ ಅಜಾಗರೂಕತೆಯಿಂದ ಸಂಭವಿಸುವ ನಷ್ಟವನ್ನು ಒಮ್ಮೆ ನೆನೆಪಿಸಿಕೊಂಡು ನಿಯಮ ಪಾಲಿಸಿ. ಅದರಿಂದ ನಮಗೆ ಬಹುಮುಖ ಲಾಭವಿದೆ’ ಎಂದು ಡಿವೈಎಸ್ಪಿ ಸಂತೋಷ ಬನ್ನಟ್ಟಿ ಅಭಿಪ್ರಾಯಪಟ್ಟರು.

ಪಟ್ಟಣದ ಸರ್ಕಾರಿ ಪ್ರಥಮ ದರ್ಜೆ ಪದವಿ ಮಹಾ ವಿದ್ಯಾಲಯದಲ್ಲಿ ಬುಧವಾರ ನಡೆದ ರಸ್ತೆ ಸುರಕ್ಷತಾ ಮಾಸಾಚರಣೆ ಕಾರ್ಯಕ್ರಮದಲ್ಲಿ ಮಾತನಾಡಿದರು.

‘ವಿದ್ಯಾರ್ಥಿಗಳಾದ ರಸ್ತೆ ನಿಯಮಗಳನ್ನು ಅರಿತುಕೊಂಡು ಪಾಲಿಸಬೇಕು. ಜೊತೆಗೆ ಕುಟುಂಬಕ್ಕೂ, ಸುತ್ತಲಿನ ಜನರಿಗೂ ನಿಯಮಗಳ ಕುರಿತು ಜಾಗೃತಿ ಮೂಡಿಸಬೇಕು’ ಎಂದು ಸಲಹೆ ನೀಡಿದರು.

‘ನಿಯಮಗಳ ಪಾಲನೆಯಿಂದ ನಮ್ಮ ಜೀವ ರಕ್ಷಣೆಯ ಜತೆಗೆ ಇತರರ ಜೀವವನ್ನೂ ರಕ್ಷಿಸಬಹುದು. ಎಲ್ಲರಿಗೂ ಸಂಚಾರ ನಿಯಮಗಳ ಅರಿವು ಅಗತ್ಯ’ ಎಂದರು.

ಪ್ರಾಂಶುಪಾಲ ಮೋನಪ್ಪ ಗಚ್ಚಿನಮನಿ, ಎನ್‌ಎಸ್‌ಎಸ್‌ ಅಧಿಕಾರಿ ಶರಣಪ್ಪ ಗುಂಡಗುರ್ತಿ, ಸಿಪಿಐ ದೇವೀಂದ್ರಪ್ಪ ದೂಳಖೇಡ, ಪಿಎಸ್‌ಐ ಹಣಮಂತಪ್ಪ ಬಂಕಲಗಿ, ಉಪನ್ಯಾಸಕ ಕೃಷ್ಣಪ್ಪ ಚಪೆಟ್ಲಾ ಹಾಗೂ ವೆಂಕಟೇಶ ಇದ್ದರು.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು