ಜಿಲ್ಲಾ ಕೇಂದ್ರ ಯಾದಗಿರಿಯಿಂದ ಕೇವಲ 8 ಕಿ.ಮೀ ಅಂತರದ ಗ್ರಾಮ. ಗ್ರಾಮದ ಅಗಸಿಯಿಂದ ವಡ್ಡರ್ ಓಣಿ ರಸ್ತೆ, ಈಳಿಗೇರ್ ಓಣಿ ರಸ್ತೆ, ಅಂಬೇಡ್ಕರ್ ನಗರದ ಶಾಲೆ ಹಿಂಭಾಗ ರಸ್ತೆ, ಗ್ರಾಪಂ ಪಕ್ಕದಲ್ಲೇ ಕೊಳಚೆ ನೀರು ಸಂಗ್ರಹವಾಗುತ್ತದೆ. ಅಗಸಿಯಿಂದ ಗುರುಸುಣಿಗಿ ರಸ್ತೆ, ಹನುಮಾನ ದೇವಸ್ಥಾನ ಮುಂಭಾಗದ ಅಗಸಿ ರಸ್ತೆ, ಕೋಲಿ ಸಮುದಾಯದ ಬಡಾವಣೆ, ಆಶ್ರಯ ಕಾಲೊನಿ ರಸ್ತೆ, ಗ್ರಾಮ ಪಂಚಾಯಿತಿ ಎದುರು ಬಡಾವಣೆ, ಗ್ರಾಮ ಪಂಚಾಯಿತಿ ಹಿಂಭಾಗ ಹೀಗೆ ಹಲವು ಬಡಾವಣೆಗಳ ರಸ್ತೆಗಳು ಅಕ್ಷರಶಃ ಕೆಸರು ಗದ್ದೆಗಳಾಗಿ ಮಾರ್ಪಟ್ಟಿವೆ.