ವಿಜೃಂಭಣೆಯಿಂದ ಸಾಗಿದ ಶೋಭಾಯಾತ್ರೆ

ಯಾದಗಿರಿ: ನಗರದ ಸ್ಟೇಷನ್ ಏರಿಯಾದ ಶಿವಾಜಿ ಯುವ ಗರ್ಜನೆ ಸೇನೆ ವತಿಯಿಂದ ಶುಕ್ರವಾರ ಸರ್ಕಾರಿ ಪದವಿ ಕಾಲೇಜು ಸಮೀಪದ ಹನುಮಾನ ದೇವಸ್ಥಾನದಿಂದ ಭವಾನಿ ಮಂದಿರದವರೆಗೆ ಸುಮಾರು 14 ಅಡಿ ಎತ್ತರದ ಶ್ರೀರಾಮ ಮೂರ್ತಿ, ಅಂಬಾಭವಾನಿ ಹಾಗೂ ಶಿವಾಜಿಯ ಅದ್ದೂರಿ ಶೋಭಾಯಾತ್ರೆ ಜರುಗಿತು.

. ಹನುಮಾನ ಮಂದಿರದಲ್ಲಿ ಅಲಂಕೃತ ವಾಹನಗಳಲ್ಲಿ ಇರಿಸಿದ್ದ ಬಿಲ್ಲುದಾರಿ ಶ್ರೀರಾಮನ ಮೂರ್ತಿ, ಹೂಗಳಿಂದ ಸಿಂಗರಿಸಲಾದ ಅಂಬಾಭವಾನಿ ಭಾವಚಿತ್ರ ಹಾಗೂ ಸಿಂಹಾಸನಾರೂಢ ಛತ್ರಪತಿ ಶಿವಾಜಿ ಮಹಾರಾಜರ ಮೂರ್ತಿಗಳಿಗೆ ಪೂಜೆ ಸಲ್ಲಿಸಿ ಶೋಭಾಯಾತ್ರೆಗೆ ಚಾಲನೆ ನೀಡಲಾಯಿತು.

. ಶೋಭಾಯಾತ್ರೆಗೆ ಚಾಲನೆ ಸಿಗುತ್ತಿದ್ದಂತೆ ‘ಜೈಶ್ರೀರಾಮ’, ‘ರಾಮಚಂದ್ರ ಪ್ರಭು ಮಹಾರಾಜಕೀ ಜೈ’, ‘ಜಾನಕಿರಾಮನಿಗೆ ಜೈ’... ಘೋಷಣೆಗಳು ಮೊಳಗಿದವು. ಡಿ.ಜೆ. ಸಂಗೀತದಲ್ಲಿ ಶ್ರೀರಾಮನ ಕುರಿತ ಹಾಡುಗಳನ್ನು ಬಿತ್ತರಿಸುತ್ತಿದ್ದಂತೆಯೇ ಕೇಸರಿ ಶಾಲು, ಕೇಸರಿ ಧ್ವಜಗಳನ್ನು ಹಿಡಿದಿದ್ದ ಯುವಕರು ಕುಣಿದು ಕುಪ್ಪಳಿಸಿದರು.

. ‘ಜೈ ಶ್ರೀರಾಮ್’, ‘ಜೈ ಶ್ರೀರಾಮ್ ರಘುಪತಿ ರಾಘವ ಜೈ ಶ್ರೀರಾಮ್’, ‘ಹುಟ್ಟಿದ್ದಾರೆ ಕನ್ನಡ ನಾಡಲ್ಲಿ’ ಸೇರಿದಂತೆ ಕನ್ನಡ, ಹಿಂದಿ, ಮರಾಠಿ ಡಿ.ಜೆ. ರಿಮಿಕ್ಸ್ ಹಾಡುಗಳಿಗೆ ಯುವಕರು ಮೈ ಸಡಿಲ ಮಾಡಿ ಕುಣಿದು ಸಂಭ್ರಮಿಸಿದರು. ಶೋಭಾಯಾತ್ರೆಯನ್ನು ಕಣ್ತುಂಬಿಕೊಳ್ಳಲು ರಸ್ತೆಯ ಎರಡೂ ಬದಿಗಳಲ್ಲಿ ಸಾವಿರಾರು ಜನರು ನಿಂತಿದ್ದು ಕಂಡುಬಂತು.

. ಹನುಮಾನ ದೇವಸ್ಥಾನದಿಂದ ಹೊರಟ ಶೋಭಾಯಾತ್ರೆಯು ನೇತಾಜಿ ಸುಭಾಷ ಚಂದ್ರಬೋಸ್ ವೃತ್ತ, ಶಾಸ್ತ್ರಿ ವೃತ್ತ, ರೈಲ್ವೆ ನಿಲ್ದಾಣ ರಸ್ತೆ ಮಾರ್ಗವಾಗಿ ಭವಾನಿ ಮಂದಿರ ತಲುಪಿ ಸಂಪನ್ನಗೊಂಡಿತು.

. ಶಿವಾಜಿ ಯುವ ಗರ್ಜನೆ ಸೇನೆಯ ಮುಖಂಡರಾದ ಲಕ್ಷ್ಮಣ ಮಡ್ಡಿ, ರಾಜು ಚವ್ಹಾಣ, ಚಿಂಟು ದಳಪತಿ, ಭಗವಾನ್, ಆನಂದ ಸಾಗರ್, ಸುಮಿತ್, ಬಜರಂಗದಳದ ಶಿವು, ರಾಜ್ಯ ಬಿಜೆಪಿ ಕಾರ್ಯಕಾರಿ ಸಮಿತಿ ಸದಸ್ಯ ಮಹೇಶರೆಡ್ಡಿ ಮುದ್ನಾಳ, ಲಕ್ಷ್ಮಿಪುತ್ರ ಮಾಲಿಪಾಟೀಲ ಸೇರಿದಂತೆ ಹಲವರು ಶೋಭಾಯಾತ್ರೆಯಲ್ಲಿ ಪಾಲ್ಗೊಂಡಿದ್ದರು.

. ಶೋಭಯಾತ್ರೆ ಸಾಗುವ ಮಾರ್ಗದಲ್ಲಿ ಬಿಗಿ ಪೊಲೀಸ್ ಬಂದೋಬಸ್ತ್ ವ್ಯವಸ್ಥೆ ಮಾಡಲಾಯಿತು. ವಾಹನಗಳ ಸುಗಮ ಸಂಚಾರಕ್ಕಾಗಿ ಪೊಲೀಸರು ರಸ್ತೆಯ ಅಲ್ಲಲ್ಲಿ ಬ್ಯಾರಿಕೇಡ್ಗಳನ್ನು ಹಾಕಿ ವಾಹನಗಳು ಬೇರೊಂದು ರಸ್ತೆಗಳಲ್ಲಿ ತೆರಳುವಂತೆ ಸೂಚಿಸಿದರು.

. ಮೂಲತಃ ಪ್ರಜಾವಾಣಿ ಮುದ್ರಣ ಆವೃತ್ತಿಯಿಂದ ಇದನ್ನು ಪಡೆಯಲಾಗಿದೆ. ಎಐ ನೆರವಿನ ವರ್ಗೀಕರಣದಿಂದಾಗಿ ವಿಭಾಗ ಮತ್ತು ಬಳಸಿರುವ ಪ್ರಾತಿನಿಧಿಕ ಚಿತ್ರ ತಪ್ಪಾಗಿರಬಹುದು. ಸುದ್ದಿಯ ವಿಷಯದಲ್ಲಿ ಯಾವುದೇ ಬದಲಾವಣೆ ಇಲ್ಲ 260404-30-387860871

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿಜೃಂಭಣೆಯಿಂದ ಸಾಗಿದ ಶೋಭಾಯಾತ್ರೆ

Rain Alert: ರಾಜ್ಯದ 14 ಜಿಲ್ಲೆಗಳಲ್ಲಿ ಇಂದು ಗುಡುಗು ಸಹಿತ ಮಳೆ ಸಾಧ್ಯತೆ

ಹೂವಿನಹಡಗಲಿ | ಬೈಕ್ ಸವಾರರ ಮೇಲೆ ಎರಗಿದ ಚಿರತೆ: ಮೂವರಿಗೆ ಗಾಯ

ಅಪ್ಪ ಜನರಿಗಾಗಿ ಬದುಕಿದ ನಾಯಕ: ವಿನಯ ಕುಲಕರ್ಣಿ ಮಗಳ ಭಾವುಕ ಪೋಸ್ಟ್

ಯುಎಇಗೆ 2 ಬಿಲಿಯನ್ ಡಾಲರ್ ಸಾಲ ವಾಪಸ್: ಪಾಕ್ ಕೇಂದ್ರ ಬ್ಯಾಂಕ್

ನಮ್ಮ ಗೆಲುವಿಗೆ ಅವರೇ ಕಾರಣ: ರಾಜಸ್ಥಾನ ವಿರುದ್ಧ ಗೆದ್ದ ಬಳಿಕ ವರುಣ್ ಭಾವುಕ

ವಿಡಿಯೊ: KKR ವಿರುದ್ಧದ ಪಂದ್ಯ ಸೋತ ಬಳಿಕ ಗಳಗಳನೆ ಕಣ್ಣೀರು ಹಾಕಿದ ಸೂರ್ಯವಂಶಿ

ಸತತ 3 ಪಂದ್ಯಗಳ ಮೊದಲ ಎಸೆತದಲ್ಲೇ ವಿಕೆಟ್: ಶಮಿಗೂ ಸಾಧ್ಯವಾಗದ ದಾಖಲೆ ಬರೆದ ಆರ್ಚರ್

IPL 2026: ಭರ್ಜರಿ ಅರ್ಧಶತಕ ಸಿಡಿಸಿ ತಂಡದ ಗೆಲುವಿಗೆ ಕಾರಣನಾದ ಪ್ರಿಯಾಂಶ್

ಒಳನೋಟ: ಮೃಗಾಲಯದಲ್ಲಿ ಮೂಕರೋದನ

ಒಳನೋಟ: ಗಿಗ್‌ ಕಾರ್ಮಿಕರದ್ದು ಬಗೆದಷ್ಟೂ ಬವಣೆ

ಒಳನೋಟ: ಬದುಕು ನುಂಗಿದ ಕೊಪ್ಪಳದ ಕರಿದೂಳು– ಇದು ವಾಯುಮಾಲಿನ್ಯದ ಆಘಾತಕಾರಿ ಅವಾಂತರ!

ಒಳನೋಟ: ಕುದುರೆಮುಖ ರಾಷ್ಟ್ರೀಯ ಉದ್ಯಾನದ ಕಾಡಂಚಿನ ಜನರ ನಿತ್ಯ ರೋದನ

Rain Alert: ರಾಜ್ಯದ 14 ಜಿಲ್ಲೆಗಳಲ್ಲಿ ಇಂದು ಗುಡುಗು ಸಹಿತ ಮಳೆ ಸಾಧ್ಯತೆ

ಹೂವಿನಹಡಗಲಿ | ಬೈಕ್ ಸವಾರರ ಮೇಲೆ ಎರಗಿದ ಚಿರತೆ: ಮೂವರಿಗೆ ಗಾಯ

ಅಪ್ಪ ಜನರಿಗಾಗಿ ಬದುಕಿದ ನಾಯಕ: ವಿನಯ ಕುಲಕರ್ಣಿ ಮಗಳ ಭಾವುಕ ಪೋಸ್ಟ್

ಯುಎಇಗೆ 2 ಬಿಲಿಯನ್ ಡಾಲರ್ ಸಾಲ ವಾಪಸ್: ಪಾಕ್ ಕೇಂದ್ರ ಬ್ಯಾಂಕ್