ಕೇಂದ್ರ ಸರ್ಕಾರದ ಸಿಬ್ಬಂದಿ ನೇಮಕಾತಿ ಆಯೋಗವು ಕಾನ್ಸ್ಟೆಬಲ್(ಚಾಲಕ–ಪುರುಷ) ಹುದ್ದೆಗಾಗಿ ಸ್ಪರ್ಧಾತ್ಮಕ ಪರೀಕ್ಷೆ ಮೂಲಕ ಆಯ್ಕೆ ಮಾಡಲು ಆಸಕ್ತರಿಂದ ಅರ್ಜಿ ಆಹ್ವಾನಿಸಿದೆ.
‘ದೆಹಲಿ ಪೊಲೀಸ್ ಪರೀಕ್ಷೆ 2022‘ ಶೀರ್ಷಿಕೆಯಡಿ ಈ ಪರೀಕ್ಷೆ ನಡೆಯಲಿದೆ. ಎಷ್ಟು ಹುದ್ದೆಗಳಿಗಾಗಿ ಪರೀಕ್ಷೆ ನಡೆಸಲಾಗುತ್ತಿದೆ ಎಂಬುದನ್ನು ನಿಗದಿಪಡಿಸಿಲ್ಲ. ನಂತರ ಹುದ್ದೆಗಳ ಸಂಖ್ಯೆ ನಿಗದಿಗೊಳಿಸುವುದಾಗಿ ಜುಲೈ 8ರಂದು ಬಿಡುಗಡೆ ಮಾಡಿದ ಅಧಿಸೂಚನೆಯಲ್ಲಿ ತಿಳಿಸಿದೆ.
ವಿದ್ಯಾರ್ಹತೆ:10+2 ಅಥವಾ ದ್ವಿತೀಯ ಪಿಯುಸಿ ಅಥವಾ ತತ್ಸಮಾನ ಪರೀಕ್ಷೆಯಲ್ಲಿ ಪಾಸಾಗಿರಬೇಕು. ಭಾರಿ ವಾಹನಗಳ ಚಾಲನೆಯಲ್ಲಿ ಅನುಭವವಿರಬೇಕು. ಭಾರಿ ಮೋಟಾರು ವಾಹನಗಳಿಗೆ ಮಾನ್ಯವಾದ ಚಾಲನಾ ಪರವಾನಗಿ (ಆನ್ಲೈನ್ ಸ್ವೀಕೃತಿಯ ಅಂತಿಮ ದಿನಾಕದಂತೆ ಪರವಾನಗಿ ಹೊಂದಿರಬೇಕು) ಹೊಂದಿರಬೇಕು. ವಾಹನಗಳ ನಿರ್ವಹಣೆಯ ಜ್ಞಾನವನ್ನೂ ಹೊಂದಿರಬೇಕು.
ವಯೋಮಿತಿ:ಜುಲೈ1, 2022ರ ಅನ್ವಯ ಕನಿಷ್ಠ 21 ವರ್ಷ. ಗರಿಷ್ಠ 30 ವರ್ಷಗಳು. ನಿರ್ದಿಷ್ಟ ವರ್ಗದವರು ವಯೋಮಿತಿ ಸಡಿಲಿಕೆಗೆಗಾಗಿ ಜುಲೈ 8ರಂದು ಆಯೋಗ ತನ್ನ ಜಾಲತಾಣದಲ್ಲಿ ಪ್ರಕಟಿಸಿರುವ ಅಧಿಸೂಚನೆಯ ಪ್ಯಾರಾ–4ಅನ್ನು ಪರಿಶೀಲಿಸಬಹುದು.
ಪ್ರವೇಶ ಶುಲ್ಕ:₹100(ಮಾಜಿ ಸೈನಿಕರಿಗೆ, ಎಸ್ಸಿ, ಎಸ್ಟಿ, ಅಂಗವಿಕಲ ಅಭ್ಯರ್ಥಿಗಳಿಗೆ ಶುಲ್ಕವಿಲ್ಲ)
ಅರ್ಜಿ ಸಲ್ಲಿಸುವ ವಿಧಾನ:ಸಿಬ್ಬಂದಿ ನೇಮಕಾತಿ ಸಂಸ್ಥೆ (ಎಸ್ಎಸ್ಸಿ)ಯ ಜಾಲತಾಣ https//ssc.nic.in ಮೂಲಕವೇ ಅರ್ಜಿ ಸಲ್ಲಿಸಬೇಕು. ಹೆಚ್ಚಿನ ವಿವರಗಳಿಗೆ ಅಧಿಸೂಚನೆಯ ಅನುಬಂಧ–III ಮತ್ತು IV ಅನ್ನು ನೋಡಿ.
ಅರ್ಜಿ ಸಲ್ಲಿಸಲು ಕೊನೆ ದಿನ:ಜುಲೈ 29, 2022. ಆನ್ಲೈನ್ ಅರ್ಜಿಗಳನ್ನು ಮಾತ್ರ ಪರಿಗಣಿಸಲಾಗುತ್ತದೆ.
ಆಯ್ಕೆ ವಿಧಾನ: ಆನ್ಲೈನ್ ಪರೀಕ್ಷೆ ಮೂಲಕ ಅಭ್ಯರ್ಥಿಗಳನ್ನು ಆಯ್ಕೆ ಮಾಡಲಾಗುತ್ತದೆ.
ಪರೀಕ್ಷೆ ವಿಷಯಗಳು:
· ಪತ್ರಿಕೆ –1 : ಇದು ಕಂಪ್ಯೂಟರ್ ವಿಷಯ ಆಧಾರಿತವಾದ ಪರೀಕ್ಷೆ. ವಸ್ತುನಿಷ್ಠ (objective)ಮಾದರಿಯಲ್ಲಿ ಬಹು ಆಯ್ಕೆಯ ಪ್ರಶ್ನೆಗಳಿರುತ್ತವೆ.
· ದೈಹಿಕ ಸಹಿಷ್ಣುತೆ ಮತ್ತ ಮಾಪನ ಪರೀಕ್ಷೆ (PE&MT)
· ಟ್ರೇಡ್ ಪರೀಕ್ಷೆ
· ವೈದ್ಯಕೀಯ ಪರೀಕ್ಷೆ
ಈ ಹುದ್ದೆಯ ಹೆಚ್ಚಿನ ವಿವರಕ್ಕಾಗಿ www.ssckkr.kar.nic.in ಮತುῗ https://ssc.nic.in. ಜಾಲತಾಣಗಳಿಗೆ ಭೇಟಿ ನೀಡಬಹುದು.